ព័ត៌មានជាតិ
សម្ដេចធិបតី ឱ្យអាជ្ញាធរខេត្តជួយកៀរគរសប្បុរសជន ដើម្បីជួយសង់ផ្ទះជូនអតីតយុទ្ធជន
ដោយមានការខ្វះខាតផ្ទះច្រើនសម្រាប់សាងសង់ជូនអតីតយុទ្ធជន សម្ដេចធិបតី ហ៊ុន ម៉ាណែត បានណែនាំឱ្យក្រសួង-ស្ថាប័នពាក់ព័ន្ធខិតខំជំរុញការអនុវត្តគម្រោងសាងសង់ផ្ទះជូនអតីតយុទ្ធជនថែមទៀត ជាពិសេសអាជ្ញាធរខេត្តត្រូវជួយចលនា និងកៀរគរសប្បុរសជនតាមមូលដ្ឋាន ដើម្បីជួយដល់អតីតយុទ្ធជន។
![](https://www.kampucheathmey.com/wp-content/uploads/2024/06/image-1408-1024x798.png)
តាមរបាយការណ៍របស់លោកទេសរដ្ឋមន្ត្រី គន់ គីម អនុប្រធាន និងជាអគ្គលេខាធិការសមាគមអតីតយុទ្ធជនកម្ពុជា គឺក្នុងឆ្នាំ២០២៤នេះ មានតម្រូវការផ្ទះសម្រាប់សាងសង់ជូនអតីតយុទ្ធជនរហូតដល់ជាង២ពាន់ខ្នង ដែលទាមទារឱ្យមានការចលនាសប្បុរសជនជួយសង់សាងថែមទៀត។ លោកទេសរដ្ឋមន្ត្រី គន់ គីម បានរាយការណ៍ជូនសម្ដេចធិបតី ហ៊ុន ម៉ាណែត ក្នុងពិធីរម្លឹកខួបលើកទី១៧ ទិវាអតីតយុទ្ធជនកម្ពុជា នាព្រឹកថ្ងៃ២៦ ខែមិថុនានេះ ថា កន្លងមក សម្ដេចតេជោ ហ៊ុន សែន អតីតនាយករដ្ឋមន្ត្រី និងជាប្រធានសមាគមអតីតយុទ្ធជនកម្ពុជា និងសម្ដេចធិបតី ហ៊ុន ម៉ាណែត បានសាងសង់ផ្ទះជូនអតីតយុទ្ធជន និងគ្រួសារពលីមរណៈមានសរុបប្រមាណជាង៥ពាន់ខ្នងរួចមកហើយ។
ប៉ុន្តែលោកទេសរដ្ឋមន្ត្រី បានបញ្ជាក់ថា នៅក្នុងឆ្នាំ២០២៤នេះ ផ្ទះអតីតយុទ្ធជនមានភាពខ្វះខាតច្រើនពេក រហូតដល់ជាង២ពាន់ខ្នង។ ដូច្នេះហើយ លោកទេសរដ្ឋមន្ត្រី បានស្នើសុំកិច្ចអន្តរាគមន៍ពីសម្ដេចធិបតី និងអំពាវនាវដល់សប្បុរសជននានាជួយសង់ផ្ទះបន្ថែមទៀតសម្រាប់អតីតយុទ្ធជន។
![](https://www.kampucheathmey.com/wp-content/uploads/2024/06/image-1409-1024x681.png)
ឆ្លើយតបនឹងបញ្ហានេះ សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងជាអនុប្រធានទី១ សមាគមអតីតយុទ្ធជនកម្ពុជា បានណែនាំឱ្យក្រសួងរៀបចំដែនដី នគរូបនីយកម្ម និងសំណង់ និងក្រសួងសង្គមកិច្ច អតីតយុទ្ធជន និងយុវនីតិសម្បទា បន្តសហការជាមួយស្ថាប័នពាក់ព័ន្ធខិតខំជំរុញការអនុវត្តគម្រោងសាងសង់ផ្ទះជូនអតីតយុទ្ធជនថែមទៀតដែលបានបញ្ចូលក្នុងគម្រោងវិនិយោគសាធារណៈរបស់រាជរដ្ឋាភិបាល។ ក្នុងនោះ សម្ដេចធិបតី បានណែនាំឱ្យអភិបាលខេត្ត ជួយចលនាសប្បុរសជនតាមមូលដ្ឋានសម្រាប់ជួយដល់សមាគមអតីតយុទ្ធជន ជាពិសេសការចលនាសាងសង់ផ្ទះ និងបង្គន់អនាម័យ ត្រូវផ្ដល់អាទិភាពមុនដល់អតីតយុទ្ធជនដែលខ្វះខាតខ្លាំង។
![](https://www.kampucheathmey.com/wp-content/uploads/2024/06/image-1410-1024x743.png)
ទន្ទឹមនេះ សម្ដេចធិបតី នាយករដ្ឋមន្ត្រី ក៏បានណែនាំក្រសួងសង្គមកិច្ចបង្កើតគណៈកម្មការអភិវឌ្ឍសហគមន៍អតីតយុទ្ធជនតាមឃុំសង្កាត់ និងបន្តចុះប្រមូលទិន្នន័យអំពីស្ថានភាពជីវភាព បញ្ហាប្រឈម និងតម្រូវការរបស់អតីតយុទ្ធជន អតីតមន្ត្រីរាជការស៊ីវិល និងគ្រួសារ ព្រមទាំងបន្តអនុវត្តឱ្យមានប្រសិទ្ធភាពនូវការបើករបបសន្តិសុខសង្គមនានា និងការផ្ដល់ដីសម្បទានសង្គមកិច្ចដល់អតីតយុទ្ធជន។
សម្ដេចធិបតី ចាត់ទុកការសាងសង់ផ្ទះ និងការផ្ដល់ដីដល់អតីតយុទ្ធជន អតីតមន្ត្រីរាជការស៊ីវិល និងគ្រួសារ ជាផ្នែកមួយនៃការដោះស្រាយគោលនយោបាយដ៏ចាំបាច់របស់រាជរដ្ឋាភិបាល ក្នុងការដោះស្រាយជីវភាពរស់នៅរបស់ប្រជាពលរដ្ឋ រួមទាំងអតីតយុទ្ធជន អតីតមន្ត្រីរាជការ ដែលបានខិតខំរួមគ្នាធ្វើនាកន្លងមក៕
ដោយ៖ ធឿន វ៉ាន់សុង
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៣ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
សន្តិសុខសង្គម១ សប្តាហ៍ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
ព័ត៌មានជាតិ៥ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានជាតិ១ សប្តាហ៍ ago
បញ្ចេញបញ្ជីឈ្មោះគ្រឹះស្ថានធនាគារ និងហិរញ្ញវត្ថុស្របច្បាប់នៅកម្ពុជា បញ្ចៀសពលរដ្ឋកុំប្រើសេវាក្រៅផ្លូវការនាំហានិភ័យខ្ពស់
-
ព័ត៌មានជាតិ៥ ថ្ងៃ ago
ក្រុមអភិវឌ្ឍន៍សង្កាត់ទឹកល្អក់ទី៣ ខិតខំប្ដូរលូតូចចេញ ដាក់លូធំជាងមុន ដើម្បីបញ្ជៀសទឹកឲ្យបានលឿន
-
ព័ត៌មានជាតិ៦ ថ្ងៃ ago
សម្ដេចធិបតី៖ ក្រុមហ៊ុនចិន BYD គ្រោងដាក់ទុនរៀបចំផលិតរថយន្តនៅកម្ពុជា
-
ព័ត៌មានជាតិ១ ថ្ងៃ ago
ក្រុមហ៊ុន ចំនួន២ កើតទុក្ខមិនសុខចិត្ត រឿងដេញថ្លៃសង់ផ្លូវបេតុង ក្នុងឃុំថ្មពេជ្រ ក្នុងខេត្តត្បូងឃ្មុំ
-
ព័ត៌មានជាតិ៥ ថ្ងៃ ago
រយៈពេល៣៥ថ្ងៃ សាលាដំបូងរាជធានីខេត្ត ទទួលបានសំណុំរឿង ក្មេងទំនើងចំនួន ២៤៤ករណី