ព័ត៌មានជាតិ
សម្ដេច ហ៊ុន ម៉ាណែត ប្រកាសបន្តអនុគ្រោះពន្ធវិស័យកសិកម្ម ដើម្បីធានាសន្តិសុខស្បៀង និងពាណិជ្ជកម្ម
ដរាបណាគណបក្សប្រជាជនកម្ពុជានៅដឹកនាំប្រទេស គោលនយោបាយលើកលែងពន្ធចំពោះវិស័យកសិកម្មនៅតែបន្ត។ សម្ដេចនាយករដ្ឋមន្ត្រី ហ៊ុន ម៉ាណែត ថ្លែងអះអាងថា ការបន្តអនុវត្តគោលនយោបាយអនុគ្រោះ និងលើកលែងពន្ធចំពោះវិស័យនេះ គឺដើម្បីធានាបាននូវសន្តិសុខស្បៀង និងការធ្វើពាណិជ្ជកម្ម។
![](https://www.kampucheathmey.com/wp-content/uploads/2024/07/image-15-1024x576.png)
អញ្ជើញជាអធិបតីក្នុងទិវាមច្ឆជាតិ លើកទី១៩ នៅភូមិកំពង់សំណាញ់ ឃុំមៀន ស្រុកព្រៃឈរ ខេត្តកំពង់ចាម នាព្រឹកថ្ងៃទី ១ ខែកក្កដា ឆ្នាំ២០២៤ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានលើកឡើងពីតួនាទីដ៏សំខាន់របស់វិស័យកសិកម្មក្នុងការអភិវឌ្ឍសេដ្ឋកិច្ច-សង្គម ដែលគ្រាន់តែនៅក្នុងឆ្នាំ២០២៣ វិស័យកសិកម្ម បានរួមចំណែកប្រមាណ២២% នៃផលិតផលសរុបក្នុងប្រទេស។ សម្ដេចធិបតី គូសរំលេចថា រាជរដ្ឋាភិបាលគ្រប់អាណត្តិទាំងអស់ តែងតែផ្ដល់អាទិភាពលើការជួយ និងពង្រឹងលើវិស័យកសិកម្ម ដែលជាមូលដ្ឋានសំខាន់សម្រាប់ការធានាសន្តិសុខស្បៀង និងជីវភាពរស់នៅរបស់ប្រជាពលរដ្ឋ ហើយរាជរដ្ឋាភិបាល ដែលដឹកនាំដោយគណបក្សប្រជាជនកម្ពុជាបានដាក់ចេញគោលនយោបាយជាបន្តបន្ទាប់ ដើម្បីលើកស្ទួយ និងជួយដល់វិស័យកសិកម្ម និងប្រជាកសិករ។
![](https://www.kampucheathmey.com/wp-content/uploads/2024/07/image-17-1024x576.png)
«ជាក់ស្ដែង ការដាក់ចេញនូវគោលនយោបាយលើកលែងពន្ធចំពោះដីកសិកម្ម ដីស្រែលក្ខណៈគ្រួសារ គឺយើងបានធ្វើយូរមកហើយ ហើយដរាបណាគណបក្សប្រជាជន នៅបន្តមានឱកាសដែលប្រជាជនគាំទ្រ និងផ្ដល់ឱកាសឱ្យដឹកនាំប្រទេស គោលនយោបាយលើកលែងពន្ធកសិកម្មនៅតែបន្តសម្រាប់ប្រជាពលរដ្ឋរបស់យើង ជាពិសេសដីស្រែលក្ខណៈគ្រួសារ»។ នេះជាការប្រកាសរបស់សម្ដេចធិបតីនាយករដ្ឋមន្ត្រីក្នុងទិវាមច្ឆជាតិ នៅខេត្តកំពង់ចាម នាព្រឹកថ្ងៃចន្ទនេះ។
សម្ដេចធិបតី បន្តថា គោលនយោបាយដែលរាជរដ្ឋាភិបាលកម្ពុជាបានផ្ដល់ការលើកលែងសម្រាប់វិស័យកសិកម្ម មានជាអាទិ៍៖ ការលើកលែងពន្ធលើការនាំចូលសម្ភារៈ គ្រឿងយន្ត និងឧបករណ៍កសិកម្ម ក៏ដូចជាកសិផល និងអាហារដែលជាអាហារូបត្ថម្ភសម្រាប់ការរស់នៅប្រចាំថ្ងៃរបស់ប្រជាពលរដ្ឋ ក៏ត្រូវបានលើកលែងពន្ធអាករដល់ឆ្នាំ២០២៨ ដើម្បីធានាតម្លៃ សមរម្យសម្រាប់ប្រជាពលរដ្ឋ។
![](https://www.kampucheathmey.com/wp-content/uploads/2024/07/image-16.png)
អាករបន្ថែមលើការនាំចូល និងផ្គត់ផ្គងទំនិញមួយចំនួន ដូចជា ដី ពូជដំណាំ ចំណីសត្វ ជាដើម ក៏ត្រូវបានលើកលែង ដោយធ្វើយ៉ាងណាឱ្យធាតុផ្សំនៃការផលិតរបស់កសិករ កុំឱ្យមានតម្លៃថ្លៃដើមថ្លែពេក ខណៈអាករបន្ថែមលើការផ្គត់ផ្គងទំនិញ និងសេវាសម្រាប់សហគ្រាសផ្គត់ផ្គងក្នុងស្រុកនាំចេញ ក៏ត្រូវបានលើកឡើង ព្រមទាំងវិធានអនុគ្រោះ និងគោលនយោបាយកសិកម្មថ្មីៗមួយចំនួនទៀត ក៏បាននិងកំពុងយកចិត្តទុកដាក់ផងដែរ។ សម្ដេច ហ៊ុន ម៉ាណែត បញ្ជាក់ថា ទាំងនេះ គឺដើម្បីធានាដល់ការរៀបចំការធានាតម្លៃ លើកទឹកចិត្តការធ្វើទំនើបកម្មលើវិស័យកសិកម្ម ប្រកួតប្រជែងលើទីផ្សារអន្តរជាតិ ក៏ដូចជាឆ្លើយតបនឹងតម្រូវការរបស់ប្រជាពលរដ្ឋ និងស្របតាមស្ថានភាពសង្គមបច្ចុប្បន្ន។
![](https://www.kampucheathmey.com/wp-content/uploads/2024/07/image-19.png)
ពាក់ព័ន្ធនឹងការអភិវឌ្ឍលើវិស័យកសិកម្មនេះទៀតសោត ត្រូវបានសម្ដេចធិបតី ហ៊ុន ម៉ាណែត បញ្ជាក់បន្ថែមថា គឺមានគោលដៅសំខាន់ៗពីរ គឺទី១) ការយកចិត្តទុកដាក់លើសន្តិសុខស្បៀង និងទី២) ការធ្វើពាណិជ្ជកម្ម ឬ និយាយដោយសាមញ្ញ គឺសម្រាប់ហូបចុក និងលក់ដូរ។ សម្ដេច ថា ការដោះស្រាយបញ្ហាកសិកម្ម គឺដៃម្ខាងគិតគូរពីចំណូលរបស់ប្រជាកសិករ ប៉ុន្តដៃម្ខាងទៀត ត្រូវធានាកុំឱ្យតម្លៃថ្លៃពេក ដែលអាចប៉ះពាល់ដល់អ្នកទិញបរិភោគ។
ក្នុងនាមជាប្រមុខដឹកនាំរដ្ឋាភិបាល អាណត្តិទី៧នេះ សម្ដេចធិបតី បានប្រកាសប្ដេជ្ញាចិត្តបន្តពីរាជរដ្ឋាភិបាល អាណត្តិមុនៗ ដើម្បីដាក់ចេញនូវគោលនយោបាយជាបន្តបន្ទាប់ ជួយដល់កសិករនៅទូទាំងប្រទេស ក៏ដូចជាការវិនិយោគផ្សេងក្នុងវិស័យកសិកម្ម៕
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៧ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានអន្ដរជាតិ៦ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ៦ ថ្ងៃ ago
អភិបាលខេត្តជើងខ្លាំង៤រូប នៅរក្សាតំណែង ខណៈអភិបាល៤រូបទៀត របូតតំណែងនេះ
-
ព័ត៌មានជាតិ៣ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
សន្តិសុខសង្គម៥ ថ្ងៃ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
សន្តិសុខសង្គម៧ ថ្ងៃ ago
ព័ត៌មានបឋម! ជនមិនស្គាល់មុខចាក់សម្លាប់យុវជនម្នាក់នៅផ្ទះជួលជាន់ទី៣
-
ព័ត៌មានជាតិ៦ ថ្ងៃ ago
ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា