ព័ត៌មានជាតិ
អ្នកនាំពាក្យ៖ ក្រសួងព័ត៌មានកំពុងបន្តធ្វើវិសោធនកម្មច្បាប់លើរបបសារព័ត៌មានឱ្យស្របតាមតម្រូវការបច្ចុប្បន្ន
អ្នកនាំពាក្យក្រសួងព័ត៌មាន លោក ទេព អស្នារិទ្ធ បានឱ្យកម្ពុជាថ្មី ដឹងថា ចំពោះវិសោធនកម្មច្បាប់ស្តីពីរបបសារព័ត៌មាន គឺក្រសួងកំពុងតែបន្តរៀបចំនិតីវិធីធ្វើវិសោធនកម្មលើច្បាប់នេះ ឱ្យស្របតាមការផ្សព្វផ្សាយបច្ចុប្បន្ននៅកម្ពុជា។
ច្បាប់ស្តីពីរបបសារព័ត៌មាន ត្រូវបានបង្កើតឡើងតាំងពីឆ្ណាំ១៩៩៥ ដោយមានចំនួន ៥ជំពូក និង២១មាត្រា។ លោក ទេព អស្នារិទ្ធ បានឱ្យដឹងថា ចំពោះច្បាប់ស្តីពីរបបសារព័ត៌មាននេះ បច្ចុប្បន្នក្រសួងកំពុងពិនិត្យ និងពិភាក្សាលម្អិតបន្ថែមលើលទ្ធភាពក្នុងការធ្វើវិសោធនកម្ម ជាផ្នែក ឬ ត្រូវរៀបចំឡើងវិញដែរឬទេ? លោកបញ្ជាក់ថា ទោះជាត្រូវធ្វើវិសោធនកម្មដោយផ្នែក ឬកែសម្រួលឡើងវិញ គោលបំណងសំខាន់នៃការធ្វើវិសោធនកម្មច្បាប់នេះ គឺធានាយ៉ាងណាឱ្យច្បាប់នេះមានបច្ចុប្បន្នភាព ដើរស្របនឹងការវិវត្តនៃប្រព័ន្ធផ្សព្វផ្សាយទំនើប មានការរីកចម្រើនក្នុងវិស័យសារព័ត៌មាននៅកម្ពុជា និងតម្រូវការក្នុងសង្គមបច្ចុប្បន្នក៏ដូចជាទៅថ្ងៃអនាគត។
បន្ថែមពីនេះ អ្នកនាំពាក្យខាងលើបន្តថា កិច្ចការនេះ ចាំបាច់ត្រូវរៀបចំច្បាប់ស្តីពីរបបសារព័ត៌មានដោយឈរលើមូលដ្ឋានច្បាប់ចាស់ ហើយបង្កើនធាតុចូលថ្មីៗសម្រាប់ឆ្លើយតបទៅនឹងភាពចាំបាច់ និងតម្រូវការអនុវត្តប្រចាំថ្ងៃក្នុងសង្គមឌីជីថល។ ចំពោះ នីតិវិធី និងដំណើរការបច្ចុប្បន្ននេះ គឺស្ថិតក្នុងក្របខណ្ឌនៃការពិគ្រោះយោបល់នៃក្រុមការងារនីតិកម្មរបស់ក្រសួង និងការពិភាក្សាជាមួយក្រុមប្រឹក្សាអ្នកច្បាប់របស់ទីស្តីការគណៈរដ្ឋមន្ត្រី។
តាមការសង្កេតបច្ចុប្បន្ន អ្នកសារព័ត៌មាន និងប្រព័ន្ធផ្សព្វផ្សាយមួយចំនួននៅតែមិនទាន់គោរពតាមច្បាប់ និងរបបសារព័ត៌មានបានត្រឹមត្រូវនៅឡើយទេ ដោយមនុស្សមួយចំនួនសំអាងខ្លួនជាអ្នកសារព័ត៌មានរួចទៅបោកប្រាស់អ្នកដទៃដើម្បីជាប្រយោជន៍ខ្លួនជាដើម។ ជុំវិញករណីទាំងនេះ ក្រសួងព័ត៌មាន ក៏តែងតែយកចិត្តទុកដាក់ និងចាត់វិធានការផ្សេងៗចំពោះករណីណាដែលធ្វើឱ្យខាតបង់ប្រយោជន៍ និងប៉ះពាល់ដល់របបសារព័ត៌មានកម្ពុជាផងដែរ៕
ដោយ៖ អុន ស្រីមាន
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៥ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៤ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ១ សប្តាហ៍ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា
-
ព័ត៌មានអន្ដរជាតិ៧ ថ្ងៃ ago
រដ្ឋមួយនៅអាមេរិក ជួបភ្លៀងធ្លាក់ខ្លាំង «១០០០ឆ្នាំម្តង» បង្កជាទឹកជំនន់ធ្ងន់ធ្ងរ
-
ព័ត៌មានអន្ដរជាតិ២០ ម៉ោង ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ