ព័ត៌មានជាតិ
លោកស្រី មិថុនា ភូថង ៖ អាជ្ញាធរមូលដ្ឋានគប្បីចូលរួមឱ្យសកម្មលើការគ្រប់គ្រងគ្រោះមហន្តរាយ
កោះកុង ៖ លោកស្រី មិថុនា ភូថង អភិបាលខេត្តកោះកុង បានប្រាប់ដល់អាជ្ញាធរសមត្ថកិច្ចមូលដ្ឋានរាប់ចាប់ថ្នាក់ក្រុងស្រុករហូតដល់ភូមិ គប្បីយកចិត្តទុកដាក់ចូលរួមឱ្យបានសកម្ម និងខ្លាំងក្លាក្នុងការបំពេញកាតព្វកិច្ចលើការងារគ្រប់គ្រងគ្រោះមហន្តរាយ។
ពិធីបិទសិក្ខាសាលាផ្សព្វផ្សាយ ស្តីពីប្រព័ន្ធប្រកាសឱ្យដឹងមុន និងការលើកកម្ពស់សមភាពយេនឌ័រក្នុងការងារកាត់បន្ថយហានិភ័យគ្រោះមហន្តរាយ រសៀលថ្ងៃទី២៧ ខែមិថុនានេះ លោកស្រីមិថុនាភូថង ថ្លែងថាតាមរយៈការកាត់បន្ថយហានិភ័យ នៃគ្រោះមហន្តរាយទាំងអស់ឱ្យថយចុះក្នុងកម្រិតអប្បបរមា ទោះបីគ្រោះមហន្តរាយបង្កឡើងដោយ មនុស្សក្តី ឬដោយធម្មជាតិក្តី ហើយត្រូវចាត់ទុកការងារគ្រប់គ្រងគ្រោះមហន្តរាយ គឺជាការងាររបស់យើងទាំងអស់គ្នា។
លោកស្រី អភិបាលខេត្តកោះកុង គូសបញ្ជាក់ទៀតថា គ្រប់អាជ្ញាធរសមត្ថកិច្ចមូលដ្ឋាន ត្រូវបន្តត្រៀមលក្ខណៈគ្រប់ជ្រុងជ្រោយលើការសង្គ្រោះប្រជាពលរដ្ឋឱ្យបានទាន់ពេលវេលានៅពេលជួបគ្រោះមហន្តរាយនានា។ ហើយរាល់ការជួយសង្គ្រោះ និងគិតគូរចំពោះសុវត្ថិភាពសុខទុក្ខប្រជាពលរដ្ឋ មិនត្រូវមានការប្រកាន់វណ្ណៈពណ៌សម្បុរ ជំនឿសាសនា ឬ និន្នាការនយោបាយណាមួយឡើយ។
ដើម្បីសម្រេចកិច្ចការងាររួមនេះបាន លោកស្រី មិថុនាភូថង លើកទឹកចិត្តដល់អាជ្ញាធរសមត្ថកិច្ចពាក់ព័ន្ធ ត្រូវតែបន្តពង្រឹងសមត្ថភាព និងការទទួលខុសត្រូវរបស់មន្ត្រីទទួលបន្ទុកការងារគ្រប់គ្រងគ្រោះមហន្តរាយថ្នាក់ក្រុង ស្រុក ឃុំ សង្កាត់ ក្នុងការតាមដានសភាពការណ៍ និងការរាយការណ៍អំពីគ្រោះមហន្តរាយនានា ដែលបានកើតឡើង មកគណៈកម្មាធិការគ្រប់គ្រងគ្រោះមហន្តរាយខេត្ត ឱ្យបានជាក់លាក់ទាន់ពេលវេលា។
បញ្ហានេះដែរ លោកស្រី អ៊ី នារីនេត អភិបាលរងខេត្ត និងជាប្រធានលេខាធិការដ្ឋានគ្រប់គ្រងហានិភ័យគ្រោះមហន្តរាយខេត្តកោះកុង លើកឡើងដែរថា ការបង្កើនសមត្ថភាព និងចំណេះដឹងបន្ថែមទៀតជូនដល់គណៈកម្មាធិការគ្រប់គ្រងគ្រោះមហន្តរាយនៅថ្នាក់ក្រោមជាតិ និងអ្នកពាក់ព័ន្ធ ការប្រើប្រាស់ប្រព័ន្ធប្រកាសឱ្យដឹងមុន1294 និងការលើកកម្ពស់សមភាពយេនឌ័រក្នុងការងារកាត់បន្ថយហានិភ័យគ្រោះមហន្តរាយ។
លោកស្រីអភិបាលរងខេត្ត ចាត់ទុកសិក្ខាសាលាគ្រប់គ្រងកាត់បន្ថយគ្រោះមហន្តរាយនេះ ជាការបង្កឱកាសឱ្យភាគីពាក់ព័ន្ធ បានចូលរួមបញ្ចេញមតិយោបល់ និងការចែករំលែកចំណះដឹង បទពិសោធន៍ ព្រមទាំងស្វែងយល់ពីចំណុចខ្លាំង ចំណុចខ្សោយ លើការងារគ្រប់គ្រងគ្រោះមហន្តរាយ ដែលបានអនុវត្តនាពេលកន្លងមក។
អាជ្ញាធរខេត្តកោះកុង បង្ហាញថា ស្ទើរតែគ្រប់អាជ្ញាធរសមត្ថកិច្ចមូលដ្ឋាន សុទ្ធតែបានយល់ដឹងពីការចុះឈ្មោះប្រើប្រាស់ប្រព័ន្ធប្រកាសឱ្យដឹងមុន១២៩៤ ដោយអាចដឹងពីគ្រោះធម្មជាតិកើតមាន ដើម្បីត្រៀមលក្ខណៈរកទីទួលសុវត្ថិភាពទាន់ពេលវេលា។ រដ្ឋបាលខេត្ត នឹងចុះអប់រំផ្សព្វផ្សាយ ជូនដល់ប្រជាពលរដ្ឋឱ្យបានជ្រួតជ្រាប អំពីមុខសញ្ញាគ្រោះថ្នាក់ និងងាយរងគ្រោះ តាមគ្រប់រូបភាព សំដៅកាត់បន្ថយហានិភ័យគ្រោះមហន្តរាយ ក្នុងមូលដ្ឋាន៕
អត្ថបទ ៖ សិរីវឌ្ឍនៈ
វិមានឯករាជ្យក្នុងខេត្តរតនគិរី គ្រោងនឹងបញ្ចប់ការសាងសង់នៅចុងឆ្នាំ២០២៥នេះ
ទស្សនកិច្ច៣ថ្ងៃ ប្រធានសភាម៉ាឡេស៊ី នឹងជួបជជែកជាមួយថ្នាក់ដឹកនាំកម្ពុជាលើការពង្រឹងទំនាក់ទំនងប្រទេសទាំងពីរ
កូរ៉េខាងត្បូង៖ កូរ៉េខាងជើងបាញ់មីស៊ីលលើកទី២ក្នុងឆ្នាំ២០២៥ មុនពេល ត្រាំ ឡើងកាន់តំណែង
សមាជិក ប.ស.ស ជាអ្នកបម្រើក្នុងផ្ទះអាចមានសិទ្ធិស្នើប្រាក់បំណាច់ប្រចាំថ្ងៃ ៧០% ពេលសម្រាកព្យាបាលជំងឺ
កម្ពុជាលើកលែងអាករពិសេសលើផលិតផលស៊ីម៉ងត៍ក្នុងស្រុករយៈពេល២ឆ្នាំ
ព្រាប សុវត្ថិ ប្រកាសលក់ដីជាង ៨ហិកតានៅមណ្ឌលគិរីក្នុងតម្លៃពិសេស ជាឱកាសសម្រាប់ការវិនិយោគ
គម្រោងកែលម្អសួនច្បារមាត់ទន្លេ ចំណាយថវិកាជិត ២០០ លានរៀល ផ្លាស់ប្តូរមុខមាត់ថ្មីស្រុកសំបូរទាក់ទាញទេសចរបន្ថែមទៀត
ពលរដ្ឋនៅបាត់ដំបងតវ៉ាបិទផ្លូវទាមទារឲ្យដោះបញ្ហាស្រូវធ្លាក់ថ្លៃ ក្រសួងកសិកម្មតបថា ថាមិនបានព្រងើយបញ្ហានេះឡើយ
រដ្ឋ Johor ភាគខាងត្បូងម៉ាឡេស៊ីប្រឈមទឹកជំនន់ ខណៈអ្នកប៉ះពាល់កើនជិត៤០០០នាក់
អ្នកនាំពាក្យ៖ ក្រសួងយុត្តិធម៌ មិនឱ្យមាន«ករណីបុកគេស្លាប់ហើយជនបង្កបង់លុយយករួចខ្លួន»កើតមានទៀតទេ
-
ព័ត៌មានជាតិ៥ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៤ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ៦ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍១ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ជីវិតកម្សាន្ដ៣ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ៤ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៦ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ៤ ថ្ងៃ agoក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ