ព័ត៌មានជាតិ
ក្រុមហ៊ុនផលិតសំបកកង់រថយន្តឈានមុខគេរបស់ចិននឹងសាងសង់រោងចក្រនៅកម្ពុជា និងវៀតណាម
ក្រុមហ៊ុន Mesnac Co., Ltd របស់ចិន បានប្រកាសផែនការក្នុងខែនេះក្នុងការវិនិយោគលើរោងចក្រផលិតរថយន្តថ្មីមួយនៅក្នុងប្រទេសកម្ពុជា និងប្រទេសវៀតណាមដែលជាផែនការពង្រីកការវិនិយោគនៅក្រៅប្រទេសរបស់ខ្លួន ស្របពេលដែលឧស្សាហកម្មផលិតសំបកកង់រថយន្តនេះកំពុងចូលរួមចំណែកដល់ការនាំចេញរបស់កម្ពុជា។
ក្រុមប្រឹក្សាភិបាលរបស់ក្រុមហ៊ុនបានអនុម័តផែនការវិនិយោគនៅកម្ពុជាដែលមានតម្លៃសរុប ប្រហែលជិត៤លានដុល្លារអាមេរិក ជាមួយនឹងរយៈពេលសាងសង់ប៉ាន់ស្មានប្រមាណ១៤ ខែខណៈដែរការវិនិយោគនៅប្រទេសវៀតណាមមានទុនវិនិយោគប្រមាណ១៤,៧លានដុល្លារដែលនឹងចំណាយពេលសាងសង់រោងចក្រប្រហែល១៨ខែ។
![](https://www.kampucheathmey.com/wp-content/uploads/2024/06/MESNAC-550x211-1-1024x393.jpg)
ក្រុមហ៊ុន Mesnac Co., Ltd. បានប្រកាសថា ក្រុមហ៊ុនបុត្រសម្ព័ន្ធរបស់ខ្លួនគឺ Qingdao Soft Control Mechanical and Electrical Engineering Co., Ltd. នឹងប្រមូលមូលនិធិផ្ទាល់ខ្លួនដើម្បីវិនិយោគ និងសាងសង់រោងចក្រនៅក្នុងប្រទេសកម្ពុជា ដែលដំណើរការដោយក្រុមហ៊ុន Mesnac United Technology (Cambodia) Co. ., Ltd។ទោះជាយ៉ាងណា ទីតាំងជាក់លាក់នៃរោងចក្រថ្មីនៅកម្ពុជាមិនទាន់ត្រូវបានគេប្រកាសនៅឡើយទេ។
ក្រុមហ៊ុនបានលើកឡើងថា៖« MESNAC បានចូលរួមយ៉ាងស៊ីជម្រៅនៅក្នុងឧស្សាហកម្មផលិតសំបកកង់រថយន្តអស់រយៈពេលជាច្រើនឆ្នាំ ដោយប្រមូលផ្តុំនូវចំណេះដឹងវិជ្ជាជីវៈយ៉ាងជ្រាលជ្រៅ និងបទពិសោធន៍ផលិតកម្មដ៏ទូលំទូលាយ»។
![](https://www.kampucheathmey.com/wp-content/uploads/2024/06/MESNAC-1-1-1024x585.jpg)
«ការវិនិយោគលើការសាងសង់រោងចក្រទាំងពីរនេះគឺជាជំហានដ៏សំខាន់មួយសម្រាប់ MESNAC ក្នុងការជំរុញបន្ថែមទៀតនូវយុទ្ធសាស្ត្រអន្តរជាតិនីយកម្មរបស់ខ្លួន។ វានឹងផ្តល់ជូនអតិថិជននូវផលិតផល និងសេវាកម្មផលិតផលសំបកកង់រថយន្តដែលបានធ្វើមូលដ្ឋានីយកម្ម បំពេញតម្រូវការទីផ្សារក្រៅប្រទេសកាន់តែប្រសើរ ពង្រឹងសមត្ថភាពរបស់ខ្លួនក្នុងការដោះស្រាយជាមួយឧបសគ្គពាណិជ្ជកម្មអន្តរជាតិ និងមានសារៈសំខាន់យ៉ាងសំខាន់ក្នុងការធ្វើឱ្យប្រសើរឡើងនូវការប្រកួតប្រជែងរបស់ខ្លួន»។
បច្ចុប្បន្ននេះ នៅកម្ពុជាមានរោងចក្រផលិតសំបកកង់រថយន្ដចំនួន ៣ កំពុងដំណើការផលិតដូចជា ក្រុមហ៊ុន General Tires Technology (Cambodia) Co., Ltd ដែលមានទីតាំងនៅក្នុងតំបន់សេដ្ឋកិច្ចពិសេសក្រុងព្រះសីហនុ។ ក្រុមហ៊ុន Sailun Group Co Ltd ប្រតិបត្តិការតាមរយៈក្រុមហ៊ុនបុត្រសម្ព័ន្ធរបស់ខ្លួនគឺក្រុមហ៊ុន Cart Tire Co Ltd ដែលមានទីតាំងនៅតំបន់សេដ្ឋកិច្ចពិសេស Qi Lu (Cambodia) ក្រុងបាវិត នៃខេត្តស្វាយរៀង និងក្រុមហ៊ុនផលិតសំបកកង់ធំទីបីគឺ Qingdao Doublestar Group មានទីតាំងនៅខេត្តក្រចេះ ដោយសហការជាមួយក្រុមហ៊ុន UBE Development Co Ltd ខណៈដែលរោងចក្រផលិតសំបកកង់រថយន្តមួយចំនួនទៀតកំពុងសាងសង់។
![](https://www.kampucheathmey.com/wp-content/uploads/2024/06/Tire_Cambodia1-3-1024x768.png)
យោងតាមស្ថិតិរបស់អគ្គនាយកដ្ឋានគយ និងរដ្ឋាករកម្ពុជាបានឲ្យដឹងថា នៅក្នុងរយៈពេល៥ខែ នៃឆ្នាំ២០២៤នេះ ការនាំចេញសំបកកង់រថយន្តមានតម្លៃ៣០៨,៧៦លានដុល្លារកើនឡើងជាង២០៧ លានដុល្លារឬ២០៤ភាគរយធៀបនឹងរយៈពេលដដែលកាលពីឆ្នាំ២០២៣ដែលមានទឹកប្រាក់តែជាង១០១លានដុល្លារ ៕
-
សេដ្ឋកិច្ច៦ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+១ សប្តាហ៍ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៦ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ៣ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ៥ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
ព័ត៌មានជាតិ៦ ថ្ងៃ ago
ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ
-
ព័ត៌មានអន្ដរជាតិ២ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ