ព័ត៌មានជាតិ

គណៈប្រតិភូ ប.ស.ស ចូលរួមកិច្ចប្រជុំក្រុមប្រឹក្សាភិបាល នៃសមាគមសំណងគ្រោះថ្នាក់ការងារអាស៊ីនៅប្រទេសកូរ៉េ

បានផុស

៩ នាទី មុន

នៅ

ថ្ងៃព្រហស្បតិ៍ ២៧ មិថុនា ២០២៤

ដោយ

លោក អ៊ុក សំអូន ប្រធាននាយកដ្ឋានសេវាអតិថិជន និងទំនាក់ទំនងសាធារណៈ តំណាងដ៏ខ្ពង់ខ្ពស់ លោក ម៉េង ហុង ប្រតិភូរាជរដ្ឋាភិបាលទទួលបន្ទុកជាអគ្គនាយកបេឡាជាតិសន្តិសុខសង្គម កាលពីថ្ងៃទី ២៦ ខែមិថុនា ឆ្នាំ ២០២៤ បានដឹកនាំគណៈប្រតិភូ ប.ស.ស. នៃក្រសួងការងារ និងបណ្ដុះបណ្ដាលវិជ្ជាជីវៈ ចូលរួមកិច្ចប្រជុំក្រុមប្រឹក្សាភិបាល នៃសមាគមសំណងគ្រោះថ្នាក់ការងារអាស៊ី នៅទីក្រុងសេអ៊ូល នៃសាធារណរដ្ឋកូរ៉េ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កិច្ចប្រជុំនេះបានរៀបចំឡើងដោយអង្គភាពសុខុមាលភាព និងសំណងគ្រោះថ្នាក់ការងារ (COMWEL) ក្នុងនាមជាប្រធានផ្លាស់វេន ដោយមានការចូលរួមពីស្ថាប័នសន្តិសុខសង្គមចំនួន ១៣ ដែលមកពីប្រទេសជាសមាជិកចំនួន ១០ ប្រទេស។

លោក អ៊ុក សំអូន បានឱ្យដឹងថា កិច្ចប្រជុំនេះត្រូវបានពិភាក្សាលើចំណុចសំខាន់ៗ ចំនួន ២ រួមមាន ៖ (១).ពិនិត្យ និងពិភាក្សាលើផែនការសកម្មភាពឆ្នាំ ២០២៤-២០២៥ និង (២). ពិនិត្យ និងពិភាក្សាលើផែនការការងាររបស់គណៈកម្មការបច្ចេកទេសនីមួយៗ របស់សមាគម AWCA។

គួរបញ្ជាក់ថា បន្ទាប់ពីកិច្ចប្រជុំក្រុមប្រឹក្សាភិបាល នៃសមាគមសំណងគ្រោះថ្នាក់ការងារអាស៊ី (AWCA Board Meeting) ក៏មានការរៀបចំកម្មវិធីប្រារព្ធខួបលើកទី ៦០ នៃការបង្កើតធានារ៉ាប់រងសំណងគ្រោះថ្នាក់ការងារនៅសាធារណរដ្ឋកូរ៉េ ដែលបានប្រព្រឹត្តទៅនៅរសៀលថ្ងៃទី ២៦ ខែមិថុនា ឆ្នាំ ២០២៤ ដោយមានការចូលរួមពីភ្ញៀវជាតិ និងអន្តរជាតិសរុបប្រមាណជាង ៣០០ រូប ផងដែរ៕

អត្ថបទ ៖ សំអឿន