ព័ត៌មានជាតិ
របាយការណ៍របស់សហជីព និងអង្គការសង្គមស៊ីវិលឯករាជ្យ ត្រូវតែមានលក្ខណៈវិទ្យាសាស្ត្រ មិនលំអៀង និងមានភាពជាតំណាងគ្រប់គ្រាន់
អ្នកជំនាញ និងមន្រ្តីជាន់ខ្ពស់នៃក្រសួងការងារ និងបណ្តុះបណ្តាលវិជ្ជាជីវៈ បានលើកឡើងថា របាយការណ៍របស់សហជីពដែលមានភាពឯករាជ្យ និងសុក្រឹតភាព ត្រូវធ្វើឡើងតាមលក្ខណៈវិទ្យាសាស្ត្រ មិនលំអៀង មានភាពជាតំណាងគ្រប់គ្រាន់ គ្រប់ជ្រុងជ្រោយ មានការវិភាគទិន្នន័យ និងវាយតម្លៃតាមកម្មវិធីត្រឹមត្រូវច្បាស់លាស់ បើមិនដូច្នេះទេរបាយការណ៍ដែលចេញផ្សាយនោះនឹងមិនត្រឹមត្រូវនោះទេ។
![](https://www.kampucheathmey.com/wp-content/uploads/2024/06/image-1337-1024x682.png)
លោកបណ្ឌិត យង់ ពៅ អ្នកវិភាគសង្គម និងជាអគ្គលេខាធិការនៃរាជបណ្ឌិត្យសភាកម្ពុជាបានលើកឡើងថា ការធ្វើរបាយការណ៍ដែលពាក់ព័ន្ធនឹងសេដ្ឋកិច្ចសង្គមពីសំណាក់សង្គមស៊ីវិល គឺត្រូវមានការប្រុងប្រយ័ត្នខ្ពស់ គឺត្រូវធ្វើឡើងដោយមិនលំអៀង និងមិនធ្វើការវិភាគតាមអារម្មណ៍ និន្នាការនយោបាយ ដែលនាំឱ្យមានការវាយតម្លៃខុស ខាតប្រយោជន៍ជាតិ អត្ថប្រយោជន៍របស់កម្មករជារួម និងធ្វើឱ្យប៉ះពាល់ដល់ស្ថេរភាពសង្គម និងសេដ្ឋកិច្ចជាតិនោះឡើយ។
លោកបណ្ឌិត បានសង្កត់ធ្ងន់ថា ការស្រាវជ្រាវបែបវិទ្យាសាស្រ្ត គឺត្រូវមានការប្រុងប្រយ័ត្នណាស់ក្នុងការជ្រើសរើសភាពជាតំណាង (sampling) ការកំណត់វិធីសាស្រ្ត និងប្រភព ដែលទាំងអស់នេះត្រូវជ្រើសរើសដោយឯករាជ្យ ហើយទិន្ន័យទាំងអស់ត្រូវធ្វើការវិភាគ (analyst) តាមកម្មវិធីច្បាស់លាស់ត្រឹមត្រូវ សុក្រឹតជាទីបំផុត។ បើសិនជា មិនបានកំណត់វិធីសាស្រ្តស្រាវជ្រាវ ការកំណត់ទិន្នន័យ ប្រភពសម្ភាសន៍ ភាពជាតំណាងបានត្រឹមត្រូវនោះទេ គឺរបាយការណ៍ដែលធ្វើឡើងនោះនឹងមានភាពលំអៀង។
![](https://www.kampucheathmey.com/wp-content/uploads/2024/06/IMG_20240624_181141_637-1024x576.jpg)
លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ បានលើកឡើងដែរថា ការធ្វើរបាយការណ៍របស់សហជីព និងអង្គការសង្គមស៊ីវិលនានាត្រូវគោរពនូវគោលការសុក្រឹតភាព ទី១ ត្រូវផ្តល់ព័ត៌មានពិតប្រាកដ ច្បាស់លាស់នៃការប្រព្រឹត្តទៅ និងទិដ្ឋភាពជាក់ស្តែងនៅក្នុងសង្គមពាក់ព័ន្ធនឹងសហជីព និងអង្គការសង្គមស៊ីវិល។ ទី២ ការសិក្សាចងក្រងរបាយការណ៍ត្រូវមានវិធីសាស្រ្តក្នុងការប្រមូលព័ត៌មានដោយមានភាពជាតំណាង ត្រឹមត្រូវ ការសម្ភាស និងប្រភពព័ត៌មានច្បាស់លាស់។ ទី៣ ត្រូវមានការវិភាគទិន្នន័យ ការវាយតម្លៃតាមបែបវិទ្យាសាស្រ្ត ដោយអ្នកជំនាញ ដោយធានាភាពឯករាជ្យ និងមិនលំអៀង។ ទី៤ ត្រូវគោរពតាមគោលការណ៍ច្បាប់ បទដ្ឋានគតិយុត្តិដែលពាក់ព័ន្ធនានា។ ទី៥ ត្រូវគិតពីផលប៉ះពាល់ និងអត្ថប្រយោជន៍នៅក្នុងសង្គម។ ទី៦ ត្រូវលើកពីបញ្ហាប្រឈម និងទី៧ ត្រូវផ្តល់ជាអនុសាសន៍ដោះស្រាយបញ្ហាប្រឈមដ៏ត្រឹមត្រូវ។
លោករដ្ឋលេខាធិការ សង្កត់ធ្ងន់ថា សហជីព ឬអង្គការសង្គមស៊ីវិល ត្រូវទទួលខុសត្រូវចំពោះរបាយការណ៍របស់ខ្លួនដែលបានចេញផ្សាយ និងត្រូវធានាថារបាយការណ៍នោះត្រូវតែឯករាជ្យ ពិតប្រាកដ មិនបំផ្លើសបំភ្លៃ មិនលំអៀង មិនបម្រើផលប្រយោជន៍អង្គការចាត់តាំងណាមួយ ឬក្រុមណាមួយ ឬប្រទេសណាមួយនោះទេ។ ក្នុងនោះដែរ នៅពេលដែលគេរកឃើញថា របាយការណ៍នោះមិនឆ្លុះបញ្ចាំងពីការពិត មានភាពលំអៀង មានរបៀបវារៈបម្រើក្រុម ឬអង្គការ ឬប្រទេសណាមួយ នោះសហជីព និងអង្គការសង្គមស៊ីវិលទាំងនោះត្រូវទទួលខុសត្រូវលើការចេញផ្សាយរបាយការណ៍របស់ខ្លួន៕
![](https://www.kampucheathmey.com/wp-content/uploads/2024/06/IMG_20240624_180740_760-1024x681.jpg)
![](https://www.kampucheathmey.com/wp-content/uploads/2024/06/IMG_20240624_180807_503-1024x683.jpg)
![](https://www.kampucheathmey.com/wp-content/uploads/2024/06/photo_2024-06-19_15-59-18-1024x682.jpg)
-
សន្តិសុខសង្គម១ សប្តាហ៍ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម១ សប្តាហ៍ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម១ សប្តាហ៍ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៦ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៧ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៤ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៣ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ១ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ