ព័ត៌មានជាតិ
កម្ពុជា កំពុងជំរុញការអនុវត្តគោលនយោបាយប្រជាជន ដើម្បីអភិវឌ្ឍប្រកបដោយចីរភាពត្រឹមឆ្នាំ ២០៣០
ក្រសួងផែនការ និងស្ថាប័នពាក់ព័ន្ធ បានរៀបចំសិក្ខាផ្សព្វផ្សាយស្តីពី ការជំរុញការអនុវត្តគោលនយោបាយជាតិប្រជាជន ២០១៦-២០៣០ ដើម្បីប្រមូលធាតុចូលធ្វើយ៉ាងណាឱ្យកម្ពុជាមានការអភិវឌ្ឍប្រកបដោយចីរភាព តាមរយៈកាត់បន្ថយភាពក្រីក្រ និងដោះស្រាយបញ្ហាប្រឈមនានា។
សិក្ខាសាលានេះ រៀបចំឡើងដោយអគ្គលេខាធិការដ្ឋានប្រជាជន និងអភិវឌ្ឍន៍ ក្រោមអធិបតីភាពលោក ប៉ូច ប៊ុណ្ណាក់ រដ្ឋលេខាធិការក្រសួងផែនការ ដោយមានការអញ្ជើញចូលរួមពីស្ថាប័នពាក់ព័ន្ធ គណៈអភិបាលខេត្ត និងមន្ទីរផែនការទាំង២៥រាជធានី-ខេត្ត សរុបប្រមាណ ១៥០នាក់។
លោក ប៉ូច ប៊ុណ្ណាក់ បានលើកឡើងថា គោលបំណងសិក្ខាសាលានេះ ដើម្បីជំរុញការអនុវត្តគោលនយោបាយជាតិប្រជាជន ២០១៦-២០៣០ ក្នុងក្របខ័ណ្ឌគោលដៅអភិវឌ្ឍន៍ប្រកបដោយចីរភាពកម្ពុជាឱ្យកាន់តែមានប្រសិទ្ធភាព តាមរយៈការបញ្ជ្រាបការយល់ដឹងឱ្យទូលំទូលាយដល់អ្នកពាក់ព័ន្ធទាំងអស់ អំពីទស្សនវិស័យ យុទ្ធសាស្រ្ត ផែនការគោលនយោបាយជាតិ និងគោលដៅអភិវឌ្ឍន៍ប្រកបដោយចីរភាពរបស់រាជរដ្ឋាភិបាល។ លោកបន្តថា គោលនយោបាយនេះ បានផ្សាភ្ជាប់ជាមួយនឹងបញ្ហាប្រជាជន ការអភិវឌ្ឍ បម្រែបម្រួលប្រជាសាស្ត្រ ទេសន្តរប្រវេសន៍ នគរូបនីយកម្ម អប់រំ ចំណេះដឹង ជំនាញ ការងារ សុខភាព យុវវ័យ មនុស្សវ័យចាស់ យេនឌ័រ សុខមាលភាព និងបញ្ហាសុខភាពបន្តពូជយុវវ័យ ។
លោកបញ្ជាក់ថា៖« ដោយឈរលើទស្សនថាប្រជាជន គឺជាមធ្យោបាយនៃការអភិវឌ្ឍន៍ និងបរិយាប័ន្នក្នុងស្ថានភាពសង្គមសេដ្ឋកិច្ច ដែលកំពុងរីកចម្រើន គោលនយោបាយជាតិប្រជាជន ត្រូវបានធ្វើបច្ចុប្បន្នកម្មជាគោលនយោបាយជាតិ ប្រជាជន ២០១៦-២០៣០ ដើមី្បឆ្លើយតបនឹងបម្រែបម្រួលសង្គម សេដ្ឋកិច្ច និងសង្គមប្រជាសាស្ត្រ ដែលកម្ពុជាបាននិងកំពុងឆ្លងកាត់»។
លោកថា គោលនយោបាយថ្មីនេះ នឹងឆ្លើយតបភាពចាំបាច់ក្នុងការបញ្ចូលបញ្ហាប្រជាជនទៅក្នុងផែនការអភិវឌ្ឍន៍ សំដៅធានាបានការអភិវឌ្ឍន៍សេដ្ឋកិច្ច សង្គមកិច្ច មានសន្ទុះលឿនជាមុន និងប្រកបដោយចីរភាព ក្នុងការរួមចំណែកកាត់បន្ថយភាពក្រីក្រ និងធ្វើឱ្យប្រសើរឡើងនូវគុណភាពជីវិតរបស់ប្រជាជន ។
ជាមួយគ្នានេះ លោក សុខ ថុល អភិបាលរងខេត្តសៀមរាប បានលើកឡើងពីវឌ្ឍនភាពរបស់ខេត្តថា ក្នុងរយៈពេលកន្លងមក ខេត្តរបស់ខ្លួនមានការរីចកម្រើនគួរឱ្យកត់សម្គាល់ មានដូចជាវិស័យទេសចរណ៍ កសិកម្ម និងសេវាកម្មផ្សេងៗ ហើយបានដើរតួនាទីយ៉ាងសំខាន់ប្រកបដោយសក្តានុពលក្នុងការរួមចំណែកសម្រេចបាននូវគោលដៅជាយុទ្ធសាស្រ្ត ក្នុងការកាត់បន្ថយភាពក្រីក្ររបស់ប្រជាពលរដ្ឋ៕
ដោយ៖ គឿន វេត
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា