ព័ត៌មានជាតិ
អភិបាលខេត្តកំពង់ចាម ឱ្យទប់ស្កាត់អាណាធិបតេយ្យ ពេលដេញថ្លៃគម្រោងមូលនិធិឃុំ-សង្កាត់
លោក អ៊ុន ចាន់ដា អភិបាលខេត្តំពង់ចាម បានដាក់បទបញ្ជាឱ្យកម្លាំងអាវុធហត្ថខេត្តចុះអន្តរាគមន៍រាល់ការដេញថ្លៃគម្រោងមូលនិធិឃុំ-សង្កាត់ ដើម្បីទប់ស្កាត់បញ្ហាអាណាធិបតេយ្យ បន្ទាប់ពីមានអ្នកទទួលការមួយចំនួនបង្កការអុកឡុកក្នុងអំឡុងពេលដំណើរការដាក់ដេញថ្លៃ។
![](https://www.kampucheathmey.com/wp-content/uploads/2024/07/photo_2024-07-03_13-14-32-1024x682.jpg)
ថ្លែងបែបនេះ ធ្វើឡើងក្នុងកិច្ចប្រជុំត្រួតពិនិត្យរបាយការណ៍បូកសរុបលទ្ធផលការងារថ្នាក់ជាតិ ចុះមូលដ្ឋាន ប្រចាំឆមាសទី១ ឆ្នាំ២០២៤ និងទិសដៅអនុវត្តបន្ត និងរបាយការណ៍ ស្តីពី ការគ្រប់គ្រងរដ្ឋបាល ការរៀបចំផែនការ ថែរក្សាសន្តិសុខ សណ្តាប់ធ្នាប់សាធារណៈ និងការអភិវឌ្ឍមូលដ្ឋាន នាព្រឹកថ្ងៃទី៣ ខែកក្កដា ឆ្នាំ២០២៤។
![](https://www.kampucheathmey.com/wp-content/uploads/2024/07/photo_2024-07-03_13-14-33-2-1024x682.jpg)
ដើម្បីធានាការដេញថ្លៃគម្រោងមូលិធិឃុំ-សង្តាត់ ឱ្យដំណើរការរលូន លោក អ៊ុន ចាន់ដា អភិបាលខេត្តកំពង់ចាម បានណែនាំដល់មន្ត្រីពាក់ព័ន្ធ ធ្វើយ៉ាងណាឱ្យការដេញថ្លៃគម្រោងមូលនិធិឃុំ-សង្កាត់ ត្រូវតែធ្វើឡើងជាសាធារណៈ នៅចំពោះមុខអ្នកចូលរួមដេញថ្លៃទាំងអស់ ដើម្បីតម្លាភាព គណនេយ្យភាព និងជៀសវាងដាច់ខាតនូវភាពអនាធិបតេយ្យ ក្នុងអំឡុងពេលដំណើរការអនុវត្តនីតិវិធី នៃការដេញថ្លៃ ជាពិសេសត្រូវលុបបំបាត់ឱ្យខានតែបាន ចំពោះជនឆ្លៀតឱកាសចាំយកលុយទឹកតែ ពោលគឺត្រូវលុបបំបាត់នូវភាពអសកម្មទាំងឡាយ ដើម្បីធ្វើការពង្រីកសមិទ្ធផលក្នុងមូលដ្ឋានកាន់តែច្រើនឡើង។
![](https://www.kampucheathmey.com/wp-content/uploads/2024/07/photo_2024-07-03_13-14-35-1024x768.jpg)
ទន្ទឹមពេលជាមួយគ្នានោះដែរ លោក អភិបាលខេត្តកំពង់ចាម ក៏បានណែនាំដល់មន្ទីរព័ត៌មានខេត្តកំពង់ចាម ត្រូវធ្វើលិខិតបេសកកម្ម ឱ្យអ្នកសារព័ត៌មានចេញពីមន្ទីរព័ត៌មានខេត្ត ចុះទៅយកព័ត៌មានដោយផ្ទាល់ ពេលដំណើរការដេញថ្លៃគម្រោងមូលនិធិឃុំ-សង្កាត់ តាមចំនួនមានការកំណត់ ធ្វើយ៉ាងណាត្រូវជៀសវាងនូវភាពរញ៉េរញ៉ៃ។
![](https://www.kampucheathmey.com/wp-content/uploads/2024/07/photo_2024-07-03_13-14-34-1024x682.jpg)
គួរបញ្ជាក់ថា ក្នុងកិច្ចប្រជុំនេះ លោក អ៊ុន ចាន់ដា បានដឹកនាំមន្ត្រីពាក់ព័ន្ធត្រួតពិនិត្យលើទម្រង់របាយការណ៍របស់ក្រសួងមហាផ្ទៃ និងរបាយការណ៍របស់រដ្ឋបាលខេត្ត ស្តីពី ការគ្រប់គ្រងរដ្ឋបាល ការរៀបចំផែនការថែរក្សា សន្តិសុខសណ្តាប់ធ្នាប់សាធារណៈ និងការអភិវឌ្ឍមូលដ្ឋានរបស់រដ្ឋបាលខេត្តកំពង់ចាម ចាប់ពីខែកញ្ញា ២០២៣ ដល់ថ្ងៃ ទី៣០ ខែមិថុនា ឆ្នាំ២០២៤៕
អត្ថបទ និងរូបភាព៖ ឡេក ចាន់ពេជ្រ
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ២ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានអន្ដរជាតិ១ សប្តាហ៍ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
សន្តិសុខសង្គម១ សប្តាហ៍ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
ព័ត៌មានជាតិ៥ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានជាតិ១ សប្តាហ៍ ago
ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា
-
ព័ត៌មានជាតិ១ សប្តាហ៍ ago
បញ្ចេញបញ្ជីឈ្មោះគ្រឹះស្ថានធនាគារ និងហិរញ្ញវត្ថុស្របច្បាប់នៅកម្ពុជា បញ្ចៀសពលរដ្ឋកុំប្រើសេវាក្រៅផ្លូវការនាំហានិភ័យខ្ពស់
-
ព័ត៌មានជាតិ៤ ថ្ងៃ ago
ក្រុមអភិវឌ្ឍន៍សង្កាត់ទឹកល្អក់ទី៣ ខិតខំប្ដូរលូតូចចេញ ដាក់លូធំជាងមុន ដើម្បីបញ្ជៀសទឹកឲ្យបានលឿន
-
ព័ត៌មានជាតិ៦ ថ្ងៃ ago
សម្ដេចធិបតី៖ ក្រុមហ៊ុនចិន BYD គ្រោងដាក់ទុនរៀបចំផលិតរថយន្តនៅកម្ពុជា