ព័ត៌មានជាតិ

ស្ត្រីបរទេសម្នាក់ រយ៉ែរថយន្តថយក្រោយ ច្រឡំហ្គែរជាហ្វ្រាំង ជ្រុលធ្លាក់ឡានចូលទឹកទន្លេ តែសំណាងល្អមិនបណ្ដាលឲ្យមានមនុស្សរងរបួស

បានផុស

៧ ខែ មុន

នៅ

ថ្ងៃចន្ទ ២៤ មិថុនា ២០២៤

ដោយ

ភ្នំពេញ ៖ ស្ត្រីបរទេស វ័យជាង៤០ឆ្នាំ បើករថយន្តចេញពីចំណត ដាក់លេខថយក្រោយ ជាន់ហ្គែរច្រឡំថា ជាហ្វ្រាំងបានថយទៅបុករបាំងថ្ម ចំនួន០២កង់ ធ្លាក់រថយន្តចូលទឹកទន្លេ បង្កការភ្ញាក់ផ្អើលដល់សន្តិសុខ និងសមត្ថកិច្ចចុះជួយអន្តរាគមន៍ តែសំណាងល្អមិនបណ្ដាលឱ្យមានមនុស្សរងរបួសឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះកើតឡើងនៅវេលាម៉ោង ៦ល្ងាចថ្ងៃទី ២៤ ខែមិថុនា ឆ្នាំ២០២៤ ស្ថិតនៅក្នុងបរិវេណកោះពេជ្រ ក្បែរចំណុចអតីតសាឡាងចម្លង កោះពេជ្រ កោះនរា សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។

តាមប្រភពព័ត៌មានពីសន្តិសុខបានប្រាប់ឱ្យដឹងថា មុនពេលកើតហេតុ គេឃើញ មួយគ្រួសារមានគ្នា០៥នាក់ មានក្មេងចាស់ បានដើរថ្មើរជើងទៅយករថយន្ត ដែលចតក្នុងបរិវេណកោះពេជ្រ ក្បែរគល់ស្ពានកោះនរា។ ខណៈនោះដែរ ស្ត្រីបរទេសដែលមានវ័យជាង៤០ឆ្នាំ បានឡើងបើករថយន្តមួយគ្រឿង ម៉ាក ឡិចស៊ីស CT200ពណ៌ឈាមជ្រូក ពាក់ស្លាកលេខ ភ្នំពេញ 2BL-0623 បានដាក់លេខថយក្រោយ ប៉ុន្តែកំឡុងពេលថយក្រោយនោះ រថយន្តជាន់ហ្គែរ ស្មានថា ជាហ្វ្រាំង បណ្តាលឱ្យរថយន្តថយទៅបុករបាំងថ្មពេញទំហឹង អស់ចំនួន០២កង់ ។ ដោយរថយន្តមិនទាន់អស់ល្បឿន បានបន្តថយរហូតធ្លាក់ទឹកទន្លេ បង្កឱ្យរងរថយន្តរងការខូចខាត ។ ចំណែកមនុស្សនៅក្នុងរថយន្ត មិនមាននរណារងរបួសនោះឡើយ។