ព័ត៌មានជាតិ
អភិបាលខេត្តជើងខ្លាំង៤រូប នៅរក្សាតំណែង ខណៈអភិបាល៤រូបទៀត របូតតំណែងនេះ
ព្រះមហាក្សត្រ នៅថ្ងៃទី២៤ ខែមិថុនា ឆ្នាំ ២០២៤ បានចេញព្រះរាជក្រឹត្យ តែងតាំង និងផ្លាស់ប្តូរភារកិច្ចអភិបាលខេត្តចំនួន ៨ រូប ក្នុងនោះ អភិបាលខេត្ត៤រូប នៅរក្សាតំណែងជាតួនាទីជាអភិបាលខេត្ត ខណៈអភិបាលខេត្ត៤ រូបទៀតរបូតតំណែងជាអភិបាលខេត្ត ត្រូវបានផ្ទេរទៅបម្រើការងារនៅក្រសួងមហាផ្ទៃ។ ទន្ទឹមនឹងនេះដែរ អភិបាលរងរាជធានីភ្នំពេញ ២រូប និងអភិបាលរងខេត្ត ២រូប ត្រូវបានព្រះមហាក្សត្រតែងតាំងទៅជាអភិបាលខេត្ត។
យោងព្រះរាជក្រឹត្យ របស់ព្រះករុណា ព្រះបាទសម្តេចព្រះបរមនាថ នរោត្តម សីហមុនី អភិបាលខេត្ត៤រូប ដែលនៅរក្សាតំណែងនេះរួមមាន លោក គួច ចំរើន អភិបាលខេត្តព្រះសីហនុ ត្រូវបានត្រាស់បង្គាប់ប្តូរទៅជាអភិបាលខេត្តកណ្តាល លោក វ៉ី សំណាង អភិបាលខេត្តកំពង់ស្ពឺ ត្រូវបានផ្ទេរទៅជាអភិបាលខេត្តតាកែវ។ ចំណែក លោក ជាម ច័ន្ទសោភ័ណ អភិបាលខេត្តត្បូងឃ្មុំ ត្រូវបានប្តូរទៅកាន់ខេត្តកំពង់ស្ពឺ ខណៈលោក ប៉ែន កុសល្យ ត្រូវបានត្រាស់បង្គាប់ប្តូរពីខេត្តឧត្តរមានជ័យ ទៅកាន់ខេត្តត្បូងឃ្មុំ។
ចំណែក អភិបាលខេត្ត៤រូបទៀត ត្រូវបានបញ្ចប់តំណែងជាអភិបាលខេត្ត ក្នុងនោះរួមមាន លោក អ៊ូច ភា អភិបាលខេត្តកាកែវ លោក គង់ សោភ័ណ អភិបាលខេត្តកណ្តាល លោក ងួន រតនៈ អភិបាលខេត្តកំពង់ធំ និង ស្វាយ សំអ៊ាង អភិបាលខេត្តស្ទឹងត្រែង ត្រូវបានតែងតាំងទៅជារដ្ឋលេខាធិការក្រសួងមហាផ្ទៃ។
ទន្ទឹមនឹងនេះ លោក សរ សុពុត្រា អភិបាលរងខេត្តកំពង់ស្ពឺ ត្រូវបានត្រាស់បង្គាប់តែងតាំងជាអភិបាលខេត្តស្ទឹងត្រែង ខណៈលោក ម៉ាង ស៊ីណេត អភិបាលរងខេត្តព្រះសីហនុ ត្រូវបានត្រាស់បង្គាប់តែងតាំងជាអភិបាលខេត្តនេះ។
ចំណែក លោក មាន ចាន់យ៉ាដា អភិបាលរងរាជធានីភ្នំពេញ ត្រូវបានត្រាស់បង្គាប់តែងតាំងជាអភិបាលខេត្តឧត្តរមានជ័យ ហើយ លោក នួន ផារ័ត្ន អភិបាលរងរាជធានីភ្នំពេញដូចគ្នា ត្រូវបានត្រាស់បង្គាប់តែងតាំងជាអភិបាលខេត្តកំពង់ធំ។
ជុំវិញការផ្លាស់ប្តូរភារកិច្ចនេះ អ្នកនាំពាក្យរាជរដ្ឋាភិបាល លោក ប៉ែន បូណា បានថ្លែងប្រាប់កម្ពុជាថ្មី នៅថ្ងៃទី២៥ ខែមិថុនានេះថា ការតែងតាំង ផ្លាស់ប្តូរនាពេលនេះ ដើម្បីធានាប្រសិទ្ធភាពការងារនៅក្នុងរដ្ឋបាលថ្នាក់ក្រោមជាតិ។
លោកថ្លែងថា៖«ធម្មតាយើងត្រូវផ្លាស់ប្តូរអញ្ចឹងហើយ កាលពីមុនក៏យើងធ្លាប់ឃើញហើយ ជារឿយៗគឺមានការផ្លាស់ប្តូរទាំងថ្នាក់ក្រោមជាតិ និងថ្នាក់ជាតិ។ អ៊ីចឹង! ដំណើរនេះអត់មានអីប្លែកទេ គឺជាដំណើរការធម្មតាដើម្បីប្រសិទ្ធភាពការងារនៅក្នុងរដ្ឋបាល»៕
អត្ថបទ៖ ឡាយ សាមាន
-
ព័ត៌មានអន្ដរជាតិ៤ ថ្ងៃ ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ២ ថ្ងៃ ago
លោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ១ សប្តាហ៍ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានជាតិ២ ថ្ងៃ ago
ស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ព័ត៌មានអន្ដរជាតិ៥ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ជីវិតកម្សាន្ដ៣ ថ្ងៃ ago
លោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៣ ថ្ងៃ ago
Allan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៤ ថ្ងៃ ago
ភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ