ព័ត៌មានជាតិ
ឯកឧត្ដម ហ៊ុន ម៉ានី ទទួលជួបប្រធានទីភ្នាក់ងារជាតិសម្រាប់កិច្ចការសេវាសាធារណៈ និងនវានុវត្តន៍សង្គម របស់ អាស៊ែបៃហ្សង់
កាលពីថ្ងៃទី ២៥ ខែមិថុនា ឆ្នាំ ២០២៤ ម្សិលមិញ ក្រៅពីការចូលរួមក្នុងកិច្ចប្រជុំ និងកម្មវិធីផ្លូវការនានា នៃវេទិកាសាធារណៈ និងពិធីប្រគល់ពានរង្វាន់របស់អង្គការសហប្រជាជាតិនៅសាធារណរដ្ឋកូរ៉េ ប្រតិភូរបស់ព្រះរាជាណាចក្រកម្ពុជា ដឹកនាំដោយ ឯកឧត្ដមឧបនាយករដ្ឋមន្ត្រី ហ៊ុន ម៉ានី បានទទួលជួបក្នុងជំនួបទ្វេភាគីជាមួយ ឯកឧត្ដម Ulvi Mehdiyev ប្រធានទីភ្នាក់ងារជាតិសម្រាប់កិច្ចការសេវាសាធារណៈ និងនវានុវត្តន៍សង្គម របស់សាធារណរដ្ឋអាស៊ែបៃហ្សង់។
![](https://www.kampucheathmey.com/wp-content/uploads/2024/06/448954460_895490092617248_1446737951836204_n-1024x576.jpg)
ជំនួបនេះ ថ្នាក់ដឹកនាំស្ថាប័នទាំងពីរ បានចែករំលែកបទពិសោធក្នុងកិច្ចការកែទម្រង់រដ្ឋបាលសាធារណៈ ដោយខាងភាគីអាស៊ែបៃហ្សង់ ចែករំលែកពីសាវតារ បេសកកម្ម និងភាពជោគជ័យរបស់ ASAN Service (Azerbaijan Service and Assessment Network) ជូនដល់អង្គជំនួប។
ជាមួយគ្នានេះ ឯកឧត្ដមឧបនាយករដ្ឋមន្ត្រី ក៏បានគូសបញ្ជាក់ពីកិច្ចការកែទម្រង់រដ្ឋបាលសាធារណៈ ក្នុងរាជរដ្ឋាភិបាលអាណត្តិទី ៧ ក្រោមការដឹកនាំរបស់ សម្តេចធិបតី និងការវិវត្តន៍ នៃវិស័យមុខងារសាធារណៈរបស់កម្ពុជា ព្រមទាំងលើកទឹកចិត្តឲ្យមានការបន្តទំនាក់ទំនង និងកិច្ចសហការណាមួយរវាងស្ថាប័នទាំងពីរឆ្ពោះទៅមុខ។
![](https://www.kampucheathmey.com/wp-content/uploads/2024/06/448930577_895490289283895_3458917574771853980_n-1024x745.jpg)
បន្ថែមលើនេះ ក្នុងវេទិកាសាធារណៈ និងពិធីប្រគល់ពានរង្វាន់របស់អង្គការសហប្រជាជាតិនៅសាធារណរដ្ឋកូរ៉េ ប្រតិភូរបស់ព្រះរាជាណាចក្រកម្ពុជា បានអញ្ជើញចូលរួមទស្សនាការតាំងពិព័រណ៍ រួមទាំងទទួលបាននូវបដិសណ្ឋារកិច្ចពីបណ្ដាប្រទេសនានា ក្នុងគោលដៅរឹតចំណងមិត្តភាព និងកិច្ចសហប្រតិបត្តិការរវាងប្រទេសនីមួយៗ ឲ្យកាន់តែស្អិតរមួត។
សូមជម្រាបថា នាថ្ងៃបន្ទាប់ ឯកឧត្ដម ហ៊ុន ម៉ានី នឹងអញ្ជើញជាវាគ្មិនមួយរូប ក្នុងចំណោមវាគ្មិនដែលជារដ្ឋមន្ត្រី ១០ រូបផ្សេងទៀត ក្នុងវេទិកាតុមូលកម្រិតរដ្ឋមន្ត្រី (Ministerial Roundtable) ការទទួលជួបទ្វេភាគីជាមួយភាគី នៃសាធារណរដ្ឋកូរ៉េ និងកម្មវិធីផ្លូវការផ្សេងៗ ទៀត៕
![](https://www.kampucheathmey.com/wp-content/uploads/2024/06/448924745_895490245950566_6140720114413263795_n-1024x768.jpg)
![](https://www.kampucheathmey.com/wp-content/uploads/2024/06/449192040_895490045950586_202306830939330979_n-576x1024.jpg)
![](https://www.kampucheathmey.com/wp-content/uploads/2024/06/448963974_895490122617245_479408171302321693_n-768x1024.jpg)
-
ព័ត៌មានជាតិ១ សប្តាហ៍ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
សេដ្ឋកិច្ច៥ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៦ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៣ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៥ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ១ សប្តាហ៍ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ៧ ថ្ងៃ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ២ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ