ព័ត៌មានជាតិ

បញ្ចប់សិក្សានៅភ្នំពេញ សិស្សក្រីក្រពីសហគម៍តំបន់ជួរភ្នំក្រវាញ ដាក់មហិច្ឆតាយកចំណេះទៅជួយអភិវឌ្ឍមូលដ្ឋាន

បានផុស

៧ ខែ មុន

នៅ

ថ្ងៃចន្ទ ១ កក្កដា ២០២៤

ដោយ

និស្សិតចំនួន ៥ នាក់ ក្នុងនោះក៏មាននិស្សិតស្រីចំនួន ២ នាក់ផងដែរមកពីសហគម៍តំបន់ជួរភ្នំក្រវាញខាងត្បូងក្នុងខេត្តកោះកុង បានដាក់មហិច្ឆតានឹងយកចំណេះទៅជូយអភិវឌ្ឍដល់សហគមន៍ដែលខ្លួនរស់នៅក្នុងមូលដ្ឋាន ក្រោយចំណាយពេលសិក្សា ៤ ឆ្នាំ លើមុខជំនាញផ្សេងៗដោយជោគជ័យនៅសាកលវិទ្យាល័យក្នុងរាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយទទួលបានអាហារូបករណ៍ពីគម្រោងរេដបូកតំបន់ជួរភ្នំក្រវាញខាងត្បូង ពីអង្គការសម្ព័ន្ធមិត្តសត្វព្រៃ (Wildlife Alliance) ដែលមានក្រសួងបរិស្ថានជាម្ចាស់គម្រោង និស្សិតទាំង ៥ រូប មានប្រវត្តិសុទ្ធតែជាសិស្សក្រីក្រដែលត្រូវបានជ្រើសរើសចេញពីសហគមន៍ពីតំបន់ដាច់ស្រយាលនៅតំបន់ជួរភ្នំក្រវាញខាងត្បូង។

ក្រោយទទួលបានឱកាសបានបន្តការសិក្សានៅរាជធានីភ្នំពេញ និស្សិតម្នាក់ៗបានតាំងចិត្តថានឹងយកចំណេះទៅជួយអភិវឌ្ឍក្នុងសហគមន៍ឲ្យរីកចម្រើន តាមរយៈជំនាញផ្សេងៗដែលពួកគេបានសិក្សារៀនសួត្រដូចជាផ្នែកគ្រប់គ្រងទេសចរណ៍ បច្ចេកវិទ្យាព័ត៌មានវិទ្យា រួមទាំងជំនាញពាណិជ្ជកម្មអន្តរជាតិជាដើម៕