ព័ត៌មានជាតិ
សហភាពពលកម្មជាតិកម្ពុជា ប្តឹងក្រសួងមហាផ្ទៃថា របាយការណ៍សង់ត្រាល់មានលក្ខណៈញុះញ៉ង់ និងប៉ះពាល់ដល់ប្រយោជន៍កម្មករជិត១លាននាក់
សហភាពពលកម្មជាតិកម្ពុជា តំណាងឱ្យកម្មករនិយោជិតជាង៧ម៉ឺននាក់ នៅព្រឹកថ្ងៃទី៣០ ខែមិថុនានេះ បានដាក់ពាក្យប្តឹង មជ្ឈមណ្ឌលសម្ព័ន្ធភាពការងារ និងសិទ្ធិមនុស្សកម្ពុជា ហៅថា «សង់ត្រាល់» ទៅក្រសួងមហាផ្ទៃ ថាអង្គការនេះចេញរបាយការណ៍ញុះញង់ បង្កាច់បង្ខូច បំផ្លាញមុខមាត់ប្រទេសជាតិលើឆាកអន្តរជាតិ។
![](https://www.kampucheathmey.com/wp-content/uploads/2024/06/DSC07924-1024x683.jpg)
លោក តែប តុន ប្រធានសហព័ន្ធសហជីពអភិវឌ្ឍន៍កម្មករ និងជាអនុប្រធានសហភាពពលកម្មជាតិកម្ពុជា បានឱ្យដឹងថា របាយការណ៍សង់ត្រាល់ កាលពីថ្ងៃទី៤ ខែមិថុនា មានចំណងជើងថា «របាយការណ៍ឧបសគ្គរារាំង ភាពជាតំណាង ស្ដីពីសេរីភាពសហជីពក្នុងប្រទេសកម្ពុជា» មានចំនួន១២ទំព័រនោះ គឺជាបាយការណ៍ដែលគ្មានវិជ្ជាជីវៈត្រឹមត្រូវ មានខ្លឹមសារ ញុះញុង ឱ្យមានការរើសអើង លាបពណ៌ធ្វើឱ្យមានការបែកបាក់ធ្ងន់ធ្ងរ។
លោកថ្លែងថា៖«យើងគិតថារបាយការណ៍របស់សង់ត្រាល់ មានលក្ខណៈបែបប្រឆាំងមកលើរដ្ឋាភិបាល។ យើងឃើញហើយថា របាយការណ៍របស់អង្គការ ILO-BFC គឺឆ្លុះបញ្ចាំងឃើញថា កម្ពុជាយើងមានសេរីភាពសហជីព ហើយមានការអភិវឌ្ឍ មានវឌ្ឍនភាពរីកចម្រើន។
![](https://www.kampucheathmey.com/wp-content/uploads/2024/06/DSC07896-1024x683.jpg)
តែផ្ទុយទៅវិញអង្គការសង់ត្រាល់ បែរជាធ្វើជារបាយការណ៍មួយថា សហជីពនៅកម្ពុជាមិនមានសេរីភាពគ្រប់គ្រាន់ អ៊ីចឹងវាផ្អុយពីរបាយការណ៍របស់ ILO អ៊ីចឹងហើយបានជាពួកយើងកើតទុក្ខមិនសុខចិត្តទេ។»
លោកអនុប្រធានសហភាពពលកម្មជាតិកម្ពុជា ប្រាប់ថា ក្នុងការដាក់ពាក្យប្តឹងនេះដែរ សហភាពបានស្នើសុំ ក្រសួងមហាផ្ទៃដើម្បី ជួយពន្លឿនបើកការសើបអង្កេត និងមានចំណាត់តាមការផ្លូវច្បាប់ចំពោះអង្គការ សង់ត្រាល់ បន្ថែមទៀត រកឱ្យឃើញថា តើអង្គការនេះមានអ្នកណាខ្លះជាខ្នងបង្អែក ហើយមានប្រភពចំណូលដូចម្តេច ព្រោះរបាយការណ៍អង្គការនេះ មិនតំណាងឱ្យកម្មករនិយោជិតទាំងមូលនៅកម្ពុជាទេ។
![](https://www.kampucheathmey.com/wp-content/uploads/2024/06/DSC07915-1024x683.jpg)
លោកបញ្ជាក់ថា សង់ត្រាល់ប្រមូលព័ត៌មាន តែជាមួយសហជីពគូកនរបស់ខ្លួន ដើម្បីធ្វើរបាយការណ៍ ហើយលើកថាខ្លួនឯងឯករាជ្យ ចោទប្រកាន់សហជីពស្របច្បាប់ដទៃទៀត ថាមិនឯករាជ្យ។
មិនតែប៉ុណ្ណោះ លោកបន្ថែមថា របាយការណ៍ របស់អង្គការសង់ត្រាល់ មិនបានឆ្លុះបញ្ចាំងពីការពិតក្នុងវិស័យវាយនភ័ណ្ឌកាត់ដេរសម្លៀកបំពាក់ ផលិតផលស្បែកជើង កាបូប និងវិស័យផ្សេងៗទៀតនោះឡើយ។
តែផ្ទុយទៅវិញរបាយការណ៍នេះបានបង្ហាញអំពី ចរិតនយោបាយ បន្ទុចបង្អាក់ បង្កាច់បង្ខូច បំភ្លៃការពិត បំផ្លាញមុខមាត់ប្រទេសជាតិលើឆាកអន្តរជាតិ ប៉ះពាល់សេដ្ឋកិច្ចជាតិ សេដ្ឋកិច្ចប្រជាពលរដ្ឋ និងកម្មករនិយោជិត តាមបង្គាប់បញ្ជាបរទេសដែលជាម្ចាស់ជំនួយ៕
![](https://www.kampucheathmey.com/wp-content/uploads/2024/06/DSC07942-1024x683.jpg)
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៦ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានអន្ដរជាតិ៥ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ៥ ថ្ងៃ ago
អភិបាលខេត្តជើងខ្លាំង៤រូប នៅរក្សាតំណែង ខណៈអភិបាល៤រូបទៀត របូតតំណែងនេះ
-
ព័ត៌មានជាតិ១ សប្តាហ៍ ago
រដ្ឋមន្ត្រីក្រសួងព័ត៌មាន ស្នើអ្នកសារព័ត៌មាន MMO ឈប់បង្ហោះវីដេអូជនដៃដល់ស្រី ស៊ីណា បាញ់ជនរងគ្រោះ
-
ព័ត៌មានជាតិ២ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
សន្តិសុខសង្គម៦ ថ្ងៃ ago
ព័ត៌មានបឋម! ជនមិនស្គាល់មុខចាក់សម្លាប់យុវជនម្នាក់នៅផ្ទះជួលជាន់ទី៣
-
ព័ត៌មានជាតិ៥ ថ្ងៃ ago
ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា