ព័ត៌មានជាតិ
ខេត្តបាត់ដំបងរៀបចំធ្វើសួនច្បារថ្មី រក្សាទុកខ្លោងទ្វារចាស់កណ្ដាលទ្រូងផ្លូវ ដោយសារជឿមានបារមី
ខ្លោងទ្វារដំណាក់ហ្លួងដែលប្រជាពលរដ្ឋមានជំនឿថា មានបារមីខ្លាំងពូកែត្រូវបានរដ្ឋបាលខេត្តបាត់ដំបងចាត់ឱ្យមន្ទីរជំនាញធ្វើការរៀបចំឲ្យទៅជាសួនច្បារនៅចំកណ្ដាលទ្រូងផ្លូវ ដោយពុះញែកផ្លូវជាពីរក្នុងគោលបំណងរក្សាខ្លោងទ្វារដ៏មានមហិទ្ធិរិទ្ធនេះឲ្យនៅក្នុងទម្រង់ដូចដើម។
![](https://www.kampucheathmey.com/wp-content/uploads/2024/07/IMG20240701130516-1024x578.jpg)
![](https://www.kampucheathmey.com/wp-content/uploads/2024/07/IMG20240624143101-1024x634.jpg)
ខ្លោងទ្វារដំណាក់ហ្លួងនេះ បានបន្សល់ទុកមករាប់រយឆ្នាំមកហើយ ដែលតាមប្រវត្តិកាលពីសម័យដើមមានបញ្ចុះអាថាន់ និងបារមីផ្សេងៗ ដែលរហូតមកទល់នឹងពេលនេះនៅតែមានបារមីខ្លាំងពូកែ ដែលកន្លងមកប្រជាពលរដ្ឋជិតឆ្ងាយតែងតែមកអុជធូប បែរបន់ដើម្បីសុំសេចក្តីសុខនិងលាភសក្ការៈផ្សេងៗទៅតាមបំណងប្រាថ្នារៀងៗខ្លួន។
ទីតាំងខ្លោងទ្វារដែលមានបារមីល្បីរន្ទឺនេះ ស្ថិតនៅលើកំណាត់អតីតផ្លូវជាតិលេខ ១០ ក្នុងភូមិដំណាក់ហ្លួង សង្កាត់វត្តគរ ក្រុងបាត់ដំបង ខេត្តបាត់ដំបង។
![](https://www.kampucheathmey.com/wp-content/uploads/2024/07/IMG20240624143124-1024x632.jpg)
កន្លងមកក្រុមការងារធ្វើផ្លូវបានឈូសឆាយប៉ះពាល់តែបន្តិចបន្តួច ក៏បានធ្វើឲ្យអ្នកបើកបរគ្រឿងចក្រមានបញ្ហាផ្សេងៗកើតឡើង ទើបអតីតអភិបាលខេត្តលោក ច័ន្ទ សុផល បានបញ្ជាឲ្យផ្អាកសកម្មភាព និងរក្សាខ្លោងទ្វារនេះឲ្យនៅដូចដើម ចាប់តាំងពីពេលនោះមក ដោយពុំមាននរណាម្នាក់ហ៊ានប៉ះពាល់ឬបំផ្លិចបំផ្លាញឡើយ។
ថ្មីៗនេះខាងមន្ទីរជំនាញ បានលើកស្លាកគំរូដោយមានរូបភាពបញ្ជាក់ថា ខ្លោងទ្វារនេះត្រូវរៀបចំធ្វើជាសួន (ពេទ្យពពីរ) ហើយពុះញែកផ្លូវសងខាង ដោយទុកសួនខ្លោងទ្វារនេះនៅចំកណ្ដាលទ្រូងផ្លូវ ដើម្បីរក្សាទុកឲ្យនៅសភាពដូចដើម និងជាទីសក្ការៈបូជារបស់ប្រជាពលរដ្ឋទូទៅផងដែរ សម្រាប់ក្នុងការបែរបន់សុំអ្វីផ្សេងៗទៅតាមបំណងប្រាថ្នារៀងៗខ្លួន៕
![](https://www.kampucheathmey.com/wp-content/uploads/2024/07/IMG20240624143133-1024x616.jpg)
អត្ថបទ៖ សោ និយមរ័ត្ន
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ២ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានអន្ដរជាតិ១ សប្តាហ៍ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
សន្តិសុខសង្គម១ សប្តាហ៍ ago
នគរបាលខណ្ឌព្រែកព្នៅ បញ្ជូនខ្លួនលោក ណុប សក្កដា ហៅគ្រូផេះគ្រូអង្កាមទៅតុលាការ
-
ព័ត៌មានជាតិ៥ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានជាតិ១ សប្តាហ៍ ago
ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា
-
ព័ត៌មានជាតិ១ សប្តាហ៍ ago
បញ្ចេញបញ្ជីឈ្មោះគ្រឹះស្ថានធនាគារ និងហិរញ្ញវត្ថុស្របច្បាប់នៅកម្ពុជា បញ្ចៀសពលរដ្ឋកុំប្រើសេវាក្រៅផ្លូវការនាំហានិភ័យខ្ពស់
-
ព័ត៌មានជាតិ៤ ថ្ងៃ ago
ក្រុមអភិវឌ្ឍន៍សង្កាត់ទឹកល្អក់ទី៣ ខិតខំប្ដូរលូតូចចេញ ដាក់លូធំជាងមុន ដើម្បីបញ្ជៀសទឹកឲ្យបានលឿន
-
ព័ត៌មានជាតិ៦ ថ្ងៃ ago
សម្ដេចធិបតី៖ ក្រុមហ៊ុនចិន BYD គ្រោងដាក់ទុនរៀបចំផលិតរថយន្តនៅកម្ពុជា