ព័ត៌មានជាតិ
កម្ពុជាកំពុងរង់ចាំភ្លើងខៀវ នាំចេញទុរេនទៅកាន់ទីផ្សារចិន
កម្ពុជាកំពុងរង់ចាំលទ្ធភាពក្នុងការយល់ព្រមបើកច្រកនាំចេញផ្លែទុរេនទៅកាន់ទីផ្សារប្រទេសចិន ខណៈការចរចារបន្តអូសបន្លាយរយៈពេលយូរមកហើយ។
កន្លងមក មានក្រុមវិនិយោគិនចិនបានជួបចរចារជាមួយកសិករដើម្បីប្រមូលទិញទុរេនសំឡូត ខេត្តបាត់ដំបងនាំចេញទៅប្រទេសចិន។
![](https://www.kampucheathmey.com/wp-content/uploads/2024/06/photo_2024-06-03_21-27-43-1-1024x768.jpg)
លោក ឈឹម វជិរា ប្រធានមន្ទីរកសិកម្មខេត្តបាត់ដំបង មានប្រសាសន៍ប្រាប់ កម្ពុជាថ្មី នៅថ្ងៃទី ២៥ ខែមិថុនា ឆ្នាំ ២០២៤ នេះថា ទុរេននៅខេត្តបាត់ដំបងឱ្យហុចផលប្រមាណ ៥០០ ហិកតា ខណៈភាគីចិនមិនទាន់អនុញ្ញាតឱ្យនាំទុរេនទៅកាន់ទីផ្សារខ្លួនឡើយ។
លោកថា មន្ទីរកសិកម្មខេត្តបាត់ដំបង បានចងក្រងក្រុមអាជីវកម្មទុរេនប្រមាណជាង ១០០ គ្រួសារ ក្នុងនោះមាន ៦០ គ្រួសារទទួលបានការបណ្ដុះបណ្ដាល កម្មវិធីអនុវត្តកសិកម្មល្អ (GAP) ខណៈ ១២ គ្រួសារទទួលបានវិញ្ញាបនបត្របញ្ជាក់ពីការអនុវត្តកសិកម្មល្អ (GAP) ពីក្រសួងកសិកម្ម រុក្ខាប្រមាញ់ និងនេសាទ។
![](https://www.kampucheathmey.com/wp-content/uploads/2024/06/photo_2024-06-03_21-27-40-1-1024x768.jpg)
លោក ឈឹម វជិរា សង្ឃឹមថា ប្រសិនបើទុរេនកម្ពុជាបាននាំចេញទៅកាន់ទីផ្សារប្រទេសចិន នោះកាន់តែប្រសើរ ខណៈចម្ការទុរេននៅក្នុងស្រុកសំឡូត ខេត្តបាត់ដំបង មានលក្ខខណ្ឌគ្រប់គ្រាន់ស្របតាមការទាមទារពីភាគីចិន។
តម្លៃទុរេននៅខេត្តបាត់ដំបង នៅដើមដៃចន្លោះពី ២ ម៉ឺន ៣ ពាន់រៀល ទៅ ២ ម៉ឺន ៥ ពាន់រៀលក្នុងមួយគីឡូក្រាម ខណៈបច្ចុប្បន្នធ្លាក់ចុះមកនៅ ១ ម៉ឺន ៤ ពាន់រៀល ទៅ ១ ម៉ឺន ៦ ពាន់រៀលនាចុងរដូវនេះ ខណៈដែលទិន្នផលបានធ្លាក់ចុះ ៤០ ភាគរយ ដោយសារបាតុភូតអេលនីណូ។ លោក ឈឹម វជិរា បញ្ជាក់បន្ថែម។
ម្ចាស់ចម្ការទុរេនក្នុងស្រុកសំឡូត លោក កែវ វិបុល បញ្ជាក់ថា អាកាសធាតុក្ដៅ បានទាញទម្លាក់ទិន្នផលទុរេននៅឆ្នាំនេះ ហើយកសិករមួយចំនួនក៏ជួបការលំបាកដោយសារការចំណាយដើមទុនច្រើនជាងមុន។
លោករំពឹងថា តម្លៃទុរេននៅឆ្នាំក្រោយ នឹងមានភាពល្អប្រសើរ គ្រាដែលមានតម្រូវការក្នុងស្រុក និងប្រទេសជិតខាងដូចជាថៃជាដើម។
របាយការណ៍របស់ការិយល័យកសិកម្ម ស្រុកសំឡូតបង្ហាញថា គិតត្រឹមខែមិថុនា ឆ្នាំ ២០២៤ ការប្រមូលផលទុរេនក្នុងស្រុកសំឡូតក្នុងទំហំផ្ទៃដី ៤៥៧ ហិកតា ដែលទទួលបានទិន្នផល ៤ ពាន់ ៤ រយ ៨៨ តោន គិតជាទឹកប្រាក់ប្រមាណ ១៦ លាន ៨៣ ម៉ឺនដុល្លារ៕
អត្ថបទ៖ ឡេង ដេត
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១១ ម៉ោង ago
អ្នកឧកញ៉ា លី សុភ័ក្ត ប្រកាសទុកពេល២៤ម៉ោងឱ្យម្ចាស់ហ្វេសប៊ុកCamcar Collection លុបសំណេរ និងសុំទោសជាសាធារណៈ
-
ព័ត៌មានជាតិ៧ ថ្ងៃ ago
កូនប្រុសលោក រ័ត្ន ស្រ៊ាង ត្រូវបានតែងតាំងជាមេបញ្ជាការរងកងរាជអាវុធហត្ថរាជធានីភ្នំពេញ
-
ព័ត៌មានជាតិ៦ ថ្ងៃ ago
យាយតាយកចៅអាយុ៦ខែ ទៅងូតទឹក ត្រូវខ្សែភ្លើងឆក់ស្លាប់ទាំង៣នាក់ យ៉ាងអាណោចអាធ័ម
-
ព័ត៌មានជាតិ៣ ថ្ងៃ ago
ឆ្នាំមុនតារាសម្ដែងជើងចាស់ គន្ធ តារាវណ្ណ ស្លាប់ ឯឆ្នាំនេះ ពិធីករល្បីលោក គន្ធ ជីវ័ន្ត ត្រូវជាកូន ក៏ស្លាប់តាមក្រោយ
-
សេដ្ឋកិច្ច១ សប្តាហ៍ ago
កម្ពុជាគួរត្រៀមខ្លួនបែបណា មុនពេលប្ដូរឋានៈ ទៅជាប្រទេសមានចំណូលមធ្យមកម្រិតខ្ពស់
-
សុខភាព២ ថ្ងៃ ago
ផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ
-
ព័ត៌មានជាតិ១ ថ្ងៃ ago
លោក ប៉ែន បូណា៖ «យុវជនកើតក្នុងសម័យនេះ មានសំណាងជាងយុវជនជំនាន់មុនឆ្ងាយណាស់»
-
ព័ត៌មានជាតិ១ ថ្ងៃ ago
ខែមិថុនា៖ ឧកញ៉ា ជាសមាជិកសមាគមឧកញ៉ា៨រូប ត្រូវដំឡើងងារជា អ្នកឧកញ៉ា