ព័ត៌មានជាតិ
អាមេរិកនៅតែជាដៃគូពាណិជ្ជកម្មឈានមុខគេមួយរបស់កម្ពុជា
ភ្នំពេញៈ កម្ពុជាប្រមូលប្រាក់បានជាង ៣,៤ ពាន់លានដុល្លារពីការនាំចេញទំនិញទៅទីផ្សារអាមេរិកនៅក្នុងរយៈពេល ៥ ខែដើមឆ្នាំ ២០២៤ កើនជាង ៧ ភាគរយ បើធៀបរយៈពេលដូចគ្នាឆ្នាំ ២០២៣ ខណៈអាមេរិកនៅតែជាប្រទេសនាំមុខគេដែលទទួលទិញទំនិញពីកម្ពុជា នៃទឹកប្រាក់នាំចេញសរុប។ នេះបើតាមអគ្គនាយកដ្ឋានគយ និងរដ្ឋាករកម្ពុជា (GDCE)។
យោង GDCE ចន្លោះពីខែមករាដល់ខែឧសភាឆ្នាំ ២០២៤ ការនាំចេញ-នាំចូលទំនិញរវាងកម្ពុជា និងអាមេរិក មានចំនួនសរុប ៣,៥២វ ពាន់លានដុល្លារ កើន ៧ ភាគរយបើធៀបរយៈពេលដូចគ្នាឆ្នាំ ២០២៣ ដែលមាន ៣,២ ពាន់លានដុល្លារ ក្នុងនោះទំនិញកម្ពុជានាំទៅអាមេរិក ចំនួន ៣,៤ ពាន់លានដុល្លារ កើន ៧ ភាគរយ ចំណែកទំនិញអាមេរិកនាំមកកម្ពុជាចំនួន ៩៥,៥៨ លានដុល្លារ កើនឡើងជា១ ភាគរយ។
លោក ប៉ែន សុវិជាតិ រដ្ឋលេខាធិការនិងជាអ្នកនាំពាក្យក្រសួងពាណិជ្ជកម្ម បានឱ្យដឹងថា សម្ទុះការនាំចេញផលិតផលវាយនភណ្ឌពីកម្ពុជាទៅទីផ្សារអន្តរជាតិ ពិសេសបណ្តាប្រទេសតំបន់អឺរ៉ុប អាមេរិក និងកាណាដាបានងើបឡើងវិញគួរឱ្យកត់សម្គាល់តាំងពីឆមាសទី២ ឆ្នាំ ២០២៣។
លោកថាអាមេរិក គឺជាទីផ្សារនាំចេញទំនិញធំជាងគេរបស់កម្ពុជា ដោយភាគច្រើនជាផលិតផលសម្លៀកបំពាក់ ស្បែកជើង កាបូប និងកសិផលមួយចំនួន។
លោកថ្លែងថា៖ «សម្រាប់ឆ្នាំ ២០២៤ នេះ តាមការពិនិត្យជាក់ស្តែង យើងឃើញថាក្នុងរយះពេលប៉ុន្មានខែដើមឆ្នាំនេះ ការនាំចេញសំលៀកបំពាក់ វាយនភណ្ឌ ស្បែកជើង ស្រោមជើង និងវត្ថុប្រហាក់ប្រហែល អាចនឹងល្អប្រសើរជាងឆ្នាំមុន ដោយសារតែភាពប្រសើរឡើងនៃសេដ្ឋកិច្ចអាមេរិកធ្វើអោយតម្រូវការមានការកើនឡើង។ ជាមួយគ្នានេះដែរការបញ្ចេញស្តុករបស់ក្រុមហ៊ុនបញ្ជាទិញ និងហាងលក់ទំនិញនានា ក៏បានជួយឱ្យការបញ្ជាទិញផលិតផលសំលៀកបំពាក់ វាយនភណ្ឌ ស្បែកជើង និងផលិតផលប្រហាក់ប្រហែលក្នុងឆ្នាំ ២០២៤ មានកំណើនធៀបឆ្នាំ ២០២៣»។
សេដ្ឋវិទូនៅរាជបណ្ឌិត្យសភាកម្ពុជា លោក ហុង វណ្ណៈ ក៏បានប្រាប់កម្ពុជាថ្មីនៅថ្ងៃនេះថា ទោះបីពេលនេះកំណើនសេដ្ឋកិច្ចពិភពលោកមិនទាន់ល្អដូចមុនពេលមានវិបត្តិជំងឺកូវីដ ១៩ ប៉ុន្តែការនាំចេញទំនិញរបស់កម្ពុជាទៅអាមេរិក គឺបង្ហាញភាពវិជ្ជមានឡើងវិញជាបន្តបន្ទាប់ចាប់តាំងពីចុងឆ្នាំ ២០២៣។ និន្នាការនេះនឹងបន្តទៅមុខទៀត ខណៈបច្ចុប្បន្នកម្ពុជាមានមុខទំនិញកាន់តែច្រើនសម្រាប់ឆ្លើយតបទៅនឹងតម្រូវការទីផ្សារសកល។
លោកបញ្ជាក់ថា៖ «ការងើបឡើងវិញនៃតម្រូវការផលិតផលវាយនភណ្ឌនៅអាមេរិក ព្រមទាំងការកើនឡើងសមត្ថភាពផលិតកម្មនៅកម្ពុជានឹងជួយធ្វើឱ្យកម្ពុជាមានឱកាសទទួលប្រាក់ចំណូលកាន់តែច្រើនពីពាណិជ្ជកម្មទ្វេភាគីនេះ។ អាមេរិក គឺជាទីផ្សារទទួលទិញផលិតផលវាយនភណ្ឌចម្បងរបស់កម្ពុជា»។
ទិន្នន័យរបស់ GDCE ឱ្យដឹងថា ក្នុងឆ្នាំ ២០២៣ ការនាំទំនិញទៅមករវាងដៃគូពាណិជ្ជកម្មទាំង ២ មានទឹកប្រាក់សរុប ៩,១៥ ពាន់លានដុល្លារ ធ្លាក់ចុះ ១,៤ ភាគរយធៀបរយៈពេលដូចគ្នាឆ្នាំ ២០២២ ក្នុងនោះទំនិញកម្ពុជានាំទៅអាមេរិក ៨,៩ ពាន់លានដុល្លារ ថយចុះ ០,៨ ភាគរយ ចំណែកទំនិញអាមេរិកនាំមកកម្ពុជាបានចំនួន ២៥៧,១៨ លានដុល្លារ ថយចុះ ១៧,៧ ភាគរយ៕
ក្មេងទំនើង២ក្រុមនៅក្នុងប៉ោយប៉ែតបើកឆាកប្រយុទ្ធត្រូវកម្លាំងអាវុធហត្ថឃាត់ខ្លួនបាន៨នាក់
អាជ្ញាធរខេត្តសៀមរាប គ្រោងដាំដើមឈើតាមដងផ្លូវឱ្យបាន១ម៉ឺនដើម រយៈពេល២ឆ្នាំខាងមុខ
លោក ស សុខា៖ ក្រុមគ្រូពេទ្យស្ម័គ្រចិត្ត ស សុខា រួមចំណែកផ្ដល់សេវាសុខភាពជូនពលរដ្ឋ ស្របតាមនយោបាយសម្ដេចធិបតី
ទីផ្សាររថយន្តថៃទន់ខ្សោយខ្លាំង ដោយការលក់ធ្លាក់ចុះរហូតដល់ជិត ២៤ ភាគរយ ៥ ខែដើមឆ្នាំ
សេដ្ឋកិច្ចវៀតណាមនៅត្រីមាសទី២រំពឹងកើនឡើងខ្ពស់ ប៉ុន្តែសម្ពាធអតិផរណានៅតែបន្ត
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
វីដេអូរន្ធត់! ប៉ូលិសរុស្ស៊ី បង្អួតជំនាញខុសបច្ចេកទេស ត្រូវរថយន្តកិនពីលើ
គ្រូបង្រៀនម្នាក់ឆ្លៀតយកម៉ោងសម្រាក លក់ទុរេនដាំនៅចំការផ្ទាល់ខ្លួន រកបានកម្រៃរាប់ម៉ឺនដុល្លារ
MV ថ្មី “Rockstar” របស់ Lisa ខំប្រម៉ូតប្រទេសថៃ បែរជាប់មម្រាមលើ Facebook ភ្លាមៗ
ក្រុមអភិវឌ្ឍន៍សង្កាត់ទឹកល្អក់ទី៣ ខិតខំប្ដូរលូតូចចេញ ដាក់លូធំជាងមុន ដើម្បីបញ្ជៀសទឹកឲ្យបានលឿន
-
ព័ត៌មានជាតិ៦ ថ្ងៃ agoអ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៥ ថ្ងៃ agoលោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ១ សប្តាហ៍ agoបុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
ព័ត៌មានអន្ដរជាតិ៤ ថ្ងៃ agoព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ៧ ថ្ងៃ agoរដ្ឋមន្ត្រីក្រសួងព័ត៌មាន ស្នើអ្នកសារព័ត៌មាន MMO ឈប់បង្ហោះវីដេអូជនដៃដល់ស្រី ស៊ីណា បាញ់ជនរងគ្រោះ
-
ព័ត៌មានជាតិ៤ ថ្ងៃ agoអភិបាលខេត្តជើងខ្លាំង៤រូប នៅរក្សាតំណែង ខណៈអភិបាល៤រូបទៀត របូតតំណែងនេះ
-
សន្តិសុខសង្គម៥ ថ្ងៃ agoព័ត៌មានបឋម! ជនមិនស្គាល់មុខចាក់សម្លាប់យុវជនម្នាក់នៅផ្ទះជួលជាន់ទី៣
-
ព័ត៌មានជាតិ១ សប្តាហ៍ agoគម្រោងអភិវឌ្ឍន៍ប្រព័ន្ធធារាសាស្ត្រដ៏ធំនៅខេត្តបន្ទាយមានជ័យ នឹងជួយបង្កបង្កើនផលដល់កសិករ និងកាត់បន្ថយទឹកជំនន់