Connect with us

ព័ត៌មានជាតិ

មន្ត្រីជំនាញខេត្តព្រះវិហារ ចុះណែនាំដល់ពលរដ្ឋដើម្បីការពារ និងកម្ចាត់សត្វដង្កូវដែលបំផ្លាញដំណាំ

បានផុស

នៅ

បន្ទាប់ពីទទួលបានព័ត៌មានពីករណីសត្វដង្កូវបំផ្លាញដំណាំរបស់ពលរដ្ឋ នៅបណ្តាស្រុកមួយចំនួន ជាពិសេសស្រុកគូលែន ជាច្រើនគ្រួសារ ទើបមន្ត្រីជំនាញនៃមន្ទីរកសិកម្មរុក្ខាប្រមាញ់ និងនេសាទខេត្តព្រះវិហារ កាលពីថ្ងៃទី២៤ ខែមិថុនា ឆ្នាំ២០២៤ បានចុះអប់រំផ្សព្វផ្សាយ ដល់ប្រជាកសិករឱ្យយល់ដឹងអំពីវិធានការការពារ និងកម្ចាត់សត្វដង្កូវទាំងនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកពឹង ទ្រីដា ប្រធានមន្ទីរកសិកម្មរុក្ខាប្រមាញ់ និងនេសាទខេត្តព្រះវិហារ បានឱ្យដឹងថា សត្វដង្កូវស៊ីបំផ្លាញដំណាំស្រូវនេះ គឺមិនមែនជាស៊ីទូទៅនោះទេគឺនៅក្នុងស្រុកគូលែន គឺវាស៊ីនៅតាមតំបន់១ចំនួន។ លោកបន្តថា វាមិនប៉ះពាល់ដល់ផលស្រូវប៉ុន្មានដែរទេ ពីព្រោះអាយុស្រូវនៅមិនទាន់បង្កើតជាគួរ ឬក៏គ្រាប់នោះដែរ។ ម្យ៉ាងវិញទៀតលោកថាសត្វដង្កូវវាស៊ីនេះគឺដោយសារមិនមានទឹកត្រាំដើមស្រូវបើកាលណាមានទឹកហើយនោះប្រាកដជាវាលែងស៊ីហើយ។

លោកបន្តថា បច្ចុប្បន្ននេះសត្វដង្កូវកំពុងស៊ីបំផ្លាញដំណាំប្រជាពលរដ្ឋអស់មួយចំនួនតូចក្នុងស្រុកគូលែន និងស្រុកមួយចំនួនទៀត តែមន្ត្រីជំនាញបានចុះណែនាំដល់ពលរដ្ឋ និងជួយទប់ស្កាត់រួចហើយ។ លោកបញ្ជាក់ថា នៅក្នុងការចុះអប់រំផ្សព្វផ្សាយនោះ មន្ត្រីជំនាញបានណែនាំដល់ប្រជាកសិករនូវវិធានការមួយចំនួនដើម្បីចូលរួមការពារទប់ស្កាត់ និងកម្ចាត់សត្វដង្កូវឱ្យបានទាន់ពេលវេលា ដូចជា ការជីកបង្ហូរស្ទាក់កម្ចាត់ដោយដាក់ផេះ ឬកន្ទក់ក្នុងចង្អូរ, ពន្លិចទឹកក្នុងស្រែឱ្យផុតចុងស្រូវរយៈពេលចន្លោះ២ ទៅ៣ថ្ងៃ សម្អាតស្មៅក្នុង និងតាមភ្លឺស្រែជាដើម។ លោកបញ្ជាក់ទៀតថា ប្រការដែលមានការ ប្រុងប្រយ័ត្នឱ្យបានខ្ពស់នោះ គឺដំណាំផ្លែល្ពៅ និងផ្លែពោត ព្រោះផ្លែទាំងនេះបើដង្កូវវាស៊ីហើយអាចចូលក្នុងផ្លែទាំងនោះធ្វើឱ្យខូចបាន៕

ដោយ៖ជុន កុសល

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ ម៉ោង មុន

យន្ត​ហោះឈ្លប​យក​ការណ៍​របស់​​អាមេរិក​ធ្លាក់​​នៅភាគខាងត្បូងហ្វីលីពីន​

ព័ត៌មានអន្ដរជាតិ៣ ម៉ោង មុន

យន្តហោះដឹកអ្នកដំណើរអាមេរិកមួយគ្រឿង បាត់ចេញពីរ៉ាដា មិនដឹងជោគវាសនាទៅជាយ៉ាងណា

ភ្នំសំពៅ
សន្តិសុខសង្គម៨ ម៉ោង មុន

ភ្លើងឆេះព្រៃលើភ្នំសំពៅ បង្ខំឲ្យព្រះសង្ឃជម្លៀសព្រះកាយចេញរកកន្លែងសុវត្ថិភាព

សន្តិសុខសង្គម៣៧ នាទីutes មុន

របួស១៤នាក់ ក្នុងហេតុការណ៍រថយន្តដឹកនិស្សិតកសិកម្មចុះកម្មសិក្សានៅមណ្ឌលគិរី ជួបគ្រោះថ្នាក់ចរាចរណ៍

ផ្សារក្រមួន
សន្តិសុខសង្គម៩ ម៉ោង មុន

ផ្សារក្រមួន យូណាយ អាជីវករធ្លាប់លក់តែមួយព្រឹក ពេលនេះលក់ពេញមួយថ្ងៃ ពលរដ្ឋថា​ ពិបាកធ្វើដំណើរ

Sokha Hotels

ព័ត៌មានពេញនិយម