ព័ត៌មានជាតិ
អាកាសយានដ្ឋានតារាសាគរ នឹងចាប់ផ្ដើមហោះហើរសាកល្បងនៅថ្ងៃ ០៨ សីហា ខាងមុខនេះ
លោក ម៉ៅ កែវពេជ្រច័ន្ទមុន្នី នាយកអាកាសយានដ្ឋានអន្តរជាតិតារាសាគរបានបញ្ជាក់ប្រាប់កម្ពុជាថ្មីថា បើគ្មានការប្រែប្រួលនោះទេ អាកាសយានដ្ឋានតារាសាគរនៅខេត្តកោះកុង នឹងដាក់ឲ្យហោះហើរសម្រាប់ជើងហោះហើរក្នុងស្រុកនៅថ្ងៃ ៨ ខែសីហា ឆ្នាំ២០២៤។
![](https://www.kampucheathmey.com/wp-content/uploads/2024/07/449394874_8108826779148674_666397966195191166_n-1024x576.jpg)
លោក ម៉ៅ កែវពេជ្រច័ន្ទមុន្នី បានឲ្យដឹងថា ក្រុមហ៊ុនបានស្នើសុំបើកការហោះហើរក្នុងស្រុកជាជំហានដំបូង និងទទួលបានការឯកភាពពីសម្តេចមហាបវរធិបតីនាយករដ្ឋមន្រ្តីកម្ពុជា។
កាលពីពេលថ្មីៗនេះ ក្រុមការងារបច្ចេកទេសបានចុះទៅត្រួតពិនិត្យជាក់ស្តែងពីលទ្ធភាពក៏ដូចជាហេដ្ឋារចនាសម្ព័ន្ធនានានៅអាកាសយានដ្ឋានតារាសាគរ សម្រាប់បម្រើការហោះហើរក្នុងស្រុក។ បើតាមលោក ម៉ៅ កែវពេជ្រច័ន្ទមុន្នី ការហោះហើរក្នុងស្រុកមិនតម្រូវការបច្ចេកទេសខ្ពស់ដូចការហោះហើរជាលក្ខណៈអន្តរជាតិឡើយ ខណៈនីតិវិធីផ្លូវច្បាប់អាកាសចរណ៍ស៊ីវិលអន្តរជាតិ ក្រុមហ៊ុនកំពុងរៀបចំដែលនឹងរួចរាល់នាពេលឆាប់ៗខាងមុខ។
លោក ម៉ៅ កែវពេជ្រច័ន្ទមុន្នី បានបង្ហាញពីវឌ្ឍនភាពការអភិវឌ្ឍហេដ្ឋារចនាសម្ព័ន្ធនៅអាកាសយានដ្ឋានតារាសាគរ ដែលមាន ៣ ផ្នែកធំៗ ក្នុងនោះផ្លូវរត់ និងចំណតយន្តហោះបានបញ្ចប់ ១០០%។ ប្រព័ន្ធនាំផ្លូវចុះចត និងវិទ្យុទាក់ទងជាមួយយន្តហោះក៏រួចរាល់ ១០០%។ ដោយឡែកអគារទទួលអ្នកដំណើរ (Terminal) ក៏សម្រេចបានប្រហែល ៩០ ភាគរយ និងកំពុងឈានទៅបញ្ចប់ក្នុងពេលឆាប់ៗ។
![](https://www.kampucheathmey.com/wp-content/uploads/2024/07/448966411_8108827242481961_1039924309574761614_n-1024x576.jpg)
![](https://www.kampucheathmey.com/wp-content/uploads/2024/07/449207652_8108827089148643_6483316136906486415_n-1024x768.jpg)
បើតាមមន្រ្តីអាកាសចរស៊ីវិល ការបើកដំណើរការហោះហើរសាកល្បងនៅអាកាសយានដ្ឋានតារាសាគរ ជាការបោះជំហានថ្មីមួយទៀតនៃការអភិវឌ្ឍវិស័យអាកាសចរប្រទេសកម្ពុជា។
លោក ស៊ិន ចាន់សិរីវុត្ថា រដ្ឋលេខាធិការ និងជាអ្នកនាំពាក្យអាកាសចរស៊ីវិលបានឲ្យកម្ពុជាថ្មីដឹងថា ក្រុមហ៊ុនបានស្នើសុំប្រតិបត្តិការហោះហើរក្នុងស្រុកជាជំហានដំបូង ខណៈដែលការសាងសង់ហេដ្ឋារចនាសម្ព័ន្ធនានានៅក្នុងអាកាសយានដ្ឋានស្ទើរតែបញ្ចប់ ១០០%។
លោក ស៊ិន ចាន់សិរីវុត្ថា បានគូសបញ្ជាក់ថា តាមការចុះពិនិត្យពីមន្រ្តីជំនាញ អាកាសយានដ្ឋានតារាសាគរមានលក្ខណៈបច្ចេកទេសគ្រប់គ្រាន់ក្នុងការធ្វើប្រតិបត្តិការហោះហើរក្នុងស្រុក។ ជំហានបន្ទាប់ទៀត ក្រុមហ៊ុនត្រូវតែបន្តនីតិវិធីដោយត្រូវស្នើសុំវិញ្ញាបនបត្រពីអាកាសចរណ៍ស៊ីវិលជាចាំបាច់បន្តទៀត ដើម្បីអាចឈានទៅរកបើកការហោះហើរកម្រិតមធ្យម កម្រិតធំ និងជាលក្ខណះអន្តរជាតិ។
![](https://www.kampucheathmey.com/wp-content/uploads/2024/07/449310389_8108827245815294_82354937619527049_n-1024x768.jpg)
ក្រោមការវិនិយោគដោយក្រុមហ៊ុនចិន Union Development Group (UDG) អាកាសយានដ្ឋានតារាសាគរបានពន្យារពេលបញ្ចប់គម្រោងម្តងហើយម្តងទៀត ដែលដំបូងឡើយគ្រោងដាក់ឲ្យដំណើរការនៅឆ្នាំ ២០២១។
ក្រុមហ៊ុន Union Development Group (UDG) បានទទួលបានដីសម្បទានពីរដ្ឋាភិបាលវិនិយោគអាកាសយានដ្ឋានតារាសាគរតម្លៃជាង ៣០០ លានដុល្លារ នៅស្រុកបុទុមសាគរ ក្នុងខេត្តកោះកុង។
អាកាសយានដ្ឋានថ្មីនេះ មានផ្លូវយន្តហោះចុះប្រវែង ៣២០០ ម៉ែត្រ ទទឹង ៦០ ម៉ែត្រ ដែលមានសមត្ថភាពអាចទទួលយន្តហោះប្រភេទ A-350-900 និង Boeing 777 ជាដើម។
តាមមន្រ្តីអាកាសចរស៊ីវិល ស្ថិតិអ្នកដំណើរតាមផ្លូវអាកាសចេញចូលប្រទេសកម្ពុជាគិតត្រឹមបំណាច់ខែ ឧសភា ឆ្នាំ ២០២៤ មានចំនួនប្រហែល ២,៦ លាននាក់។ រយៈពេលពីរខែចុងក្រោយ (បើធៀបខែឧសភានិងមេសា) ចំនួនទេសចរតាមផ្លូវអាកាសបានថយចុះ ៨%៕
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ២ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានជាតិ១ សប្តាហ៍ ago
អភិបាលខេត្តជើងខ្លាំង៤រូប នៅរក្សាតំណែង ខណៈអភិបាល៤រូបទៀត របូតតំណែងនេះ
-
ព័ត៌មានអន្ដរជាតិ១ សប្តាហ៍ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ៥ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
សន្តិសុខសង្គម៧ ថ្ងៃ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
ព័ត៌មានជាតិ១ សប្តាហ៍ ago
ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា
-
សន្តិសុខសង្គម១ សប្តាហ៍ ago
ព័ត៌មានបឋម៖ អគ្គិភ័យកំពុងឆេះផ្ទះពលរដ្ឋនៅខណ្ឌទួលគោក
-
ព័ត៌មានជាតិ៧ ថ្ងៃ ago
បញ្ចេញបញ្ជីឈ្មោះគ្រឹះស្ថានធនាគារ និងហិរញ្ញវត្ថុស្របច្បាប់នៅកម្ពុជា បញ្ចៀសពលរដ្ឋកុំប្រើសេវាក្រៅផ្លូវការនាំហានិភ័យខ្ពស់