ព័ត៌មានជាតិ
អ្នកនាំពាក្យក្រសួងការពារជាតិ ទាត់ចោលការផ្សាយថា នៅមូលដ្ឋានសមុទ្ររាមចែកតំបន់មូលដ្ឋានឱ្យនាវាយោធាចិន
ឆ្លើយតបចំពោះការចុះផ្សាយថា នៅមូលដ្ឋានសមុទ្ររាម បានចែកតំបន់មូលដ្ឋានសម្រាប់នាវាយោធាចិន ត្រូវបានអ្នកនាំពាក្យក្រសួងការពារជាតិ ចេញមកបញ្ជាក់ថា មិនមែនជាការពិតឡើយ។ អ្នកនាំពាក្យ ចាត់ទុកការផ្សាយបែបនេះ គឺជាចេតនាបង្កឱ្យមានការភាន់ច្រឡំមកលើរាជរដ្ឋាភិបាល ក៏ដូចជាក្រសួងការពារជាតិកម្ពុជា។
![](https://www.kampucheathmey.com/wp-content/uploads/2024/07/image-155-1024x503.png)
លោកនាយឧត្តមសេនីយ៍ ឈុំ សុជាត រដ្ឋលេខាធិការ និងជាអ្នកនាំពាក្យក្រសួងការពារជាតិ បានបញ្ជាក់យ៉ាងដូច្នេះថា៖ «ខ្ញុំសូមច្រានចោលទាំងស្រុងចំពោះការផ្សព្វផ្សាយថា នៅមូលដ្ឋានសមុទ្ររាមកងទ័ពជើងទឹកកម្ពុជា មានការបែងចែកតំបន់មូលដ្ឋានសម្រាប់នាវាយោធាចិនផ្សេង និងតំបន់មូលដ្ឋាននាវាយោធាកម្ពុជា។ ការផ្សព្វផ្សាយបែបនេះ ជាចេតនាបង្កឱ្យមានការភាន់ច្រឡំ ហើយមិនមែនជាការពិតនោះឡើយ»។ នាយឧត្តមសេនីយ៍ ឈុំ សុជាត បញ្ជាក់បន្ថែមថា នៅមូលដ្ឋានសមុទ្ររាមកងទ័ពជើងទឹកកម្ពុជា កំពុងធ្វើការអភិវឌ្ឍជាបន្តបន្ទាប់ ដោយក្នុងនោះមានតំបន់ខ្លះកំពុងសាងសង់ ដែលតម្រូវឱ្យមានការហាមឃាត់មិនឱ្យមានចេញចូលនោះឡើយ ដែលនេះជាកិច្ចការសម្ងាត់របស់កងទ័ព ស្របតាមច្បាប់របស់កម្ពុជា។
ពាក់ព័ន្ធនឹងការផ្សាយចោទប្រកាន់លើវត្តមាននាវាយោធា២គ្រឿងរបស់ចិននៅមូលដ្ឋានសមុទ្ររាមកងទ័ពជើងទឹកកម្ពុជា ត្រូវបានអ្នកនាំពាក្យក្រសួងការពារជាតិរូបនេះ បញ្ជាក់ឱ្យដឹងដែរថា នាវាយោធាចិន២គ្រឿង ដែលបានចូលចតនៅមូលដ្ឋានសមុទ្ររាមកងទ័ពជើងទឹកកម្ពុជានោះ គឺទើបតែមកដល់នាថ្មីៗនេះប៉ុណ្ណោះ មិនមែនចូលចតរយៈពេលជាងកន្លះឆ្នាំនោះឡើយ ហើយនេះជានាវាផ្លាស់ប្តូរវេនជាមួយនឹងនាវាយោធាចិនកន្លងទៅ តាមកិច្ចព្រមព្រៀងរវាងក្រសួងការពារជាតិនៃប្រទេសទាំងពីរ កម្ពុជា-ចិន ដើម្បីមកបណ្តុះបណ្តាលជំនាញបច្ចេកទេសអំពីការប្រើប្រាស់នាវាដល់កងទ័ពជើងទឹកកម្ពុជា។
![](https://www.kampucheathmey.com/wp-content/uploads/2024/07/image-156-edited.png)
ការចេញមកបញ្ជាក់របស់អ្នកនាំពាក្យក្រសួងការពារជាតិកម្ពុជាខាងលើ គឺជាឆ្លើយតបនឹងការចុះផ្សាយរបស់សារព័ត៌មាន The Wall Street Journal កាលពីថ្ងៃទី០១ ខែកក្កដា ឆ្នាំ២០២៤ ដោយបានចោទប្រកាន់លើវត្តមាននាវាយោធា២ គ្រឿងរបស់ចិននៅមូលដ្ឋានសមុទ្ររាមកងទ័ពជើងទឹកកម្ពុជា។ ការផ្សាយចោទប្រកាន់លើវត្តមានយោធាចិននៅមូលដ្ឋានសមុទ្ររាមនេះ មិនមែនជាលើកទី១ឡើយ ជារឿយៗ ទាំងក្រុមប្រឆាំងនៅក្រៅប្រទេស ទាំងសារព័ត៌មានបរទេស ក៏ដូចជាប្រទេសមហាអំណាចមួយចំនួន គឺតែងតែព្យាយាមចោទប្រកាន់មកលើកម្ពុជា ថា បានអនុញ្ញាតឱ្យមានមូលដ្ឋានយោធាចិននៅលើទឹកដីរបស់ខ្លួន។
ការចោទប្រកាន់ទាំងនេះ ក៏ត្រូវបានថ្នាក់ដឹកនាំជាន់ខ្ពស់របស់កម្ពុជា ធ្លាប់បានបកស្រាយ និងបំភ្លឺជាច្រើនលើកច្រើនសារក៏ដោយ ថែមទាំងអនុញ្ញាតឱ្យអនុព័ន្ធយោធាបណ្ដាប្រទេសនានាចុះទៅពិនិត្យនៅមូលដ្ឋានសមុទ្ររាមទៀត ក៏បញ្ហានេះនៅតែជាមន្ទិលសង្ស័យពីសំណាក់ប្រទេសមហាអំណាច។ កន្លងទៅ សម្ដេចតេជោ ហ៊ុន សែន អតីតនាយករដ្ឋមន្ត្រីកម្ពុជា អតីតប្រមុខការពារជាតិ សម្ដេច ទៀ បាញ់ និងអតីតប្រមុខការបរទេស លោក ប្រាក់ សុខុន សុទ្ធតែបានបញ្ជាក់នូវការប្រកាន់យ៉ាងខ្ជាប់ខ្ជួនរបស់កម្ពុជាចំពោះរដ្ឋធម្មនុញ្ញរបស់ខ្លួន ដែលមិនអនុញ្ញាតឱ្យមានមូលដ្ឋាន ឬវត្តមានកងទ័ពបរទេសណាមួយនៅលើទឹកដីកម្ពុជាឡើយ។
![](https://www.kampucheathmey.com/wp-content/uploads/2024/07/image-158-1024x682.png)
រាជរដ្ឋាភិបាលបច្ចុប្បន្ន ដឹកនាំដោយសម្តេចធិបតី ហ៊ុន ម៉ាណែត ក៏បានបញ្ជាក់ដូចគ្នានេះដែរ ដោយសម្តេចធិបតី ហ៊ុន ម៉ាណែត បានបញ្ជាក់ថា រដ្ឋធម្មនុញ្ញកម្ពុជា មិនអនុញ្ញាតឱ្យមូលដ្ឋានទ័ពបរទេសនៅលើទឹកដីខ្លួនទេ ហើយកម្ពុជាគ្មានមហិច្ឆតា ឬគ្មានគោលគំនិត ហើយគ្មានភាពក្លាហាន ក្នុងការប្រឆាំងរដ្ឋធម្មនុញ្ញខ្លួនឯងនោះទេ។ សម្ដេចធិបតី ក៏បានបញ្ជាក់ពីមិនឱ្យប្រើប្រាស់ប្រទេសកម្ពុជាជាមូលដ្ឋានប្រឆាំងនឹងប្រទេសណាមួយទេ កុំថាដល់មូលដ្ឋានទ័ព សូម្បីតែធ្វើសកម្មភាពផ្សេងៗប្រឆាំងប្រទេសណាមួយក៏កម្ពុជាមិនឱ្យនោះដែរ៕
![](https://www.kampucheathmey.com/wp-content/uploads/2024/07/image-157-1024x682.png)
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ២ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
សន្តិសុខសង្គម១ សប្តាហ៍ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
ព័ត៌មានជាតិ៥ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានជាតិ១ សប្តាហ៍ ago
ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា
-
ព័ត៌មានជាតិ១ សប្តាហ៍ ago
បញ្ចេញបញ្ជីឈ្មោះគ្រឹះស្ថានធនាគារ និងហិរញ្ញវត្ថុស្របច្បាប់នៅកម្ពុជា បញ្ចៀសពលរដ្ឋកុំប្រើសេវាក្រៅផ្លូវការនាំហានិភ័យខ្ពស់
-
ព័ត៌មានជាតិ៤ ថ្ងៃ ago
ក្រុមអភិវឌ្ឍន៍សង្កាត់ទឹកល្អក់ទី៣ ខិតខំប្ដូរលូតូចចេញ ដាក់លូធំជាងមុន ដើម្បីបញ្ជៀសទឹកឲ្យបានលឿន
-
ព័ត៌មានជាតិ៦ ថ្ងៃ ago
សម្ដេចធិបតី៖ ក្រុមហ៊ុនចិន BYD គ្រោងដាក់ទុនរៀបចំផលិតរថយន្តនៅកម្ពុជា
-
កីឡា១ សប្តាហ៍ ago
U20បាល់ទះកម្ពុជា មិនអាចឡើងវគ្គចែកពូលជើងឯកអាស៊ីបានឡើយ បន្ទាប់ពីចាញ់វៀតណាម