ព័ត៌មានជាតិ
ដាក់ឱសានវាទចុះរៀបចំតំបន់អន្ទង់អាំង (ភ្នំ ១៥០០) ឱ្យទៅជាតំបន់បៃតង ជាតំបន់អេកូទេសចរណ៍ធម្មជាតិ
រដ្ឋបាលខេត្តពោធិ៍សាត់បានចេញសេចក្តីជូនដំណឹងពីការចុះរៀបចំ និងដោះស្រាយតំបន់អន្ទង់អាំង (ភ្នំ១៥០០) នៅក្នុងស្រុកវាលវែង ខេត្តពោធិ៍សាត់ ដើម្បីប្រែក្លាយឱ្យទៅជាតំបន់បៃតង ជាគោលដៅអេកូទេសចរណ៍ធម្មជាតិស្របតាមការណែនាំពីប្រមុខរដ្ឋាភិបាលកម្ពុជា។
សេចក្តីជូនដំណឹងរបស់រដ្ឋបាលខេត្តពោធិ៍សាត់បានលើកពាក់ព័ន្ធដល់ប្រជាពលរដ្ឋចំនួន ៩៨ គ្រួសារ នៅតំបន់អន្ទង់អាំង (ភ្នំ១៥០០) ក្នុងភូមិសាស្ត្រ ភូមិដីក្រហម ឃុំអន្លង់រាប ស្រុកវាលវែង ខេត្តពោធិ៍សាត់។
ដើម្បីធានាបានការអនុវត្តមានប្រសិទ្ធភាពខ្ពស់ រដ្ឋបាលខេត្តបានជូនដំណឹងដល់ប្រជាពលរដ្ឋពាក់ព័ន្ធតំបន់អន្ទង់អាំងទាំង ៩៨ គ្រួសារដូចខាងក្រោម៖
១. សម្រាប់ប្រជាពលរដ្ឋទាំង ៦៧ គ្រួសារ ដែលយល់ព្រមចាកចេញពីតំបន់អន្ទង់អាំង (ភ្នំ១៥០០) ត្រូវបន្តសហការជាមួយអាជ្ញាធរភូមិ ឃុំ ស្រុក និងខេត្ត ដើម្បីត្រៀមរុះរើចាកចេញពីតំបន់អន្ទង់អាំងទៅទីតាំងថ្មី ដែលរដ្ឋបាលខេត្តទទួលបានការអនុញ្ញាតក្នុងការរៀបចំគោលនយោបាយដីធ្លីពីរាជរដ្ឋាភិបាលជូនពលរដ្ឋទាំង ៦៧ គ្រួសារ ព្រមទាំងត្រូវចូលរួមដាំដើមឈើស្តារឡើងវិញនៅតាមចន្លោះដីដែលគ្មានដំណាំ ឬដីទំនេរដែលធ្លាប់កាន់កាប់កន្លងមក។
២. សម្រាប់ប្រជាពលរដ្ឋចំនួន ៥ គ្រួសារ ដែលយល់ព្រមចាកចេញ ហើយទទួលបានគោលការណ៍អនុញ្ញាតបន្តប្រមូលផលទុរេនរយៈពេលបីឆ្នាំ ដើម្បីរំលោះទុនដែលបានវិនិយោគ ដោយត្រូវចូលរួមដាំដើមឈើនៅចន្លោះដីដែលគ្មានដំណាំ និងមិនត្រូវសាងសង់ហេដ្ឋារចនាសម្ព័ន្ធថ្មីបន្ថែម ប៉ុន្តែអាចកាន់កាប់និងអាស្រ័យផលនៅទីតាំងថ្មីជាបណ្ដោះអាសន្ន លុះត្រាបោះបង់ទីតាំងចាស់ ទើបមានសិទ្ធស្នើសុំធ្វើប័ណ្ណកម្មសិទ្ធិលើទីតាំងថ្មីបាន។
៣. សម្រាប់ប្រជាពលរដ្ឋចំនួន ៣១ គ្រួសារ ដែលមិនទាន់យល់ព្រមចាកចេញពីតំបន់អន្ទង់អាំង ត្រូវពិចារណាសម្រេចចិត្តក្នុងរយៈពេល ៣០ ថ្ងៃ (ចាប់ពីថ្ងៃជូនដំណឹង) ក្នុងការយល់ព្រមចាកចេញ ហើយដាក់ពាក្យ ស្នើសុំគោលនយោបាយដីធ្លីមករដ្ឋបាលខេត្តពោធិ៍សាត់។
ករណីផុតកំណត់រយៈពេល ៣០ ថ្ងៃ នៅតែមិនព្រមសម្រេចចិត្តរុះរើចាកចេញ ឬដាក់ពាក្យស្នើសុំគោលនយោបាយដីធ្លីទេ ការខាតបង់ផលប្រយោជន៍ផ្សេងៗរបស់បងប្អូនប្រជាពលរដ្ឋជាការទទួលខុសត្រូវដោយខ្លួនឯង ព្រមទាំងត្រូវប្រឈមក្នុងការទទួលខុសត្រូវចំពោះមុខច្បាប់ផងដែរ។
ឆ្លើយតបការសាកសួរពីកម្ពុជាថ្មីក្នុងដំណើរទៅស្រុកវាលវែងកាលពីសប្តាហ៍មុននេះ លោក ម៉ុម បូផាន់ អភិបាលរងស្រុកវាលវែង ខេត្តពោធិ៍សាត់បានបញ្ជាក់ថា ផ្ទៃដីនៅតំបន់ជើងភ្នំ ១៥០០ ដែលអាជ្ញាធរបង្រ្កាបបានពីការរុករានដោយខុសច្បាប់មានទំហំប្រហែល ៥០ ហិកតា។
លោកថា ជាគោលដៅរបស់រដ្ឋាភិបាលនៅតំបន់ភ្នំ ១៥០០ ឬផ្លូវអន្ទង់អាំង គឺមិនអនុញ្ញាតិឲ្យមានការសាងសង់សំណង់ណាមួយនោះទេ ដោយរក្សាទុកជាព្រៃឈើធម្មជាតិដើម្បីរៀបចំជាតំបន់អេកូទេសចរណ៍។
រដ្ឋបាលស្រុកវាលវែង បានត្រៀមដាំកូនឈើចម្រុះរាប់ម៉ឺនដើមនៅចំណុចផ្លូវអន្ទង់អាំងលើភ្នំ ១៥០០ តាមបណ្ដោយផ្លូវជាតិលេខ ៥៥ ក្នុងស្រុកវាលវែង ខេត្តពោធិ៍សាត់ ក្រោយទទួលកូនឈើព្រៃត្រូពិកដ៏កម្រចំនួន ២ ម៉ឺនដើម ពីអង្គការសម្ព័ន្ធមិត្តសត្វព្រៃ (Wildlife Alliance)។
លោក ម៉ុម បូផាន់ អភិបាលរងស្រុកវាលវែង ខេត្តពោធិ៍សាត់បានឲ្យដឹងថា កូនឈើទាំងនោះនឹងយកទៅដាំនៅតំបន់ជើងភ្នំ ១៥០០ តាមផ្លូវអន្ទង់អាំង ដែលជាតំបន់គោលដៅអេកូទេសចរណ៍ដ៏ទាក់ទាញនៅស្រុកវាលវែងខេត្តពោធិ៍សាត់។
កូនឈើចំនួនពីរម៉ឺនដើម ដែលគ្រោងដាំនៅចំណុចផ្លូវអន្ទង់អាំង មានកូនឈើចំនួន ៧ ប្រភេទ ត្រូវបានចាត់ថ្នាក់ជាប្រភេទរងការគំរាមកំហែង បើយោងតាមសហភាពអន្តរជាតិដើម្បីការអភិរក្សធម្មជាតិ (IUCN)។ កូនឈើទាំងនោះរួមមាន ធ្នង់ ក្រញូង បេង នាងនួន ផ្តៀក គគីរ ឈើទាល និងប្រភេទផ្សេងទៀត៕
ប្រធានគណបក្សខ្មែរតែមួយ ហៅទណ្ឌិត សម រង្ស៊ី ជាអ្នកនយោបាយប្រើគំនុំសងសឹក ធ្វើជាដើមទុនបោកប្រាស់ពលរដ្ឋ
ស្ទឹងត្រែងជាខេត្តគ្មានសំណុំរឿងក្មេងទំនើងសូម្បីតែ១ ខណៈភ្នំពេញមានច្រើនជាងគេទី១ ខេត្តកំពង់ស្ពឺទី២ ខេត្តតាកែវទី៣
ថ្ងៃទី២៩ធ្នូ ខាងមុខនេះ សមត្ថកិច្ចនឹងផ្អាកចរាចរណ៍បណ្ដោះអាសន្ន ពីគល់ស្ពានព្រែកព្នៅ ដល់ ផ្លូវជាតិលេខ៦ ដើម្បី ប្រារព្ធ “ទិវាសន្តិភាពនៅកម្ពុជា”
លោក Yoon ប្រឈមដីកាចាប់ខ្លួន ក្រោយខកខានបង្ហាញខ្លួនតាមដីការកោះពីរលើក
ស្ទឹងត្រែងជាខេត្តគ្មានសំណុំរឿងក្មេងទំនើងសូម្បី១ករណី៖មន្ត្រីជាន់ខ្ពស់ក្រសួងយុត្តិធម៌ ឱ្យខេត្តផ្សេងយកគំរូដឹកនាំតាម!
ដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
អ្នកដឹកជញ្ជូនម្ហូបអាហារម្នាក់ត្រូវរថយន្ដបុកស្លាប់ពេលជិះឆ្លងផ្លូវ
បុរសម្នាក់ បើករថយន្តធុនធំ ងោកមួយភាំង រេចង្កូតបុកស្លាកប៉ាណូអស់ ០២ ដើម និងរបងដីឡូត៍ពលរដ្ឋរងការខូចខាត
ក្រោយភ្លៀង មេឃស្រឡះ! លោក ផាត់ ហ៊ន ត្រូវបានរដ្ឋមន្ត្រីក្រសួងព័ត៌មាន និងយុត្តិធម៌ ជួយឱ្យរួចផុតពីបណ្ដឹងព្រហ្មទណ្ឌ
ដំណឹងល្អ! វ៉ាក់សាំងមហារីករុស្ស៊ី ព្យាបាលអ្នកជំងឺជាសះស្បើយ៧នាក់ហើយ និងគ្រោងដាក់លក់លើទីផ្សារនៅឆ្នាំក្រោយ
-
ព័ត៌មានជាតិ៥ ថ្ងៃ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
ជីវិតកម្សាន្ដ៥ ថ្ងៃ agoលោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
សន្តិសុខសង្គម១១ ម៉ោង agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម១ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ចរាចរណ៍៤ ថ្ងៃ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
ព័ត៌មានជាតិ៤ ថ្ងៃ agoផលដំឡូងមី កសិករត្រៀមប្រមូល ហាងឆេងទីផ្សារបានត្រឹម ១៧០ រៀលប៉ុណ្ណោះក្នុង ១ គីឡូក្រាម
-
ព័ត៌មានអន្ដរជាតិ១ សប្តាហ៍ agoនារីថៃថតវីដេអូអាសអាភាសផ្ទុកក្នុងប្រព័ន្ធបច្ចេកវិទ្យារកចំណូលជិត១៥០០ដុល្លារក្នុង១ខែ
-
ព័ត៌មានអន្ដរជាតិ៤ ថ្ងៃ agoស្ថានទូតចំនួន៦ ត្រូវបានកម្ទេច ពេលរុស្ស៊ីបាញ់មីស៊ីលវាយប្រហាររដ្ឋធានីកៀវ