ព័ត៌មានជាតិ
ដើមឆ្នាំ២០២៤នេះ បក្ខពួកចោរដែលនៅសេសសល់ ធ្វើសកម្មភាពបន្លំចូលលួចកន្លែងវីងផ្ទេរប្រាក់ បានសម្រេច៤ករណីធំៗហើយ
ភ្នំពេញ ៖ ប្រជាពលរដ្ឋជាអាជីវករ បានលើកឡើងថា ប្រទេសមានសុខសន្ដិភាព និងការអភិវឌ្ឍរីក ចម្រើនជាបន្ដបន្ទាប់ក្រោមការដឹកនាំរបស់ប្រមុខរដ្ឋាភិបាលកម្ពុជាសព្វថ្ងៃ ប៉ុន្ដែមានការព្រួយបារម្ភយ៉ាងខ្លាំងអំពីបញ្ហាភូមិ-ឃុំមានសុវត្ថិភាព ខណៈក្រុមបក្ខពួកចោរ ដើររាតត្បាតធ្វើសកម្មភាពបន្លំ ចូលលួចលុយកន្លែងផ្ទះអាជីវករទូទាំងប្រទេស បានសម្រេចជាច្រើនករណីធំៗ ប៉ុន្ដែសមត្ថកិច្ច មិនទាន់ចាប់ក្រុមចោរទាំងនេះ មកផ្តន្ទាទោសបាននៅឡើយ។
ជាក់ស្ដែងគ្រាន់តែដើមឆ្នាំ២០២៤ ក្រុមបក្ខពួកចោរទាំងនេះ ធ្វើសកម្មភាពបានសម្រេច៤ករណីធំៗ ដោយករណីទី១. ចូលលួចលុយផ្ទះវេរលុយវីងមួយកន្លែង ស្ថិតនៅភូមិ ព្រែកស្វាយ២ ឃុំឈើទាល ស្រុកកៀនស្វាយ ខេត្តកណ្តាល ក្នុងកញ្ជរប្ដូរប្រាក់ អស់ប្រមាណ ១២០០០$ នៅវេលាម៉ោង ១០ និ១៦នាទី ថ្ងៃទី០២ ខែកុម្ភៈ ឆ្នាំ ២០២៤ រួចគេចខ្លួនដោយសុវត្ថិភាព។
ករណីបន្លំលួចនេះ ជនរងគ្រោះ ក៏បានដាក់ពាក្យបណ្ដឹងទៅប៉ុស្ដិ៍នគរបាលកៀនស្វាយ និងកម្លាំងកងរាជអាវុធហត្ថខេត្តកណ្ដាលផងដែរ ហើយកម្លាំងកងរាជអាវុធហត្ថខេត្ត បន្ដស្រាវជ្រាវតាមចាប់ក្រុមចោរទាំងនោះ បានបក្សពួកម្នាក់ ដកហូតវត្ថុតាំង មានរថយន្ដលុចស៊ីស១គ្រឿង ម៉ូតូស្កត់ពីរ១គ្រឿង រួមទាំងសម្ភារៈមួយចំនួនទៀត ដែលជនសង្ស័យលួចបានពីជនរងគ្រោះ។
បច្ចុប្បន្នជនសង្ស័យដែលចាប់បានម្នាក់នេះ ត្រូវបានកម្លាំងអាវុធខេត្ត កសាងសំណុំរឿងបញ្ជូនទៅតុលាការ ចាត់ការតាមនីតិវិធីនៃច្បាប់ផងដែរ។
ករណីទី២. ក្រុមបក្ខពួកចោរទាំងនេះ បន្លំចូលលួចលុយនៅកន្លែងវេលុយទ្រូម៉ានីមួយកន្លែង នៅក្រុងបាត់ដំបង អស់ជាង៦ពាន់ដុល្លារ រួចគេចខ្លួនដោយសុវត្ថិភាព កាលពីវេលាម៉ោង៨និង១០នាទីព្រឹក ថ្ងៃទី២២ ខែមិនា ឆ្នាំ ២០២៤ ស្ថិតក្នុងភូមិនំក្រៀប សង្កាត់ព្រែកព្រះស្ដេច ក្រុងបាត់ដំបង បន្សល់ទុកតែសកម្មភាព នៅក្នុងកាមេរ៉ាសុវត្ថិភាព។
មិនទាន់ចេញទៅណាឆ្ងាយពីខេត្តបាត់ដំបង ករណីទី៣. ក្រុមបក្ខពួកចោរទាំងនេះ នៅបន្ដធ្វើសកម្មភាពដដែលៗ នៅទីតាំងវីងវេរលុយមួយកន្លែងទៀត ក្រុមចោរទាំងនេះ មានគ្នាប្រុស-ស្រី ដោយប្រើល្បិចដដែល បន្លំចូលលួចយកលុយអស់ប្រហែល ៨,០០០ ដុល្លារអាមេរិក រួចនាំគ្នាឡើងជិះម៉ូតូបណ្ដាក់គ្នាគេចខ្លួន ដោយសុវត្ថិភាព កាលពីវេលាម៉ោង ៨ និង ៤៥ នាទីព្រឹក ថ្ងៃទី៦ ខែមេសា ឆ្នាំ២០២៤ ស្ថិតនៅភូមិស្នឹងកើត ឃុំស្នឹងស្រុកបាណន់ ខេត្តបាត់ដំបង។
នៅខេត្តបាត់ដំបងដដែល ករណីទី៤. ក្រុមបក្ខពួកចោរទាំងនេះ បានធ្វើសកម្មភាពបន្លំចូលលួចលុយកន្លែងផ្ទះវីង ផ្ទះលក់អីវ៉ាន់ចាប់ហួយ និងបើក«វីងវេរលុយ» មួយកន្លែង លួចយកលុយខ្មែរអស់ចំនួន០៣លានរៀល និងលុយដុល្លារអស់ចំនួន១,៥០០ដុល្លារអាមេរិក រួចនាំគ្នាជិះម៉ូតូគេចខ្លួនដោយសុវត្ថិភាព កាលពីវេលាម៉ោង៨ព្រឹកថ្ងៃទី២៣ មិថុនា ឆ្នាំ ២០២៤ នៅភូមិថ្កូវ សង្កាត់ក្ដុលដូនទាវ ក្រុងបាត់ដំបង។
បើតាមប្រភពព័ត៌មានដែលបានស្រង់សម្ដីជនរងគ្រោះ មុនពេលកើតហេតុ មានស្ត្រីម្នាក់បានជិះម៉ូតូទៅឈប់ខាងមុខផ្ទះ រួចចុះទៅរកទិញ «ខ្ទឹម»។ ប្រភពបានឲ្យដឹងថា ស្ត្រីនោះបានធ្វើជារើសខ្ទឹម ដោយពន្យារពេលយ៉ាងយូរ បន្តិចក្រោយក៏មានបុរសម្នាក់ពាក់មួយកន្តឹបដើរចូលទៅ រួចបន្លំចូលបន្ទប់«វីងវេរលុយ» ប្រមូលលុយច្រកថង់រួចដើរចេញមកក្រៅយ៉ាងលឿន និងគេចខ្លួនដោយសុវត្ថិភាព។
ជាចុងក្រោយប្រជាពលរដ្ឋរងគ្រោះ បានសំណូមពរដល់សមត្ថកិច្ចទូទាំងប្រទេស ជាពិសេស សូមលោកឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ មេត្តាចាត់មន្ដ្រីតាមស្រាវជ្រាវ ចាប់បក្សពួកជនសង្ស័យដែលនៅសេសសល់ទាំងនោះ យកមកផ្តន្ទាទោសតាមច្បាប់ ដើម្បីភាពសុខសាន្ដប្រជាពលរដ្ឋ៕
ដោយ ៖ សុភា
មេដឹកនាំអារ៉ាប់កំណត់យកលើផែនការកសាងហ្គាហ្សាឡើងវិញ ផ្ទុយសំណើត្រាំ
ជំនួបកំពូល ត្រាំ-ពូទីននឹងផ្សព្វផ្សាយភ្លាម ពេលកំណត់ជាក់លាក់
ក្រសួងការងារ ៖ ខេត្តកំពង់ឆ្នាំងមានតម្រូវការកម្លាំងពលកម្មជាង ១ ម៉ឺន ៦ ពាន់កន្លែង ច្រើនជាងគេនៅទូទាំងប្រទេស
កាកបាទក្រហមកម្ពុជាខេត្តកំពង់ធំ ចុះសួរសុខទុក្ខស្ត្រីឆ្លងទន្លេ ក្នុងទិវាជាតិសុខភាពមាតា ទារក និង កុមារ
ចម និម្មល៖ការគិតគូរអំពីដំណោះស្រាយនៃខ្សែច្រវាក់ផ្គត់ផ្គង់សេវាសកលក្នុងអាស៊ាន និងអាស៊ីបូព៌ាគឺសំខាន់សម្រាប់ជំរុញការនាំចេញ
រដ្ឋមន្ត្រីការពារជាតិ ទៀ សីហា នឹងចូលរួមកិច្ចប្រជុំចង្អៀតរដ្ឋមន្ត្រីការពារជាតិអាស៊ាននៅម៉ាឡេស៊ីចុងខែនេះ
ក្រុមហ៊ុន KENPAX របស់ចិន គ្រោងនឹងសាងសង់រោងចក្របរិក្ខារពេទ្យដ៏ធំមួយនៅក្នុងស្រុកជុំគីរី ខេត្តកំពត
ពលរដ្ឋ និងកម្មករមកពីខេត្តកំពង់ស្ពឺ កំពង់ចាម កំពត និងខេត្តស្វាយរៀង មិនចង់ឃើញបាតុកម្មនៅកូរ៉េក្រោមរូបភាពចាញ់កលល្បិចទណ្ឌិត សម រង្ស៊ី
ករណីមានវិវាទជាមួយ ប.ស.ស.មិនអាចដោះស្រាយបាន ពលរដ្ឋអាចដាក់ពាក្យប្តឹងទៅកាន់និយ័តករសន្តិសុខសង្គម
ចិន ចេញមុខនិយាយអំពីដំណោះស្រាយ អាមេរិក-រុស្ស៊ី ចំពោះសង្គ្រាមនៅអ៊ុយក្រែន
-
ព័ត៌មានជាតិ៤ ថ្ងៃ agoគ្រាន់តែសុំមើលប្រដាប់វាស់ជាតិអាល់កុល បណ្ឌិត សុខ ទូច ត្រូវប៉ូលីសស្រែកកំហកដាក់ថា«ហែងស្អីបានមកបញ្ជាកងកម្លាំង?»
-
ព័ត៌មានជាតិ៧ ថ្ងៃ agoរថយន្តបុកគ្នា ខ្ទាតចេញប្រេងឆាគ្មានម៉ាកយីហោ២០០កាន៖ ពលរដ្ឋខ្លាចប៉ះពាល់សុខភាពអ្នកប្រើប្រាស់
-
ព័ត៌មានជាតិ៤ ថ្ងៃ agoបណ្ឌិត គិន ភា៖សូម្បីបណ្ឌិតសភាចារ្យ សុខ ទូច ប៉ូលិសចរាចរណ៍មួយក្រុមនោះមិនគោរពផង ចុះពលរដ្ឋធម្មតា?
-
សន្តិសុខសង្គម៥ ថ្ងៃ agoដើមផ្កាត្របែកព្រៃលើសួនទ្រូងផ្លូវជាតិលេខ៥ ងាប់ជាង១ពាន់ដើម ខណៈមន្ត្រីជំនាញអះអាងថា ភាគច្រើនមកពីសត្វឌួងស៊ី
-
ព័ត៌មានជាតិ៤ ថ្ងៃ agoនគរបាលច្រានចោលការលើកឡើងរបស់បណ្ឌិត សុខ ទូច
-
ព័ត៌មានអន្ដរជាតិ១ សប្តាហ៍ agoរុស្ស៊ី វាយប្រហាររោងចក្រនុយក្លេអ៊ែរនៅ Chernobyl បង្កហានិភ័យលេចធ្លាយជាតិវិទ្យុសកម្ម
-
ចរាចរណ៍២ ថ្ងៃ agoនគរបាលស្រុកបូទុមសាគរ កំពុងស្វែងរកជនបង្ក គ្រោះថ្នាក់ចរាចរណ៍បណ្ដាលឲ្យស្លាប់មនុស្ស២ម្នាក់ និងរបួស២នាក់
-
សន្តិសុខសង្គម២ ថ្ងៃ agoជនដៃដល់ដែលកាប់សម្លាប់ប្រពន្ធនៅខណ្ឌដង្កោ ត្រូវបានសមត្ថកិច្ចឃាត់ខ្លួនបានហើយ