ព័ត៌មានជាតិ
មន្រ្តីរដ្ឋាភិបាល ចុះពិនិត្យទីតាំងដាំបង្គោលផ្លាកឈ្មោះ «មហាវិថី ស៊ី ជិនពីង» ត្រៀមសម្ពោធអំឡុងខែកក្កដានេះ
មន្រ្តីជាន់ខ្ពស់រដ្ឋាភិបាលបានចុះពិនិត្យទីតាំងដាំបង្គោលផ្លាកឈ្មោះ «មហាវិថី ស៊ី ជីនពីង» នៅតាមបណ្តោយផ្លូវខ្សែក្រវាត់ក្រុងទី ៣ ដែលគ្រោងសម្ពោធជាផ្លូវការនៅអំឡុងពាក់កណ្តាលខែកក្កដា ឆ្នាំ២០២៤។
កាលពីថ្ងៃទី ២៣ ខែមិថុនា ឆ្នាំ២០២៤ លោក ប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន បានអមដំណើរលោក ស៊ុន ចាន់ថុល ឧបនាយករដ្ឋមន្រ្តី និងជាអនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានចុះពិនិត្យទីតាំងសម្រាប់ពិធីដាំបង្គោលផ្លាកឈ្មោះ «មហាវិថី ស៊ី ជិនពីង» នៅតាមបណ្តោយផ្លូវខ្សែក្រវាត់ក្រុងទី៣។
ការចុះពិនិត្យទីតាំងសម្រាប់ពិធីដាំបង្គោលផ្លាកឈ្មោះ «មហាវិថី ស៊ី ជីនពីង» ស្ថិតនៅលើខ្សែផ្លូវក្រវាត់ក្រុងទី ៣ ដែលគ្រោងសម្ពោធជាផ្លូវការនៅថ្ងៃទី ១៩ ខែកក្កដា ឆ្នាំ២០២៤។
ផ្លូវក្រវាត់ក្រុងទី ៣ ត្រូវបានរដ្ឋាភិបាលសម្រេចប្រសិទ្ធនាមថា “មហាវិថី ស៊ី ជីនពីង”។ មហាវិថី ស៊ី ជីនពីង ឆ្លងកាត់ភូមិសាស្រ្តរាជធានីភ្នំពេញ និងខេត្តកណ្តាល មានប្រវែង ៤៧,១០ គីឡូម៉ែត្រ ក្រាលបេតុងស៊ីម៉ង់ត៍សរសៃដែក មានចំណុចចាប់ផ្តើមពីគីឡូម៉ែត្រលេខ ១៤+១០៥ នៃផ្លូវជាតិលេខ ៤ និងចំណុចចុងបញ្ចប់នៅគីឡូម៉ែត្រលេខ ២៤+៨៤០ នៃផ្លូវជាតិលេខ១។
មហាវិថី ស៊ី ជីនពីង ជាសមិទ្ធផលថ្មីមួយបន្ថែមទៀត នៅក្នុងចំណោមសមិទ្ធផលសំខាន់ៗជាច្រើននៅទូទាំងប្រទេស ដែលបានលេចចេញជារូបរាងឡើងនៅក្នុងយុគសម័យតេជោសន្តិភាព និងជាចំណងដៃដ៏ពិសិដ្ឋថ្លៃថ្លារបស់រាជរដ្ឋាភិបាលជូលដល់បងប្អូនប្រជាពលរដ្ឋនៅទូទាំងប្រទេស ដើម្បីប្រើប្រាស់ជាប្រយោជន៍ និងយូរអង្វែង៕
-
ព័ត៌មានជាតិ៣ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
សន្តិសុខសង្គម១ សប្តាហ៍ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
ព័ត៌មានជាតិ៦ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានជាតិ១ សប្តាហ៍ ago
បញ្ចេញបញ្ជីឈ្មោះគ្រឹះស្ថានធនាគារ និងហិរញ្ញវត្ថុស្របច្បាប់នៅកម្ពុជា បញ្ចៀសពលរដ្ឋកុំប្រើសេវាក្រៅផ្លូវការនាំហានិភ័យខ្ពស់
-
ព័ត៌មានជាតិ៥ ថ្ងៃ ago
ក្រុមអភិវឌ្ឍន៍សង្កាត់ទឹកល្អក់ទី៣ ខិតខំប្ដូរលូតូចចេញ ដាក់លូធំជាងមុន ដើម្បីបញ្ជៀសទឹកឲ្យបានលឿន
-
ព័ត៌មានជាតិ៧ ថ្ងៃ ago
សម្ដេចធិបតី៖ ក្រុមហ៊ុនចិន BYD គ្រោងដាក់ទុនរៀបចំផលិតរថយន្តនៅកម្ពុជា
-
ព័ត៌មានជាតិ១៥ ម៉ោង ago
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤
-
ព័ត៌មានជាតិ២ ថ្ងៃ ago
ក្រុមហ៊ុន ចំនួន២ កើតទុក្ខមិនសុខចិត្ត រឿងដេញថ្លៃសង់ផ្លូវបេតុង ក្នុងឃុំថ្មពេជ្រ ក្នុងខេត្តត្បូងឃ្មុំ