ព័ត៌មានជាតិ
ផ្ទះបុរាណអាយុ ១០០ ឆ្នាំ នៅក្រុងបាត់ដំបងមាន ៨០០ ខ្នងផ្ទះ ជាគោលដៅទាក់ទាញទេសចរ
សំណង់អគារសម័យបុរាណជាច្រើន ដែលបានបន្សល់ទុកអស់រយះពេលចន្លោះពី ៩០ ទៅ ១០០ ឆ្នាំ នៅចំកណ្តាល បេះដូងនៃក្រុងបាត់ដំបងរហូតដល់បច្ចុប្បន្ន នៅតែបង្ហាញរូបរាងយ៉ាងស្រស់បំព្រងនិងកំពុងពេញនិយមក្នុងការទស្សនាកម្សាន្តពីសំណាក់ភ្ញៀវទេសចរជាតិនិងអន្តរជាតិ ខណះបច្ចុប្បន្នអាជ្ញាធរបានយកចិត្តទុកដាក់ទៅលើបរិស្ថាននិងដងផ្លូវសាធារណះឲ្យមានភាពទូលាយ សម្រាប់បម្រើដល់ភ្ញៀវទេសចរអន្តរជាតិ ធ្វើដំណើរថ្មើរជើងដើម្បីទស្សនាអគារបុរាណ។
![](https://www.kampucheathmey.com/wp-content/uploads/2024/06/IMG_20240627_120512_818.png)
អតីតនាយកសាលាម្នាក់ក្នុងទសវត្សរ៍ឆ្នាំ១៩៨០ គឺព្រឹទ្ធាចារ្យ ពុទ្ធ សំរិទ្ធ រស់នៅក្នុងក្រុងបាត់ដំបងបានលើកឡើងថា បើតាមលោកនៅចាំខ្លះៗ ការសាងសង់អគារបុរាណក្នុងក្រុងមាន ៣ ដំណាក់កាលពីគ្នា ហើយការសាងសង់ទៀតសោត ក៏មានទុកចន្លោះផ្លូវសម្រាប់ការដើរកម្សាន្ត និងសម្រាប់រថយន្តអគ្គិភ័យចេញចូលងាយស្រួលផងដែរ បើសិនមានករណីអគ្គីភ័យនោះគឺមានផ្លូវលេខ ១ កន្លះ និងលេខ ២ កន្លះ ដែលនេះជាការឆ្លាតវៃនិងជាលក្ខណះ ការពាររបស់បុរាណកាលណោះ។
ព្រឹទ្ធាចារ្យរូបនេះបន្តថា អគារផ្ទះល្វែងដែលបានសាងសង់ក្នុងក្រុងភាគច្រើនមានកម្រឹតត្រឹម ២ ជាន់ប៉ុណ្ណោះ មានទទឹង ៥ ម៉ែត្រ និង បណ្តោយ ២០ ម៉ែត្រ មានជញ្ជាំងជាប់គ្នា ដំបូលប្រកដោយក្បឿងដីឥដ្ឋ និងនៅផ្នែកខាងក្រោយនិងខាងមុខផ្ទះខ័ណ្ឌគ្នាដោយអណ្តូងខ្យល់ ហើយបង្អួច ទ្វារ និងជណ្តើរ ធ្វើអំពីឈើ តែខុសគ្នាត្រង់សម័យកាលបារាំងមានក្បាច់រចនាបថច្រើនជាងសម័យសង្គមរាស្ត្រនិយម។
លោកថា “និយាយទៅ ខ្ញុំសង្កេតឃើញ មានភាពខុសគ្នា ២ ត្រង់ថា សម័យបារាំងមានរូបចម្លាក់ក្បាច់ក្បូរច្រើន ហើយសម័យរាស្ត្រនិយមគឺមានលក្ខណះសាមញ្ញជាង”។
![](https://www.kampucheathmey.com/wp-content/uploads/2024/06/IMG_20240627_120521_844.png)
![](https://www.kampucheathmey.com/wp-content/uploads/2024/06/IMG_20240627_120517_289.png)
![](https://www.kampucheathmey.com/wp-content/uploads/2024/06/IMG_20240627_120528_034.png)
សំណង់អគារបុរាណក្នុងក្រុងមួយចំនួនត្រូវបានជួសជុលផ្នែកខ្លះៗ ដោយរក្សាទម្រង់ដើមដូចជាទ្វារធ្វើពីឈើ បង្អួច ជាដើមក៏ត្រូវបានលាបថ្នាំបន្ថែម។ បច្ចុប្បន្នអាជ្ញាធរខេត្តបានរៀបចំសណ្តាប់ធ្នាប់សាធារណះក្នុងក្រុងបានល្អប្រសើរជាងមុន សម្រាប់បម្រើដល់ភ្ញៀវធ្វើដំណើរទស្សនាអគារបុរាណចាប់ពីផ្លូវលេខ ១ រហូតដល់ផ្លូវលេខ ៣។ អ្វីដែលសំខាន់មានភាពស្មុគស្មាញ និងខ្វះសណ្តាប់ធ្នាប់នោះស្ថិតនៅផ្លូវលេខ១កន្លះ និង២កន្លះ ដែលក្នុងរយះពេលកន្លងទៅ ខ្វះការចូលរួមពីប្រជាពលរដ្ឋរស់នៅតែពេលនេះហាក់ខុសប្លែកពីគ្រានោះឆ្ងាយណាស់ ទាំងបរិស្ថានទាំងដងផ្លូវ សាធារណះក្នុងក្រុង។
លោក ហម អរុណ អនុប្រធាន នៃមន្ទីរទេសចរណ៍ខេត្តបាត់ដំបងបានឲ្យដឹងថា បច្ចុប្បន្នសំណង់អគារផ្ទះបុរាណ ដែលបានបន្សល់នៅក្នុងក្រុងបាត់ដំបងសរុបមានចំនួន ៨០០ខ្នងផ្ទះ ស្ថិតនៅក្នុងកណ្តាលនៃក្រុងបាត់ដំបង ចន្លោះពីផ្លូវលេខ ១ ដល់ផ្លូវលេខ៣ បូករួមទាំងនៅវត្តគរផង។
លោកថា ផ្ទះបុរាណនៅក្រៅពីក្រុងបាត់ដំបង ក៏មានច្រើនដែរដែលពលរដ្ឋកំពុងរស់នៅ ព្រោះផ្ទះទាំងនោះស្ថិតក្នុងរយះកាលក្រោម ៥០ ឆ្នាំ មិនចាត់ទុកជាផ្ទះបុរាណទេ បើចាប់ពីចន្លោះ៩០ ទៅ ១០០ ឆ្នាំ ទើបកំណត់ជាផ្ទះបុរាណនិងជាប្រវត្តិសាស្ត្រ៕
អត្ថបទ៖ សៅ សារិទ្ធ
-
សេដ្ឋកិច្ច៦ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+១ សប្តាហ៍ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៦ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ៣ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ១ សប្តាហ៍ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ៥ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
ព័ត៌មានជាតិ៦ ថ្ងៃ ago
ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ