ព័ត៌មានជាតិ
ក្រុមអភិវឌ្ឍន៍សង្កាត់ទឹកល្អក់ទី៣ ខិតខំប្ដូរលូតូចចេញ ដាក់លូធំជាងមុន ដើម្បីបញ្ជៀសទឹកឲ្យបានលឿន
ក្រុមការងារអភិវឌ្ឍន៍របស់សង្កាត់ទឹកល្អក់ទី៣ បានចុះផ្លាស់ប្តូរប្រពន្ធលូចាស់ ពីកម្រាស់០៤តឹក ទៅកម្រាស់០៦តឹក ដើម្បីបញ្ចៀសប្រព័ន្ធទឹកកុំអោយមានការជន់លិចនារដូវវស្សានេះ។
ជាក់ស្ដែងនៅតាមបណ្ដោយផ្លូវលេខ ២៦១ កែង204សង្កាត់ទឹកល្អក់ទី០៣ ខណ្ឌទួលគោក ដែលកន្លងមកនៅតំបន់នេះឲ្យតែមានភ្លៀងធ្លាក់ម្ដងៗ តែងតែមានទឹកដក់នៅលើផ្លូវ នឹងជន់លិចដែលងាយបង្កអោយផ្លូវឆាបរងការខូចខាត នឹងធ្វើឲ្យប្រជាពលរដ្ឋលំបាកក្នុងការធ្វើដំណើរ។
លោក នៅ ភក្តី ចៅសង្កាត់រងទី១ នៃសង្កាត់ទឹកល្អក់ទី៣ បានលើកឡើងថា គម្រោងអភិវឌ្ឍន៍ផ្លាស់ប្តូរប្រព័ន្ធលូរបស់សង្កាត់ ដែលចុះធ្វើការផ្លាស់ប្តូរនៅពេលនេះ មានប្រវែងរួមទាំងសងខាងផ្លូវ គឺ ៥៤៧ ម៉ែត្រ ។ លោក ចៅសង្កាត់រងទី១ បានបន្តទៀតថា កន្លងមកនៅចន្លោះខាងលិចផ្លូវលេខ ២៦១ កែង២០៤ទៅដល់ផ្លូវ ២៥៧ កែង២០៤ ពេលមានមេឃភ្លៀងម្តងៗ គឺតែងតែមានទឹកដក់ នឹងជន់លិចនៅលើផ្លូវ ងាយធ្វើអោយផ្លូវឆាប់ខូចផងនោះ។
ហេតុនេះ ទើបនៅព្រឹកថ្ងៃទី២៩ ខែមិថុនា ឆ្នាំ២០២៤នេះ ក្រុមការងារអភិវឌ្ឍន៍របស់សង្កាត់ បានចុះធ្វើការផ្លាស់ប្តូរ ប្រព័ន្ធលូចាស់មានស្រាប់ ដែលមានកម្រាស់តែ៤តឹក មកកម្រាស់ ៦តឹក ដែលធ្វើអោយងាយស្រួលរំដោះទឹកភ្លៀងនារដូវវស្សានេះ នឹងដើម្បីប្តូរប្រព័ន្ធលូចាស់ផងដែរ ។
ជាមួយគ្នានេះដែរ អាជ្ញាធរបានសំណូមពរដល់ប្រជាពលរដ្ឋដែលមានលំនៅដ្ឋាន តាមបណ្ដោយផ្លូវលេខ ២៦១ កែង២០៤ ទៅដល់ផ្លូវលេខ ២៥៧ កែង២០៤ សូមមេត្តាយោគយល់ចំពោះការដ្ឋានកំពុងសាងសង់និងដាក់លូ ដែលមានការប៉ះពាល់ដល់ប្រជាពលរដ្ឋ។ ហើយក៏សំណូមពរប្រជាពលរដ្ឋ ត្រូវវេចខ្ចប់សម្រាមដាក់ឲ្យបានត្រឹមត្រូវជៀសវាងពេលមានភ្លៀងធ្លាក់សំរាមហូរចូលក្នុងប្រព័ន្ធលូរបង្កឲ្យមានការកកស្ទះផ្លូវទឹក ៕
អត្ថបទ & រូបភាព ៖ រដ្ឋា , ហេង អុឹងម៉េង
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា