ព័ត៌មានជាតិ
សហភាពសហជីពរក្សាសិទ្ធិកម្មករកម្ពុជា ប្តឹងមន្ត្រីអង្គការសង់ត្រាល់ទៅតុលាការទាមទារសំណងជំងឺចិត្ត១០០លានរៀល
ភ្នំពេញ ៖ សហភាពសហជីពរក្សាសិទ្ធិកម្មករកម្ពុជា ដែលតំណាងឱ្យកម្មករនិយោជិតជាង៤ម៉ឺននាក់ បានដាក់ពាក្យប្តឹងមន្ត្រី មជ្ឈមណ្ឌលសម្ព័ន្ធភាពការងារ និង សិទ្ធិមនុស្ស (សង់ត្រាល់)ទៅតុលាការ នៅរសៀលថ្ងៃទី២៧ ខែមិថុនានេះ បន្ទាប់ពីមន្ត្រីអង្គការនេះបានប្រើពាក្យញុះញង់ ធ្វើឱ្យប៉ះពាល់ដល់កេរ្តិ៍ឈ្មោះ កិត្តិយស កិត្តិសព្ទ សេចក្តីថ្លៃថ្នូរ និងមានការរើសអើងសហជីព។
លោក ហង្ស រ៉ាវី ប្រធានសហភាពសហជីពរក្សាសិទ្ធិកម្មករកម្ពុជា ប្រាប់អ្នកសារព័ត៌មាននៅមុខសាលាដំបូងរាជធានីភ្នំពេញ ថា លោកឃុន ថារ៉ូ បានផ្តល់បទសម្ភាសន៍ទៅវិទ្យុអាស៊ីសេរី កាលពីថ្ងៃទី១៥ ខែមិថុនា ដោយប្រើពាក្យ យកសហជីពក្លែងក្លាយ ទៅវាយសហជីពឯករាជ្យ និងយកយុវជន ឬសង្គមស៊ីវិលក្លែងក្លាយទៅវាយ យុវជននិងសង្គមស៊ីវិលឯករាជ្យ គឺជាការចោទប្រកាន់ខុសការពិតធ្ងន់ធ្ងរបំផុត ដែលសមាជិកជាកម្មករជាង៤ម៉ឺននាក់កើតទុកមិនសុខចិត្ត។
លោកបញ្ជាក់ថា «ការលើកឡើងរបស់លោកឃុន ថារ៉ូ ប៉ះពាល់ខ្លាំងដល់សហជីពទូទាំងប្រទេស។ទី២ការប៉ះពាល់របស់គាត់គឺប្រមាថដល់គេឈ្មោះ កិត្តិយស កិត្តិសព្ទ សេចក្តីថ្លៃថ្នូរ ហើយមានការរើសអើង ញុះញង់ឱ្យមានការរើសអើងផ្សេងៗទៀត ហើយការដែលខ្ញុំប្តឹងឃុនថារ៉ូ ខ្ញុំចង់បញ្ជាក់ថា ករណីដែលយើងប្តឹងបុគ្គលឃុនថារ៉ូយើងសុំឱ្យតុលាការមានចំណាត់ការលើបុគ្គលនេះតាមផ្លូវច្បាប់ជាធរមាន។»
លោកហង្ស រ៉ាវី បានឱ្យដឹងថា ការប្តឹងបុគ្គលឃុន ថារ៉ូ នេះសមាជិក សមាជិការ សហភាពសហជីពរក្សាសិទ្ធិកម្មករកម្ពុជា ទាមទារសំណងជំងឺចិត្ត ១០០លានរៀល ប៉ុន្តែសមាជិកសមាជិការទាំងអស់មិនចង់បានលុយនោះឡើយ អ្វីដែលសំខាន់គឺចង់បានភាពស្អាតស្អំមកវិញ ហើយកញ្ចប់ថវិកាដែលបានមកទាំងអស់ សហភាពឯកភាពគ្នាបរិច្ចាកទៅមន្ទីរពេទ្យគន្ធបុប្ផា។
លោក ហ៊ុយ សម្បត្តិ អ្នកនាំពាក្យ សហភាពសហជីពរក្សាសិទ្ធិកម្មករកម្ពុជា និយាយថា ការលើកឡើងរបស់លោក ឃុន ថារ៉ូ គឺជាការចោទប្រកាន់យ៉ាងធ្ងន់ធ្ងរ ដោយគ្មានមូលដ្ឋានគតិយុត្តច្បាស់លាស់ និងប៉ះពាល់សិទ្ធិសេរីភាព និងសេចក្តីថ្លៃថ្នូរ និងមូលបង្កាច់ ប្រមាថប រិហារបង្កាច់កេរ្តិ៍ មកលើអង្គការវិជ្ជាជីវៈ ហៅកាត់ថា (សហជីព) ក៏ដូចជា សហភាពសហជីពរក្សា សិទ្ធិកម្មករកម្ពុជា-CWPUC ដែលមានវិញ្ញាបនបត្រចុះបញ្ជីអង្គវិជ្ជាជីវៈ ត្រឹមត្រូវស្របច្បាប់។
លោកបន្ថែមថា មិនតែប៉ុណ្ណោះ ការប្រើពាក្យថា សហជីពក្លែងក្លាយនះវាជាការមួលបង្កាច់យ៉ាងធ្ងន់ធ្ងរ និងមិនឱ្យតម្លៃទៅលើច្បាប់រដ្ឋ ធម្មនុញ្ញនៃព្រះរាជាណាចក្រកម្ពុជា មាត្រា៣៦ កថាខណ្ឌទី៥ ប្រជាពលរដ្ឋខ្មែរទាំងពីរភេទ មានសិទ្ធិបង្កើត សហជីព និងចូលជាមួយសមាជិកសហជីពនេះ និងកថាខណ្ឌទី៦ ការរៀបចំ និងការប្រព្រឹត្តទៅនៃសហជីព និងកំណត់ក្នុងច្បាប់ ច្បាប់ស្តីពីសហជីព និងច្បាប់ស្ដីពីការងារ៕
សណ្តែកខ្មៅ ជាភេសជ្ជៈយិនស៊ិនពេលព្រឹក ជួយបញ្ចុះជាតិស្ករក្នុងឈាម និងការពារឆ្អឹងឲ្យរឹងមាំ
EU តែងតាំងបុគ្គលប្រឆាំងរុស្ស៊ី ជាអ្នកការទូតកំពូល
រដ្ឋបាលឃុំចន្រ្តី ច្រានចោលការផ្សព្វផ្សាយពីការរកឃើញសត្វខ្លាពីរក្បាលនៅខាងត្បូងផ្សារចន្ត្រី
UN៖ របបសឹកមីយ៉ាន់ម៉ា នៅតែអាចទទួលបានអាវុធ និងលុយពីបរទេស
សហភាពសហជីពរក្សាសិទ្ធិកម្មករកម្ពុជា ប្តឹងមន្ត្រីអង្គការសង់ត្រាល់ទៅតុលាការទាមទារសំណងជំងឺចិត្ត១០០លានរៀល
សម្ដេចធិបតី៖ ក្រុមហ៊ុនចិន BYD គ្រោងដាក់ទុនរៀបចំផលិតរថយន្តនៅកម្ពុជា
NASA ឲ្យ SpaceX ជិត១ពាន់លានដុល្លារ កម្ទេចស្ថានីយអវកាសអន្តរជាតិ
ស្ត្រី វៀតណាម ម្នាក់ ខូចថ្លើមនិងសួតធ្ងន់ធ្ងរ ដោយសារតែទម្លាប់ ២ តែងធ្វើរាល់ថ្ងៃ
ទូរទស្សន៍ ហង្សមាស ដាក់ឈុតធំ! ប្រដាល់គុនខ្មែរអន្តរជាតិដណ្តើមខ្សែក្រវាត់មាស៤ នៅលើសង្វៀនតែមួយ
ចប់វគ្គសន្សំពិន្ទុក្នុងពូល រឿងភ្ញាក់ផ្អើល៣ក្នុងពាន Euro 2024
-
សេដ្ឋកិច្ច៧ ថ្ងៃ agoការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+១ សប្តាហ៍ ago១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៥ ថ្ងៃ agoអ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៧ ថ្ងៃ agoក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ៤ ថ្ងៃ agoលោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ៦ ថ្ងៃ agoបុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
ព័ត៌មានជាតិ៧ ថ្ងៃ agoក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ
-
ព័ត៌មានអន្ដរជាតិ៣ ថ្ងៃ agoព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ