ព័ត៌មានជាតិ
ក្រសួងអប់រំ ប្រជុំជួយគាំទ្រសាលាក្នុងតំបន់រុនតាឯក ១៣ ចំណុច
បណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានដឹកនាំក្រុមការងារ ក្នុងកិច្ចប្រជុំ ស្តីពី ការជួយគាំទ្រសាលាក្នុងតំបន់រុនតាឯក ដោយមានការចូលរួមពី ថ្នាក់ដឹកនាំក្រសួង និងអង្គភាពពាក់ព័ន្ធក្រោមឱវាទ។
![](https://www.kampucheathmey.com/wp-content/uploads/2024/07/449705846_874926534660771_3982939503569537604_n-1024x724.jpg)
កិច្ចប្រជុំនេះរៀបចំ នារសៀលថ្ងៃទី០១ ខែកក្កដា ឆ្នាំ២០២៤ នៅទីស្តីការក្រសួង ក្នុងគោលបំណង ដើម្បីដោះស្រាយ និងឆ្លើយតបទៅលើបញ្ហាចំនួន ១៣ ចំណុចដូចជា៖
![](https://www.kampucheathmey.com/wp-content/uploads/2024/07/449446756_874926614660763_8842264167126020865_n-1024x683.jpg)
១. ពិនិត្យមើលស្ថានភាពគ្រូជាប់កិច្ចសន្យា ២. ការផ្តល់សម្ភារឧបទេសដល់សាលា ៣. បំពាក់ឧបករណ៍អ៊ិនធឺណិត ៤. ផ្តល់សៀវភៅគោលសិក្សាគ្រប់កម្រិតដល់សាលា ៥. ផ្តល់ជាអាហារូបករណ៍ដល់សិស្ស ៦. រៀបចំកម្មវិធីផ្តល់អាហារតាមសាលារៀនសម្រាប់សាលាបឋមសិក្សារុនតាឯក ៧. ប្រែក្លាយវិទ្យាល័យរុនតាឯក ទៅជាវិទ្យាល័យចំណេះទូទៅ និងអប់រំបច្ចេកទេស ហ៊ុន សែន រុនតាឯក ៨. បញ្ចូលសាលាទៅជាប្រព័ន្ធគម្រោង GEIP ផ្តល់សៀវភៅ និងកញ្ចប់អំណានដំបូង គណិតដំបូង និងសម្ភារឧបទេស និងការបណ្តុះបណ្តាលផ្សេងៗ ៩. បង្កើតកម្មវិធីបំណិនជីវិត និងបំណិនកសិកម្ម ១០. បង្កើតកម្មវិធីសាលាដៃគូ ជាមួយគ្រឹះស្ថានឧត្តមសិក្សារដ្ឋ និងឯកជន ១១. បង្កើតក្រុមការងារចុះជួយជាប្រចាំជារៀងរាល់ខែ ១២. បង្កើតកម្មវិធីប្រឹក្សាអាជីព និង ១៣. លើកកម្ពស់សុខភាពសិក្សា។
![](https://www.kampucheathmey.com/wp-content/uploads/2024/07/449529507_874926357994122_1130341391153163911_n-1024x683.jpg)
ក្នុងឱកាសនេះ បណ្ឌិតសភាចារ្យ ឧបនាយករដ្ឋមន្ត្រី បានលើកទឹកចិត្តឱ្យក្រុមការងារចុះជួយពិនិត្យមើលស្ថានភាពជាក់ស្តែង និងគាំទ្រទៅតាមលទ្ធភាពពាក់ព័ន្ធទៅលើប្រព័ន្ធបច្ចេកវិទ្យា ក៏ដូចជាធ្វើរបាយការណ៍ឱ្យបានច្បាស់លាស់នៅពេលចុះពិនិត្យដើម្បីងាយស្រួលក្នុងការតាមដាន និងវាយតម្លៃទៅលើបញ្ហាផ្សេងៗ និងជាក់ស្ដែង។
![](https://www.kampucheathmey.com/wp-content/uploads/2024/07/449700656_874926354660789_1693676277181439916_n-1024x683.jpg)
គួររម្លឹកថា ដើមឆ្នាំ២០២៤ នេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា បានចេញអនុក្រឹត្យស្ដីពីការបង្កើត «ក្រុងរុនតាឯកតេជោសែន» នៃខេត្តសៀមរាប ដោយកាត់យកឃុំរុនតាឯក ពីស្រុកបន្ទាយស្រី និងឃុំបល្ល័ង្ក ពីស្រុកបាសាទបាគង ដោយរាជរដ្ឋាភិបាល បានកំណត់ថា ក្រុងរុនតាឯកតេជោសែន មានសង្កាត់ចំនួន២ គឺសង្កាត់រុនតាឯក និងសង្កាត់បល្ល័ង្ក។
![](https://www.kampucheathmey.com/wp-content/uploads/2024/07/b-1-1024x730.jpg)
គួរបញ្ជាក់ថា រុនតាឯក ជាភូមិសាស្ត្រមួយស្ថិតក្នុងស្រុកបន្ទាយស្រី។ ភូមិសាស្ត្រនេះ ត្រូវបានជ្រើសរើសជាភូមិឋានថ្មី សម្រាប់ប្រជាពលរដ្ឋដែលផ្លាស់ចេញពីតំបន់រមណីយដ្ឋានអង្គរ។ ការរៀបចំផ្លាស់ទីប្រជាពលរដ្ឋ ចេញពីដីរមណីយដ្ឋានអង្គរ គឺជាកិច្ចការដ៏ចាំបាច់បំផុត ក្នុងការបំពេញតាមលក្ខខណ្ឌអង្គការយូណេស្កូ ជាពិសេសការពារតម្លៃជាសកលនៃរមណីយដ្ឋានអង្គរ បន្តស្ថិតក្នុងបញ្ជីបេតិកភណ្ឌពិភពលោក៕
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ២៣ ម៉ោង ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានជាតិ១ សប្តាហ៍ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ៧ ថ្ងៃ ago
អភិបាលខេត្តជើងខ្លាំង៤រូប នៅរក្សាតំណែង ខណៈអភិបាល៤រូបទៀត របូតតំណែងនេះ
-
ព័ត៌មានអន្ដរជាតិ៧ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ៤ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
សន្តិសុខសង្គម៦ ថ្ងៃ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
សន្តិសុខសង្គម១ សប្តាហ៍ ago
ព័ត៌មានបឋម! ជនមិនស្គាល់មុខចាក់សម្លាប់យុវជនម្នាក់នៅផ្ទះជួលជាន់ទី៣
-
ព័ត៌មានជាតិ៧ ថ្ងៃ ago
ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា