អង្គការសង់ត្រាល់សារភាពថា របាយការណ៍របស់ខ្លួនគ្មានលក្ខណៈវិទ្យាសាស្ត្រ និងគ្មានវិជ្ជាជីវៈដែលបង្កឱ្យមានការប្តឹងតវ៉ា

អង្គការសង់ត្រាល់ដែលសហជីពនៅកម្ពុជាកំពុងសម្រុកប្តឹងជាបន្តបន្ទាប់នៅថ្ងៃទី២៦ ខែមិថុនា ឆ្នាំ២០២៤នេះ បានសារភាពថារបាយការណ៍របស់ខ្លួនដែលហ៊ានរិះគន់ស្ថានភាពសហជីពនៅកម្ពុជា ថាគ្មានភាពជាតំណាងនោះឡើយដោយសារតែវិធីសាស្ត្រនៃការប្រមូលព័ត៌មាន និងរបាយការណ៍មានវិសាលភាពតូចដែលគ្មានលក្ខណៈវិទ្យាសាស្ត្រ និងនិងគ្មានវិជ្ជាជីវៈទើបជាហេតុធ្វើឱ្យមានការតវ៉ា។

របាយការណ៍សរសេេរថា៖ “បើផ្អែកលើទិដ្ឋភាពវិធីសាស្ត្រក្នុងការប្រមូលព័ត៌មាន របាយការណ៍នេះ មានវិសាលភាពតូចនៅឡើយដោយសារសំណាកមានចំនួនតិចក្នុងចេតនាឱ្យយើងឃើញថានេះគ្រាន់តែជាឧទាហរណ៍បង្ហាញប៉ុណ្ណោះ ពោលគឺពុំទាន់ជាតំណាងឱ្យកម្មករនិយោជិតកាត់ដេរកម្ពុជាទាំងអស់នោះទេ”។

បើតាមសេចក្តីសេចក្តីថ្លែងការណ៍ដដែល សំនួរក្នុងការសិក្សាអង្កេតដែលសង់ត្រាល់បានដាក់ចេញមានភាពលម្អៀងចំនួន២៥សំណួរស្តីពីការរើសអើងសហជីព ទប់ស្កាត់សហជីព ការចរចាសមូហភាព និងសិទ្ធិ ធ្វើកូដកម្ម ។

របាយការណ៍បន្ត៖“យើងទទួលស្គាល់ថា ទំហំ សំណាករបស់យើងនៅមានកម្រិត ហើយពុំមានលក្ខណៈតំណាងឱ្យបទពិសោធន៍ជាក់ស្តែង របស់គ្រប់កម្មករនិយោជិត និងគ្រប់សហជីពទាំងអស់ក្នុងប្រទេសកម្ពុជាទេ”៕