ព័ត៌មានជាតិ
អាជ្ញាធរខេត្តព្រះវិហារ ដុតបំផ្លាញគ្រឿងញៀនជាង១តោន ដែលបង្ក្រាបបានកន្លងមក
គណៈកម្មាធិការត្រួតពិនិត្យគ្រឿងញៀនខេត្តព្រះវិហារ សម្រេចដុតបំផ្លាញគ្រឿងញៀនជាង ១តោន ដែលបង្ក្រាបបាននាពេលកន្លងមក។
ពិធីដុតគ្រឿងញៀននេះ បានធ្វើឡើងនៅរសៀលថ្ងៃទី២៥ ខែមិថុនា ឆ្នាំ២០២៤ ក្នុងភូមិស្ថាពរ សង្កាត់ប៉ាលហាល ក្រុងព្រះវិហារ ខេត្តព្រះវិហារ ក្រោមអធិបតីភាព លោក ប្រាក់ សុវណ្ណ ប្រធានក្រុមប្រឹក្សាខេត្ត លោក គីម រិទ្ធី អភិបាល នៃគណៈអភិបាលខេត្ត និងជាប្រធានគណៈកម្មាធិការត្រួតពិនិត្យគ្រឿងញៀនខេត្ត ដោយមានការចូលរួមពីសំណាក់សាលាដំបូងខេត្ត អភិបាលរងខេត្ត កងកម្លាំងទាំងបី ថ្នាក់ដឹកនាំមន្ទីរអង្គភាពជុំវិញខេត្ត យុវជន សិស្សានុសិស្ស និងអ្នកពាក់ព័ន្ធជាច្រើនរូបទៀត។
លោកឧត្តមសេនីយ៍ត្រី យ៉េង សារ៉េន ស្នងការរង ទទួលផែនការងារប្រឆាំងគ្រឿងញៀន និងជាប្រធានអចិន្ដ្រៃយ៍លេខាធិការដ្ឋាន នៃគណៈកម្មាធិការត្រួតពិនិត្យ គ្រឿងញៀនខេត្ត បានឲ្យដឹងថា គ្រឿងញៀនដែលត្រូវដុតបំផ្លាញចោលនាពេលនេះ គឺ បានធ្វើការរឹបអូសជាវត្ថុតាងចំនួន ៣៩សំណុំរឿង សរុបគ្រឿងញៀនមានទម្ងន់ប្រមាណជាង១តោន ស្មើនឹង ១,០២១,៩១៨.៦២ក្រាម ក្នុងនោះ ប្រភេទមេតំហ្វេតាមីន (ICE) សរុប ទម្ងន់ ១,០២១,៨៦៣.៥៩ក្រាម និងប្រភេទមេតំហ្វេតាមីន (WY) សរុបទម្ងន់ ៥៥,០៣ក្រាម។
លោកបានបញ្ជាក់ថា បរិមាណគ្រឿងញៀនជាច្រើនខាងលើនេះ ត្រូវបានក្រុមឧក្រិដ្ឋជន លួចនាំចូលមកតាមច្រកព្រំដែនឡាវ និងមកពីបណ្ដាខេត្តផ្សេងៗ ធ្វើអាជីវកម្ម ធ្វើជាជំនួញរបស់ខ្លួន ដើម្បីស្វែងប្រាក់ចំណូល។ លោកថា ឥទ្ធិពលគ្រឿងញៀននេះ បានបង្កបទល្មើសនានាកើតមានឡើងក្នុងសង្គម ដូចជា អំពើឃាតកម្ម ចាប់ជំរិត រំលោភសេពសន្ថវៈ លួច ឆក់ប្លន់ទ្រព្យសម្បត្តិ អំពើហិង្សាក្នុងគ្រួសារ ក្រុមបងធំ បងតូច បង្កអសន្ដិសុខជាច្រើនដល់សង្គមជាតិ។
ក្នុងឱកាសប្រារព្ធទិវាអន្ដរជាតិប្រយុទ្ធប្រឆាំងគ្រឿងញៀន និងដុតបំផ្លាញគ្រឿងញៀន នាឱកាសនេះ លោក គីម រិទ្ធី អភិបាលខេត្តព្រះវិហារ បានផ្ដល់អនុសាសន៍ និងអំពាវដល់ ជនរួមជាតិ គ្រប់ស្រទាប់គ្រប់មជ្ឈដ្ឋាន និងគ្រប់វិស័យ សូមបន្ដអនុវត្ត ស្មារតីជាតិ ដោយចាត់ទុកបញ្ហាគ្រឿងញៀនជាបញ្ហារួម ដែលត្រូវរួមដោះស្រាយ និង លុបបំបាត់ទាំងអស់គ្នា។ សូមចូលរួមវិនិយោគលើវិធានការបង្កា និងលើកកម្ពស់ការផ្សព្វផ្សាយ អប់រំ ឱ្យបានទូលំទូលាយ ដើម្បីបញ្ជ្រាបការយល់ដឹង និងជាសារដាស់តឿនក្រើនរំលឹកជាប់ជា ប្រចាំដល់ពលរដ្ឋទូទាំងប្រទេសជាពិសេសយុវជនតែម្តង។
បន្ថែមពីនេះ គ្រប់មន្ដ្រីអង្គភាព និងរដ្ឋបាលក្រុងស្រុក ឃុំសង្កាត់ ត្រូវបន្ដអនុវត្តបទបញ្ជាលេខ ០១ ប ប គោលការណ៍ “សម្អាតចកចេញពីផ្ទៃបឹង” ដោយត្រូវពិនិត្យជាប្រចាំ មន្ដ្រីរាជការ ស៊ីវិល និងកងកម្លាំងប្រដាប់អាវុធ និងត្រូវមានវិធានការទាន់ពេល និងម៉ឺងម៉ាត់បំផុតចំពោះមន្ដ្រី ទាំងឡាយណា ដែលពាក់ព័ន្ធនឹងគ្រឿងញៀន ដើម្បីលើកកម្ពស់ភាពស្អាតស្អំ និងគំរូនៃការអនុវត្តច្បាប់។ ជាពិសេស ត្រូវយកចិត្តទុកដាក់ពង្រឹងសណ្ដាប់ធ្នាប់របៀបរៀបរយ បរិវេញជុំវិញសាលារៀន បំបាត់ករណីក្មេងទំនើង និងសិស្សគេចសាលា ដែលអាចជាគោលដៅឈានដល់ការប្រើប្រាស់គ្រឿងញៀនផងដែរ៕
ដោយ៖ ជុន កុសល
-
ព័ត៌មានជាតិ៤ ថ្ងៃ ago
ព្យុះចំនួន២ នឹងជះឥទ្ធិពលលើកម្ពុជាក្នុងពេលតែមួយចាប់ពីថ្ងៃនេះ ដល់ថ្ងៃទី២តុលា
-
ជីវិតកម្សាន្ដ១ សប្តាហ៍ ago
លោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
សន្តិសុខសង្គម៨ ម៉ោង ago
យុវជន ៣ នាក់ បាត់បង់ជីវិតដោយសារលង់ទឹក
-
ព័ត៌មានអន្ដរជាតិ៣ ថ្ងៃ ago
ភ្នំមួយទៀតនៅវៀតណាម ប្រេះប្រវែង១០០ម៉ែត្រ បង្កការភ័យខ្លាច
-
ចរាចរណ៍៤ ថ្ងៃ ago
ឡិចស៊ីស 470 មួយគ្រឿង បោះពួយលឿនបែកកង់ជ្រុលបុកបង្គោលភ្លើងរលំ ០២ ដើម
-
ព័ត៌មានជាតិ១ សប្តាហ៍ ago
ស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ចរាចរណ៍៥ ថ្ងៃ ago
រថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
-
ព័ត៌មានជាតិ១២ ម៉ោង ago
ឥទ្ធិពលព្យុះសង្ឃរា នឹងធ្វើឱ្យកម្ពុជា ធ្លាក់ភ្លៀង និងខ្យល់កន្ត្រាក់