ព័ត៌មានជាតិ
ស្ថានទូតជប៉ុនប្រចាំកម្ពុជា រៀបចំពិធីពង្រឹងការផ្លាស់ប្តូរពាណិជ្ជកម្មតាមប្រព័ន្ធអេឡិចត្រូនិក
ស្ថានទូតជប៉ុនប្រចាំនៅកម្ពុជា នៅថ្ងៃទី ២៧ ខែមិថុនានេះ បានរៀបចំពិធីជប់លៀងស្វាគមន៍ អតីតនិស្សិតកម្ពុជា និងអតីតនិស្សិតអាស៊ាននៃប្រទេសជប៉ុន ដែលកម្មវិធីនេះ គឺជាព្រឹត្តិការណ៍ដ៏សំខាន់មួយមានគោលបំណងពង្រឹងការផ្លាស់ប្តូរពាណិជ្ជកម្ម និងកិច្ចសហប្រតិបត្តិការរវាងប្រទេសជប៉ុន កម្ពុជា និងប្រទេសសមាជិកអាស៊ាន។
![](https://www.kampucheathmey.com/wp-content/uploads/2024/06/photo_2024-06-27_18-01-56-1024x768.jpg)
ពិធីជប់លៀងស្វាគមន៍នេះ រៀបចំនៅនិវេសនដ្ឋាននៃស្ថានទូតជប៉ុននៅរាជធានីភ្នំពេញ ដែលមានការចូលរួមពីតំណាងរាជរដ្ឋាភិបាលកម្ពុជាជាច្រើនរូប វិស័យឯកជន អតីតនិស្សិតកម្ពុជានៃប្រទេសជប៉ុន និងភាគីពាក់ព័ន្ធជាច្រើនរូបទៀត ដែលពោពេញដោយសប្បាយរីករាយ និងភាពស្និទ្ធស្នាល។
តាមរយៈកម្មវិធីនេះ ក៏មានសុន្ទរកថាស្វាគមន៍ ដោយឯកអគ្គរាជទូតជប៉ុនប្រចាំកម្ពុជា សុន្ទរកថា ដោយអនុរដ្ឋមន្ត្រីការបរទេសជប៉ុន សុន្ទរកថា ដោយតំណាងសមាគមអតីតនិស្សិតខ្មែរពីប្រទេសជប៉ុន និងសុន្ទរកថា ដោយតំណាងរាជរដ្ឋាភិបាលកម្ពុជា ផងដែរ។
![](https://www.kampucheathmey.com/wp-content/uploads/2024/06/photo_2024-06-27_18-01-49-1024x768.jpg)
គួរជម្រាបថា ព្រឹត្តិការណ៍ស្វាគមន៍នេះ ធ្វើឡើងមុនមួយថ្ងៃនៃសន្និសីទ ASJA-ASCOJA-JAC លើកទី២២ ដែលគ្រោងនឹងធ្វើឡើងនៅថ្ងៃទី ២៨ ខែមិថុនា ឆ្នាំ ២០២៤ នៅរាជធានីភ្នំពេញ នឹងផ្ដោតលើប្រធានបទ «ពាណិជ្ជកម្មតាមប្រព័ន្ធអេឡិចត្រូនិចរវាងជប៉ុន-អាស៊ាន»។ សន្និសីទនេះរៀបចំឡើង ក្នុងគោលបំណងពង្រឹងការផ្លាស់ប្តូរពាណិជ្ជកម្ម និងកិច្ចសហប្រតិបត្តិការរវាងប្រទេសជប៉ុន និងបណ្តាប្រទេសសមាជិកអាស៊ាន តាមរយៈសកម្មភាពនវានុវត្តន៍នានា ក្នុងទម្រង់ឌីជីថល និងពាណិជ្ជកម្មតាមប្រព័ន្ធអេឡិចត្រូនិក។
កម្មវិធីនេះ ត្រូវបានរៀបចំឡើងដោយ សមាគមអតីតនិស្សិតខ្មែរពីប្រទេសជប៉ុន(JAC)គាំទ្រដោយស្ថាប័នអន្តរជាតិនៃអតីតនិស្សិតពីអាស៊ីប្រចាំប្រទេសជប៉ុន(ASJA) ព្រមទាំងសហការដោយក្រុមប្រឹក្សាសមាគមអតីតនិស្សិតអាស៊ានពីប្រទេសជប៉ុន(ASCOJA)។
ព្រឹត្តិការណ៍នេះដ៏សំខាន់នេះ បង្ហាញពីគំនិតផ្តួចផ្តើមឌីជីថល និងពាណិជ្ជកម្មអេឡិចត្រូនិកប្រកបដោយភាពច្នៃប្រឌិត ដែលអាចជំរុញកំណើន និងការអភិវឌ្ឍន៍នៅក្នុងតំបន់៕
អត្ថបទ៖ ឡាយ សាមាន
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១៩ ម៉ោង ago
កូនប្រុសលោក រ័ត្ន ស្រ៊ាង ត្រូវបានតែងតាំងជាមេបញ្ជាការរងកងរាជអាវុធហត្ថរាជធានីភ្នំពេញ
-
ព័ត៌មានជាតិ៩ ម៉ោង ago
យាយតាយកចៅអាយុ៦ខែ ទៅងូតទឹក ត្រូវខ្សែភ្លើងឆក់ស្លាប់ទាំង៣នាក់ យ៉ាងអាណោចអាធ័ម
-
ព័ត៌មានជាតិ៥ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
សេដ្ឋកិច្ច២ ថ្ងៃ ago
កម្ពុជាគួរត្រៀមខ្លួនបែបណា មុនពេលប្ដូរឋានៈ ទៅជាប្រទេសមានចំណូលមធ្យមកម្រិតខ្ពស់
-
ព័ត៌មានអន្ដរជាតិ២ ថ្ងៃ ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
ព័ត៌មានជាតិ១ សប្តាហ៍ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានជាតិ២ ថ្ងៃ ago
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤
-
សន្តិសុខសង្គម១ ថ្ងៃ ago
ឃើញអាការៈកូនស្រីមិនស្រួលខ្លួនក៏នាំទៅពិនិត្យ ទើបបែករឿងមានគេចាប់រំលោភ