ព័ត៌មានជាតិ
ក្រោយតុលាការប្រកាសសាលក្រមភ្លាម សមត្ថកិច្ចឃាត់ខ្លួនក្រុមសកម្មជនមាតាធម្មជាតិ៤នាក់
មិនបង្អង់យូរឡើយ បន្ទាប់ពីតុលាការប្រកាសសាលក្រមនៅព្រឹកថ្ងៃទី០២ ខែកក្កដា ឆ្នាំ២០២៤នេះ ភ្លាមៗសមត្ថកិច្ច បានចាប់ឃាត់ខ្លួនមនុស្ស៤នាក់ដែលជាសកម្មជនក្រុមមាតាធម្មជាតិ។ សកម្មជនទាំង៤នាក់ ក្នុងចំណោម១០នាក់ ដែលសមត្ថកិច្ចឃាត់ខ្លួន រួមមាន ទី១ឈ្មោះ លី ចាន់ដារ៉ាវុត ភេទប្រុស ទី២ឈ្មោះ ភួន កែវរស្មី ភេទស្រី ទី៣ ឡុង គន្ធា ភេទស្រី និងទី៤ ឈ្មោះ ថុន រដ្ឋា ភេទប្រុស ។
![](https://www.kampucheathmey.com/wp-content/uploads/2024/07/image-116-1024x584.png)
ការចាប់ឃាត់ខ្លួននេះធ្វើឡើងភ្លាមៗ បន្ទាប់ពីតុលាការប្រកាសសាលក្រមលើសំណុំរឿង រួមគំនិតក្បត់ និងប្រមាថព្រះមហាក្សត្រលើជនចាប់ចោទ១០នាក់។
គួរឱ្យដឹងថា កាលពីខែមិថុនា ឆ្នាំ២០២១ តុលាការបានចោទប្រកាន់ជនសង្ស័យចំនួន៦នាក់រួមមាន ជនសង្ស័យ ថុន រដ្ឋា ទី២ ជនសង្ស័យ ភួន កែវរស្មី ទី៣ជនសង្ស័យ យីម លាងហ៊ី ទី៤ជនសង្ស័យ ឡុង គន្ធា ទី៥ជនសង្ស័យ លី ចាន់ដារ៉ាវុត និងទី៦ជនសង្ស័យ ស៊ុន រដ្ឋា ពីបទរួមគំនិតក្បត់ និងប្រមាថព្រះមហាក្សត្រ។
![](https://www.kampucheathmey.com/wp-content/uploads/2024/07/image-117-1024x594.png)
សម្រាប់សាលក្រម ដែលប្រកាសនៅព្រឹកថ្ងៃទី០២ ខែកក្កដា នេះ គឺតុលាការសម្រេចផ្ដន្ទាទោសឱ្យជាប់ពន្ធនាគាររយៈពេល០៨ឆ្នាំ និងពិន័យជាប្រាក់ចំនួន១០លានរៀល លើជនចាប់ចោទ Alex Gonzalez-Davidson សហស្ថាបនិកអង្គការមាតាធម្មជាតិ, ជនជាប់ចោទ យឹម លាងហ៊ី និងជនជាប់ចោទ ស៊ុន រដ្ឋា ពីបទប្រមាថព្រះមហាក្សត្រ និងរួមគំនិតក្បត់។
តុលាការ ក៏សម្រេចផ្ដន្ទាទោសលើជនជាប់ចោទ៧នាក់ទៀត ឱ្យជាប់ពន្ធនាគារ៦ឆ្នាំ ពីបទរួមគំនិតក្បត់ រួមមានជនជាប់ចោទ ថុន រដ្ឋា ជាប់ចោទ លី ចាន់ដារ៉ាវុត ជាប់ចោទ ភួន កែវរស្មី ជាប់ចោទ ឡុង គន្ធា និងជាប់ចោទប្រាំនាក់ដទៃទៀត។
![](https://www.kampucheathmey.com/wp-content/uploads/2024/07/image-118-1024x577.png)
ក្រោយប្រកាសសាលក្រមនេះ តុលាការក៏បញ្ជាឱ្យចាប់ខ្លួនពិរុទ្ធជនទាំងអស់ផងដែរ ប៉ុន្តែភ្លាមៗសមត្ថកិច្ចចាប់ខ្លួនបានចំនួន៤នាក់ នៅមុខសាលាដំបូងរាជធានីភ្នំពេញ៕
ដោយ៖ ង៉ិល ណារ៉ាត់
![](https://www.kampucheathmey.com/wp-content/uploads/2024/07/image-120-1024x578.png)
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ២ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានជាតិ១ សប្តាហ៍ ago
អភិបាលខេត្តជើងខ្លាំង៤រូប នៅរក្សាតំណែង ខណៈអភិបាល៤រូបទៀត របូតតំណែងនេះ
-
ព័ត៌មានអន្ដរជាតិ១ សប្តាហ៍ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ៥ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
សន្តិសុខសង្គម៧ ថ្ងៃ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
ព័ត៌មានជាតិ១ សប្តាហ៍ ago
ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា
-
សន្តិសុខសង្គម១ សប្តាហ៍ ago
ព័ត៌មានបឋម៖ អគ្គិភ័យកំពុងឆេះផ្ទះពលរដ្ឋនៅខណ្ឌទួលគោក
-
ព័ត៌មានជាតិ៧ ថ្ងៃ ago
បញ្ចេញបញ្ជីឈ្មោះគ្រឹះស្ថានធនាគារ និងហិរញ្ញវត្ថុស្របច្បាប់នៅកម្ពុជា បញ្ចៀសពលរដ្ឋកុំប្រើសេវាក្រៅផ្លូវការនាំហានិភ័យខ្ពស់