ព័ត៌មានជាតិ
ឧកញ៉ា លី យូគៀក ប្រគល់សៀវភៅ «រៀនពីហ៊ុនសែនដើម្បីជោគជ័យ» ដែលនិពន្ធដោយបណ្ឌិត ទូច សុឃៈ ចំនួន២ពាន់ក្បាល ដល់កាកបាទក្រហមកម្ពុជា
នៅព្រឹកថ្ងៃទី២៧ ខែមិថុនា ឆ្នាំ២០២៤នេះ កាកបាទក្រហមកម្ពុជា ដែលមានសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ជាព្រះប្រធានកិត្តិយស និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន បានទទួលអំណោយរបស់អ្នកឧកញ៉ា លី យូគៀក នូវសៀវភៅ “រៀនពីហ៊ុនសែនដើម្បជោគជ័យ” ចំនួន ២ ០០០ក្បាល។
![](https://www.kampucheathmey.com/wp-content/uploads/2024/06/photo_2024-06-27_15-43-10-682x1024.jpg)
ពិធីនេះប្រព្រឹត្តទៅស្នាក់ការកណ្តាលកាកបាទក្រហមកម្ពុជា ក្រោមវត្តមានលោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា និងលោកបណ្ឌិត ទូច សុឃៈ (សុខៈ) ដែលជាអ្នកនិពន្ធសៀវភៅខាងលើនេះ។
ក្នុងពិធីជួបសវនាការ និងទទួលអំណោយខាងលើនេះ លោកជំទាវអគ្គលេខាធិការរងទី១ បានពាំនាំប្រសាសន៍របស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលផ្តាំផ្ញើសួរសុខទុក្ខ និងថ្លែងអំណរគុណចំពោះ អ្នកឧកញ៉ា លី យូគៀក ដែលជាអ្នកឧបត្ថម្ភការបោះពុម្ពសៀវភៅដ៏មានសារៈសំខាន់ខាងលើនេះ។ ទន្ទឹមនឹងនេះ អ្នកឧកញ៉ា តែងតែបរិច្ចាគថវិកាជូនដល់កាកបាទក្រហមកម្ពុជា ក្នុងឱកាសទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ចាប់តាំងពីឆ្នាំ២០១៦ រហូតមកដល់បច្ចុប្បន្ននេះបានចំនួន ៤លើករួចមកហើយ សរុបថវិកាចំនួន ៦៥.០០០ ដុល្លារអាម៉េរិក។
![](https://www.kampucheathmey.com/wp-content/uploads/2024/06/photo_2024-06-27_15-43-05-682x1024.jpg)
ទន្ទឹមគ្នានេះដែរ លោកជំទាវ អគ្គលេខាធិការរងទី១ បានថ្លែងកោតសរសើរចំពោះ លោកបណ្ឌិត ទូច សុឃៈ ដែលបាននិពន្ធសៀវភៅ “រៀនពីហ៊ុនសែនដើម្បីជោគជ័យ” នេះឡើង ដើម្បីជាប្រយោជន៍សម្រាប់អ្នកសិក្សាស្រាវជ្រាវ ជាពិសេសក្នុងស្រទាប់យុវជន ដែលគប្បីត្រូវសិក្សាស្វែងយល់ពីគំរូវីរភាពរបស់ថ្នាក់ដឹកនាំយើង។ ជាក់ស្តែងសៀវភៅនេះមានមេរៀនចំនួន២៥ ដែលបានសរសេររំលេចពីជីវិតពិត គំរូវីរភាព ភាពបត់បែន ភាពច្បាស់លាស់ បទពិសោធន៍ជ្រៅជ្រះ ដែលថ្នាក់ដឹកនាំដ៏ឆ្នើមរបស់យើងគឺ សម្តេចអគ្គមហាសេនាបតីតេជោ ហ៊ុន សែន ដែលលោកបានឆ្លងកាត់ការដឹកនាំប្រទេសជាតិយើងចាប់តាំងពីបាតដៃទទេ តស៊ូរំដោះប្រទេសជាតិពីរបបប៉ុលពត រហូតដល់ទទួលបានសុខសន្តិភាព ស្ថិរភាពក្នុងប្រទេស និងរៀបចំអ្នកបន្តវេន ដើម្បីធ្វើយ៉ាងណាឱ្យព្រះរាជាណាចក្រកម្ពុជាយើង នៅតែបន្តស្ថិតក្នុងសុខសន្តិភាព ស្ថិរភាព និងការអភិវឌ្ឍមានចីរភាព។
![](https://www.kampucheathmey.com/wp-content/uploads/2024/06/photo_2024-06-27_15-43-21-1024x682.jpg)
ចំពោះសៀវភៅដ៏មានសារៈសំខាន់នេះ កាកបាទក្រហមកម្ពុជា នឹងបន្តចែកជូនដល់សាខារាជធានីខេត្តទាំង២៥, ក្លឹបយុវជនកាកបាទក្រហមកម្ពុជា នៅតាមគ្រឹះស្ថានសិក្សា និងចែកជូនដល់សប្បុរសជនរបស់កាកបាទក្រហមកម្ពុជា៕
![](https://www.kampucheathmey.com/wp-content/uploads/2024/06/photo_2024-06-27_15-43-16-1024x682.jpg)
![](https://www.kampucheathmey.com/wp-content/uploads/2024/06/photo_2024-06-27_15-43-13-1-1024x682.jpg)
![](https://www.kampucheathmey.com/wp-content/uploads/2024/06/photo_2024-06-27_15-43-27-1024x682.jpg)
![](https://www.kampucheathmey.com/wp-content/uploads/2024/06/photo_2024-06-27_15-43-50-1024x682.jpg)
![](https://www.kampucheathmey.com/wp-content/uploads/2024/06/photo_2024-06-27_15-43-36-1024x682.jpg)
![](https://www.kampucheathmey.com/wp-content/uploads/2024/06/photo_2024-06-27_15-43-32-1024x682.jpg)
![](https://www.kampucheathmey.com/wp-content/uploads/2024/06/photo_2024-06-27_15-43-46-1024x682.jpg)
-
សេដ្ឋកិច្ច៦ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+១ សប្តាហ៍ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៦ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ៣ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ១ សប្តាហ៍ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ៥ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
ព័ត៌មានជាតិ៦ ថ្ងៃ ago
ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ