ព័ត៌មានជាតិ
មន្ត្រីជំនាញខេត្តព្រះវិហារប្រមូលទិញដក់ដឿពីពលរដ្ឋ ដើម្បីកម្ចាត់ដង្កូវហ្វូងពីស្រែ
មន្ត្រីជំនាញ នៃមន្ទីរកសិកម្មរុក្ខាប្រមាញ់ និងនេសាទខេត្តព្រះវិហារ ប្រមូលទិញសត្វដង្កូវដែលក្លាយជាដក់ដឿ ដែលពលរដ្ឋរុករកនៅតាមស្រែចម្ការ ក្នុងតម្លៃ១គីឡូក្រាម ១ម៉ឺនរៀល ដើម្បីកាត់បន្ថយកុំឱ្យមានការរីករាលដាលដង្កូវតទៅទៀត និងបំផ្លាញស្រែពលរដ្ឋ។
![](https://www.kampucheathmey.com/wp-content/uploads/2024/07/image-85-619x1024.png)
លោកពឹង ទ្រីដា ប្រធានមន្ទីរកសិកម្មរុក្ខាប្រមាញ់ និងនេសាទខេត្តព្រះវិហារ បានឲ្យដឹងនៅរសៀលថ្ងៃទី១ ខែកក្កដាឆ្នាំ២០២៤ ថា ដើម្បីកាត់បន្ថយការបំផ្លាញពីដង្កូវហ្វូង ជំនាន់ទី២បន្តទៀត មន្ទីរកសិកម្មរុក្ខាប្រមាញ់ និងនេសាទខេត្តព្រះវិហារ កំពុងបើកយុទ្ឋនាការប្រមូលទិញដក់ដឿ ក្នុង១គីឡូក្រាម តម្លៃ ១ម៉ឺនរៀលពីប្រជាពលរដ្ឋ ដើម្បីយកមកឱ្យមន្ត្រីកសិកម្មស្រុក ឬអាជ្ញាធរមូលដ្ឋាន នោះពួកគាត់នឹងទូទាត់ប្រាក់ជូន។ សូមចូលរួមទាំងអស់គ្នាដើម្បីកម្ចាត់ដង្កូវហ្វូងពីស្រែពលរដ្ឋ អាចទាក់ទងបន្ថែមបានតាមទូរសព្ទ ០៩៧ ៣ ៤៩០ ០៤០។
![](https://www.kampucheathmey.com/wp-content/uploads/2024/07/image-86-682x1024.png)
លោកបន្តថា ការប្រមូលទិញដង្កូវដួងនេះ គឺដើម្បីកាត់បន្ថយកុំឱ្យការរីករាលដាលដង្កូវតទៅទៀត។ព្រោះបើវាវិវត្តទៅជាមេអំបៅហើយ វាអាចក្លាយទៅជាដង្កូវវិញ។ ដូច្នេះមន្ត្រីជំនាញកំពុងធ្វើការងារនេះយ៉ាងយកចិត្តទុកដាក់។ លោកបន្តថា រហូតមកដល់ថ្ងៃនេះ មន្ទីរកសិកម្មរុក្ខាប្រមាញ់ និងនេសាទខេត្តព្រះវិហារ នៅតែបន្តទទួលទិញដក់ដឿពីពលរដ្ឋដែលរុករកពីស្រែចម្ការរបស់ពួកគាត់ដដែល។
លោកពឹង ទ្រីដា បញ្ជាក់ថា នៅខេត្តព្រះវិហារ បញ្ហាកង្វល់រឿងដង្កូវហ្វូងបានធូរស្រាលឡើងវិញហើយដោយសារតែដំណាំកសិកម្មរបស់ពលរដ្ឋត្រូវបានមន្ត្រីជំនាញ និងអាជ្ញាធរជួយស្រោចស្រង់ឡើងវិញប្រមាណជាង៩០% ហើយ៕
ដោយ៖ជុន កុសល
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានជាតិ១ សប្តាហ៍ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ១ សប្តាហ៍ ago
អភិបាលខេត្តជើងខ្លាំង៤រូប នៅរក្សាតំណែង ខណៈអភិបាល៤រូបទៀត របូតតំណែងនេះ
-
ព័ត៌មានអន្ដរជាតិ៧ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ៤ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
សន្តិសុខសង្គម៦ ថ្ងៃ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
សន្តិសុខសង្គម១ សប្តាហ៍ ago
ព័ត៌មានបឋម! ជនមិនស្គាល់មុខចាក់សម្លាប់យុវជនម្នាក់នៅផ្ទះជួលជាន់ទី៣
-
ព័ត៌មានជាតិ៧ ថ្ងៃ ago
ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា