ព័ត៌មានជាតិ
សម្តេចធិបតី អរគុណគណបក្សផ្សេងៗដែលគាំទ្រគម្រោងព្រែកជីក បង្ហាញពីស្មារតីជាតិនិយម
សម្តេចនាយករដ្ឋមន្រ្តី ហ៊ុន ម៉ាណែត នៅថ្ងៃទី ១ ខែកក្កដា ឆ្នាំ ២០២៤ បានថ្លែងអរគុណដល់បណ្តាគណបក្សនយោបាយផ្សេងៗ ដែលបានចូលរួមគាំទ្រដល់គម្រោងព្រែកជីកហ្វូណនតេជោ ដែលការគាំទ្រនេះបង្ហាញពីស្មារតីជាតិនិយម និងផលប្រយោជន៍ជាតិ ទោះបីជាគណបក្សមាននិន្នាការផ្សេងគ្នាក៏ដោយ។
![](https://www.kampucheathmey.com/wp-content/uploads/2024/07/image-20-1024x521.png)
អញ្ជើញជាអធិបតី “ទិវាមច្ឆជាតិ ១កក្កដា ២០២៤ នៅបឹងធំ ស្រុកព្រៃឈរ ខេត្តកំពង់ចាម” សម្តេចធិបតី ហ៊ុន ម៉ាណែត បានយកឱកាសនេះ ថ្លែងអរគុណចំពោះប្រជាពលរដ្ឋទាំងអស់គ្នានៅទូទាំងប្រទេស ដែលបានគាំទ្រក្នុងគម្រោងប្រវត្តិសាស្រ្តមួយនេះ គឺគម្រោងព្រែកជីកហ្វូណនតេជោ ដែលនឹងផ្តល់ផលប្រយោជន៍ដល់ប្រជាជនទូទាំងប្រទេស ។ សម្តេចបានថ្លែងថា៖« គម្រោងនេះពិសេសជាងគម្រោងផ្សេងៗ ត្រង់ថាបានបញ្ជាក់អំពីស្មារតីជាតិនិយម។ លើកលែងតែអ្នកជ្រុលនិយមមួយក្តាប់តូចមួយចំនួន ក្រៅពីនោះជាគម្រោងតែមួយ ដែលសូម្បីតែគណបក្សផ្សេងគ្នាទូទាំងប្រទេស មាននិន្នការផ្សេងគ្នា ក៏ចេញមកគាំទ្រ ព្រោះគេដឹងថាជាផលប្រយោជន៍សម្រាប់កូនខ្មែរ មិនថាបក្សណានោះទេ នេះគឺជាគម្រោងពិសេសមួយដែលយើងត្រូវរួមគ្នាធ្វើ»។
![](https://www.kampucheathmey.com/wp-content/uploads/2024/07/image-830-1024x614-1.png)
ជាមួយគ្នានេះ សម្តេចធិបតី ស្នើឱ្យពលរដ្ឋនៅទូទាំងប្រទេសចូលរួមអបអរសាទរគម្រោងនេះ តាមរយៈ ទូងស្គរ វាយប៉ោត ធុង នៅតាម ស្រុក ភូមិ នៅថ្ងៃបើកការដ្ឋានសាងសង់ ថ្ងៃទី ៥ ខែសីហា ឆ្នាំ ២០២៤ ខាងមុខនេះ។ សម្តេចបន្ថែមទៀតថា៖«ព្រោះវាមិនមែនជាគម្រោងរបស់សម្តេចតេជោ ឬខ្ញុំនោះទេ ។ ខ្ញុំនិងសម្តេចតេជោ បានត្រឹមចូលរួម ហើយសម្តេចតេជោផ្តួចផ្តើម ហើយខ្ញុំចូលរួមដឹកនាំបន្តជាមួយនឹងមន្រ្តីរបស់យើង ជាពិសេសប្រជាពលរដ្ឋទាំងអស់គ្នា ដែលបានចូលរួមនិងជំរុញដល់គម្រោងប្រវត្តិសាស្រ្តមួយនេះដើម្បីកូនខ្មែរទៅថ្ងៃអនាគត»។
![](https://www.kampucheathmey.com/wp-content/uploads/2024/07/image-826.png)
គម្រោងព្រែកជីកហ្វូណនតេជោ គឺមានប្រវែងសរុប១៨០គីឡូម៉ែត្រ តភ្ជាប់ពីទន្លេមេគង្គទៅកាន់សមុទ្រ ពោលគឺចាប់ពីព្រែកតាកែវ ឆ្លងកាត់ព្រែកតាឯក ចូលតាមព្រែកតាហ៊ីង និងបន្តរហូតដល់សមុទ្រខេត្តកែប។ ព្រែកជីកនេះ សាងសង់ឡើងតាមដានព្រែកចាស់ដែលធ្លាប់ជីកាលពីអតីតកាល ឆ្លងកាត់ខេត្តចំនួន៤ គឺខេត្តកណ្ដាល ខេត្តតាកែវ ខេត្តកំពត ខេត្តកែប។
គម្រោងព្រែកជីកហ្វូណនតេជោ ត្រូវបានប្រគល់សិទ្ធិវិនិយោគដោយក្រុមហ៊ុនខ្មែរចំនួន៥១% ដែលក្នុងនោះ ក្រុមហ៊ុនរដ្ឋចំនួន២ នឹងកាន់កាប់ភាគច្រើនលើគម្រោងព្រែកជីកជាប្រវត្តិសាស្រ្តនេះ៕
អត្ថបទ៖ ឡាយ សាមាន
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៧ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានអន្ដរជាតិ៦ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ៦ ថ្ងៃ ago
អភិបាលខេត្តជើងខ្លាំង៤រូប នៅរក្សាតំណែង ខណៈអភិបាល៤រូបទៀត របូតតំណែងនេះ
-
ព័ត៌មានជាតិ៣ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
សន្តិសុខសង្គម៥ ថ្ងៃ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
សន្តិសុខសង្គម៧ ថ្ងៃ ago
ព័ត៌មានបឋម! ជនមិនស្គាល់មុខចាក់សម្លាប់យុវជនម្នាក់នៅផ្ទះជួលជាន់ទី៣
-
ព័ត៌មានជាតិ៦ ថ្ងៃ ago
ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា