ព័ត៌មានជាតិ

មានប្រវត្តិជាអ្នកកាប់ឈើខុសច្បាប់ ប្តូរធ្វើកសិកម្មដាំដំណាំជុំវិញផ្ទះ មួយខែរកចំណូលបានជិត ១ ពាន់ដុល្លារ

បានផុស

៩ ខែ មុន

នៅ

ថ្ងៃអង្គារ ២៥ មិថុនា ២០២៤

ដោយ

មានអតីតកាលជាអ្នកប្រកបរបរកាប់ឈើខុសច្បាប់ ប៉ុន្តែគ្រួសារអ្នកស្រី ពេន ស៊ីថុល បានកែប្រែជីវភាពល្អប្រសើរជាងមុន តាមរយៈការប្តូរមុខរបរមកធ្វើកសិកម្ម ដោយមានការជួយជ្រោមជ្រែងនិងគាំទ្រពីក្រសួងនិងស្ថាប័នអង្គការនានា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកស្រី ពេន ស៊ីថុល

អ្នកស្រី ប៉េន ស៊ីថុល ជាសមាជិកសហគមន៍តំបន់ការពារធម្មជាតិភូមិទំព័រ នៃតំបន់ការពារធម្មជាតិភ្នំសំកុស ស្ថិតក្នុងភូមិទំព័រ ឃុំប្រម៉ោយ ស្រុកវាលវែង ខេត្តពោធិ៍សាត់បានលើកឡើងពីភាពខុសគ្នា ក្រោយពីគ្រួសារអ្នកស្រីផ្លាស់ប្ដូរមុខរបរពីការចូលព្រៃកាប់ឈើកាលពីច្រើនឆ្នាំមុន ដោយបង្វែរមកធ្វើកសិកម្មដាំដុះដំណាំចម្រុះជុំវិញផ្ទះ ដែលក្នុងមួយខែគ្រួសារអ្នកស្រីអាចរកចំណូលបានប្រហែល ៤ លានរៀល។

អ្នកស្រីបានប្រាប់ពីប្រវត្តិថា កាលពីអំឡុងឆ្នាំ ២០១០ ប្តីអ្នកស្រីបានប្រកបរបរចូលព្រៃកាប់ឈើដែលត្រូវប្រឈមមុខគ្រោះថ្នាក់គ្រប់បែបយ៉ាង ហើយចំណូលទៀតរកបានត្រឹមដោះទាល់ជីវភាពមួយគ្រាៗប៉ុណ្ណោះ។ ការប្ដូរមកប្រកបរបរកសិកម្មដោយដាំដុះដំណាំចម្រុះ រួមទាំងចិញ្ចឹមសត្វមួយចំនួនផងនោះ បានធ្វើឲ្យជីវភាពគ្រួសាររបស់អ្នកស្រីបានរីកចម្រើនធូធារជាងមុនច្រើន ថែមទាំងមានលំនឹងខាងផ្លូវចិត្តរស់នៅមិនខ្លាចមុខខ្លាចក្រោយដូចមុនទៀត៕