ព័ត៌មានជាតិ
ប្រធានគណៈកម្មការផ្សារអូរឬស្សី នឹងចាត់វិធានការលើភ្នាក់ងារភាស៊ីរូបណាទារលុយផ្ញើកង់ម៉ូតូលើសសៀវភៅបន្ទុក
លោក ឃួង ស្រេង អភិបាល នៃគណអភិបាលរាជធានីភ្នំពេញ បានណែនាំដល់ប្រធានគណកម្មការផ្សារទាំងអស់នៅក្នុងរាជធានីភ្នំពេញ ត្រូវអនុវត្តការយកភាស៉ីតម្លៃផ្ញើរកង់ ម៉ូតូ របស់ពលរដ្ឋឲ្យបានត្រឹមត្រូវតាមសៀវភៅបន្ទុក។ ដូច្នេះដើម្បីឆ្លើយតបទៅបទបញ្ជារបស់អភិបាលរាជធានី ប្រធានគណៈកម្មការផ្សារអូរឬស្សី នឹងចាត់វិធានការលើភ្នាក់ងារភាស៊ីរូបណា ដែលនៅប្រឹព្រឹត្តិសកម្មភាពទារលុយពីពលរដ្ឋលើការផ្ញើកង់ ឬម៉ូតូ លើសសៀវភៅបន្ទុក។

លោក ឡយ ស៊ានអាង ប្រធានគណៈកម្មការផ្សារអូរឬស្សី បានឱ្យដឹងថា កិច្ចការងារនេះ ក្នុងនាមលោកជាប្រធានគណៈកម្មការផ្សារ លោកតែងបានហៅភ្នាក់ងារភាស៊ីមកជួប និងធ្វើការណែនាំជារឿយៗ ក្នុងការអនុវត្តឱ្យមានប្រសិទ្ធិភាពតាមគោលការណ៍ណែនាំរបស់ថ្នាក់លើ និងសៀវភៅបន្ទុករបស់រដ្ឋ។ ព្រមទាំងបានណែនាំគ្រប់គោលដៅភាស៉ីទាំងអស់ត្រូវប្ដូរលុយរាយ សម្រាប់បង្វែរជូនទៅពលរដ្ឋវិញផងដែរ។
លោកបន្តថា បើពលរដ្ឋដែលអញ្ជើញមកផ្សារ គាត់ឱ្យតម្លៃផ្ញើយានយន្តរបស់គាត់លើសពីសៀវភៅបន្ទុក វាគឺជាមនោសញ្ចេតនាអាណិតស្រលាញ់របស់គាត់ជាមួយនឹងភ្នាក់ងារទទួលផ្ញើ ប៉ុន្តែបើភ្នាក់ងារទទួលបញ្ញើ ទារលុយពីគេលើសសៀវភៅបន្ទុក វាគឺជារឿងខុសច្បាប់ ដែលនឹងចាំបាច់ត្រូវមានវិធានការ។

គួររំលឹកថា កាលពីរសៀលថ្ងៃទី១ ខែកក្កដា ឆ្នាំ២០២៤ នៅសាលារាជធានីភ្នំពេញ លោក ឃួង ស្រេង អភិបាលរាជធានីភ្នំពេញ និងជាប្រធានគណៈបញ្ជាការឯកភាពរាជធានីភ្នំពេញ បានមានប្រសាសន៍ក្នុងកិច្ចប្រជុំគណៈបញ្ជាការឯកភាពរាជធានីភ្នំពេញ ថា ប្រធានគណៈគ្រប់គ្រងផ្សាររដ្ឋទាំង២៥នៅក្នុងរាជធានីភ្នំពេញ ឱ្យពិនិត្យមើល និងត្រូវមានវិធានការជាចាំបាច់ដោយមិនមានការលើកលែងនោះទេ ទៅលើក្រុមហ៊ុន និងភ្នាក់ងារភាស៊ីទាំងឡាយណា ដែលនៅតែបន្តការទទួលផ្ញើកង់ម៉ូតូ យកតម្លៃលើសពីសៀវភៅបន្ទុករបស់រដ្ឋ៕
អត្ថបទ៖ សុភា







-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១១ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ