ព័ត៌មានជាតិ
លោក មាស ប៊ុនឡី បំផុសស្មារតីដល់សមាជិក ចូលរួមការពារសន្តិភាព និងសមិទ្ធផលដែលកើតមាន
លោក មាស ប៊ុនឡី អនុប្រធានក្រុមការងារគណបក្សថ្នាក់កណ្តាលចុះមូលដ្ឋានស្រុកបូទុមសាគរ នៅព្រឹកថ្ងៃទី ២៩ ខែមិថុនា ឆ្នាំ ២០២៤ នេះ បានបំផុសស្មារតីដល់សមាជិក-សមាជិកាគណបក្សឃុំអណ្តូងទឹក ធ្វើយ៉ាងណាចូលរួមការពារសុខសន្តិភាព និងសមិទ្ធផលនានាដែលកើតមានឱ្យបានគង់វង្ស។
![](https://www.kampucheathmey.com/wp-content/uploads/2024/06/photo_2024-06-29_11-25-06-1024x682.jpg)
ការលើកទឹកចិត្តរបស់លោក មាស ប៊ុនឡី យ៉ាងដូច្នេះ ធ្វើឡើងក្នុងពិធីប្រារព្ធមិទ្ទិញអបអរសាទរខួបអនុស្សាវរីយ៍លើកទី ៧៣ ថ្ងៃបង្កើតគណបក្សប្រជាជនកម្ពុជា ២៨ មិថុនា ១៩៥១-២៨ មិថុនា ២០២៤ នៅស្រុកបូទុមសាគរ។
លោក មាស ប៊ុនឡី បានបន្ថែមទៀតថា ចាប់ពីថ្ងៃបដិសន្ធិមក គណបក្សប្រជាជនកម្ពុជា បានប្រកាន់ខ្ជាប់នូវគោលបំណង និងឧត្ដមគតិរបស់ខ្លួន ក្នុងការបម្រើបុព្វហេតុដ៏ឧត្តុង្គឧត្តមបំផុតរបស់ជាតិ និងប្រជាជន ឆ្លងកាត់ដំណាក់កាលធំៗ របស់ប្រទេសជាតិ ប្រកបដោយវីរភាព គឺការតស៊ូប្រយុទ្ធ ដើម្បីឯករាជ្យជាតិ, ការការពារឯករាជ្យ អធិបតេយ្យ និងបូរណភាពទឹកដី, ការតស៊ូរំដោះជាតិ, ការសង្គ្រោះជាតិពីរបបប្រល័យពូជសាសន៍, ការការពារ ស្តារ និងកសាងប្រទេសឡើងវិញ និងការថែរក្សាសន្តិភាព ប្រឆាំង បដិវត្តន៍ពណ៌ និងការអភិវឌ្ឍ។
![](https://www.kampucheathmey.com/wp-content/uploads/2024/06/photo_2024-06-29_11-24-35-2-1024x682.jpg)
លោកអនុប្រធានក្រុមការងារគណបក្សថ្នាក់កណ្តាលចុះមូលដ្ឋានស្រុកបូទុមសាគរ គូសបញ្ជាក់ដែរថា ឆ្លងកាត់ក្នុងរយៈពេលជាង ៤៥ ឆ្នាំ មកនេះ យើងអាចអះអាងប្រកបដោយមោទនភាពបំផុត អំពីបណ្តាសមិទ្ធផលធំៗ ជាប្រវត្តិសាស្ត្រដែលសម្រេចបានក្នុងការស្តារ ការកសាង និងអភិវឌ្ឍន៍សង្គមជាតិ ដោយចាប់ផ្តើមពីស្ថានភាពវិនាសអន្តរាយខ្ទេចខ្ទីដោយ អំពើប្រល័យពូជសាសន៍ និងសង្គ្រាមស៊ីវិលដ៏រ៉ាំរ៉ៃ មកកាន់ស្ថានភាពដែលប្រទេសជាតិ ទាំងមូលមានសន្តិភាព ឯកភាពជាតិពេញលេញ និងមានការផ្លាស់ប្តូររីកចម្រើនលើគ្រប់វិស័យ។
លោក មាស ប៊ុនឡី បន្តរំលេចថា នយោបាយឈ្នះឈ្នះ និងការអភិវឌ្ឍដ៏រស់រវើករបស់សង្គមជាតិបច្ចុប្បន្ននេះ គឺជាតថភាព ប្រវត្តិសាស្ត្រ ដែលយើងទាំងអស់គ្នាជាខ្មែរគប្បីមានការយល់ដឹងឱ្យបានច្បាស់ និងចងចាំជា និច្ចដើម្បីធានាការកសាងអនាគតមួយរបស់កម្ពុជាប្រកបដោយភាពរុងរឿង ដែលគ្មានអំពើប្រល័យពូជសាសន៍ គ្មានការបែកបាក់ជាតិ និងសង្គ្រាមជាថ្មីទៀត។
![](https://www.kampucheathmey.com/wp-content/uploads/2024/06/photo_2024-06-29_11-24-35-3-1024x682.jpg)
ឆ្លងតាមសមិទ្ធផលដ៏ថ្លៃថ្លាទាំងនេះ បានបង្ហាញច្បាស់ថា ប្រទេសកម្ពុជា បាននិងកំពុងធ្វើដំណើរទៅមុខលើមាគ៌ាដ៏ត្រឹមត្រូវ គឺ មាគ៌ាសន្តិភាព ប្រជាធិបតេយ្យ នីតិរដ្ឋ និងអភិវឌ្ឍន៍ ឆ្ពោះទៅរកអនាគតដ៏ភ្លឺស្វាង។
ដោយឡែកយុវជន សេន យុសុះ និង យុវនារី អុយ ជឿន ជាសមាជិកគណបក្សប្រជាជនកម្ពុជាឃុំអណ្តូងទឹក មើលឃើញថា មូលដ្ឋាន និងប្រទេសកម្ពុជាទាំងមូល ពិតជាមានការអភិវឌ្ឍឆាប់រហ័សមិននឹកស្មានដល់។ នេះក៏ព្រោះតែការដឹកនាំរបស់ សម្តេចតេជោ ប្រធានគណបក្ស និង សម្តេចធិបតី នាយករដ្ឋមន្ត្រី បានធ្វើឱ្យប្រទេសមានសុខសន្តិភាព ស្ថិរភាពនយោបាយ និងការកៀរគរវិនិយោគទុនពីក្រៅប្រទេស។
ក្នុងនាមពួកគេជាយុវជនគណបក្ស ប្តេជ្ញាចិត្តបន្តចូលរួមការពារថែរក្សាសន្តិភាព និងការអភិវឌ្ឍទៅមុខនិរន្តរ៍ ហើយជឿជាក់លើគោលនយោបាយគណបក្សប្រជាជនឥតរុញរាតាមរយៈដើរមាគ៌ាដឹកនាំរបស់ សម្តេចតេជោ ហ៊ុន សែន ប្រធានគណបក្ស និងជាប្រធានព្រឹទ្ធសភា៕
អត្ថបទ ៖ សិរីវឌ្ឍនៈ
![](https://www.kampucheathmey.com/wp-content/uploads/2024/06/photo_2024-06-29_11-24-35-1024x682.jpg)
![](https://www.kampucheathmey.com/wp-content/uploads/2024/06/photo_2024-06-29_11-24-36-1024x682.jpg)
![](https://www.kampucheathmey.com/wp-content/uploads/2024/06/photo_2024-06-29_11-24-35-5-1024x682.jpg)
-
ព័ត៌មានជាតិ៦ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៥ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ១ សប្តាហ៍ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
ព័ត៌មានអន្ដរជាតិ៤ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ១ សប្តាហ៍ ago
ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ
-
ព័ត៌មានជាតិ៧ ថ្ងៃ ago
រដ្ឋមន្ត្រីក្រសួងព័ត៌មាន ស្នើអ្នកសារព័ត៌មាន MMO ឈប់បង្ហោះវីដេអូជនដៃដល់ស្រី ស៊ីណា បាញ់ជនរងគ្រោះ
-
ព័ត៌មានជាតិ៤ ថ្ងៃ ago
អភិបាលខេត្តជើងខ្លាំង៤រូប នៅរក្សាតំណែង ខណៈអភិបាល៤រូបទៀត របូតតំណែងនេះ
-
សន្តិសុខសង្គម៥ ថ្ងៃ ago
ព័ត៌មានបឋម! ជនមិនស្គាល់មុខចាក់សម្លាប់យុវជនម្នាក់នៅផ្ទះជួលជាន់ទី៣