ព័ត៌មានជាតិ
សហជីពនៅកម្ពុជា ទាមទារ អង្គការសង់ត្រាល់ បង្ហាញជាសាធារណៈពីសំណួរសម្ភាសន៍ និងសហជីពដែលផ្តល់សម្ភាសន៍ធ្វើឱ្យមានការរិះគន់យ៉ាងធ្ងន់ធ្ងរ
សហជីពធំៗ នៅកម្ពុជា បន្តទាមទារឱ្យអង្គការសង់ត្រាល់ បង្ហាញជាសាធារណៈពីសំណួរ និងសហជីពដែលបានផ្តល់បទសម្ភាសន៍ជាធាតុសំខាន់បំផុតក្នុងការធ្វើរបាយការណ៍នាំឱ្យមានការរិះគន់យ៉ាងធ្ងន់ធ្ងរ។
លោក ហ្វា សាលី ប្រធានសម្ព័ន្ធសហជីពជាតិ ក្នុងសន្និសីទសារព័ត៌មាន កាលពីរសៀលថ្ងៃទី ២៨ ខែមិថុនា ឆ្នាំ ២០២៤ បានលើកឡើងថា ”យើងស្នើឱ្យសង់ត្រាល់បង្ហាញនូវភស្តុតាង ហើយយើងនឹងធ្វើការទាំងអស់គ្នាទៅលើអ្វីដែលមាននៅលើរបាយការណ៍របស់គាត់ពិតប្រាកដ”។
លោកបានបន្ថែមថា របាយការណ៍សង់ត្រាល់គ្មានភស្តុតាងដូច្នោះ គឺមិនអាចទទួលយកបាននោះទេ ព្រោះវាធ្វើឱ្យប៉ះពាល់ដល់សេដ្ឋកិច្ច មុខមាត់ប្រទេស និងកម្មករ-និយោជិត រាប់សិបម៉ឺននាក់ ដែលរំពឹងលើវិស័យឧស្សាហកម្មកាត់ដេរ សម្លៀកបំពាក់ និងស្បែកជើង។
ប្រធានសម្ព័ន្ធសហជីពជាតិ បានបន្តថា មកដល់ពេលនេះ សង់ត្រាល់ គួរតែបង្ហាញពីសហជីពទាំង ១៤ ដែលខ្លួនបានសម្ភាស និងស្រាវជ្រាវ ប្រសិនបើមាន យើងនឹងទទួលខុសត្រូវ តែបើគ្មាននោះ អ្វីដែលសហជីពទាំងអស់ប្តឹងគឺមិនខុសនោះទេ។
ជាមួយគ្នានោះដែរ លោក ហង្ស រ៉ារី ប្រធានសហភាពសហជីពរក្សាសិទ្ធិកម្មករកម្ពុជា បាននិយាយថា “សង់ត្រាល់ គួរតែបង្ហាញសំណួរដែលខ្លួនបានសម្ភាសជាមួយសហជីពមូលដ្ឋាន ព្រោះយើងមិនអាចលើកយកសំណាកមួយដែលមានតែរបាយការណ៍ តែមិនមានភស្តុតាងគ្រប់គ្រាន់បានទេ”។
លោកបានបន្ថែមទៀតថា ការលាក់បាំងរបស់សង់ត្រាល់ បង្ហាញពីចេតនាអាក្រក់ ដែលមានបំណងក្នុងការបំផ្លាញវិស័យកាត់ដេរ និងស្ថិរភាពកម្មករ-និយោជិត នៅកម្ពុជា។
ដោយឡែក លោក សំ សឿន ប្រធានក្រុមប្រឹក្សាជាតិសហជីព បាននិយាយថា “អង្គការសង់ត្រាល់ គួរតែហ៊ានបង្ហាញនូវកម្រងសំណួរក្នុងកិច្ចសម្ភាសរបស់គាត់ជាមួយនឹងកម្មករ-និយោជិត ប្រមាណជាងជិត ១០០ នាក់នោះ ហើយហ៊ានបង្ហាញនូវលទ្ធផលសំណាក់ នៃការរកឃើញថា ពិតជាបានសួរកម្មករដោយមិនត្រូវលាក់បាំងនោះទេ”។
ប្រធានក្រុមប្រឹក្សាជាតិសហជីព បន្ថែមថា សង់ត្រាល់ គួរតែហ៊ានបង្ហាញថា តើខ្លួនសម្ភាសកម្មករប៉ុន្មាននាក់ ទទួលបានលទ្ធផលអវិជ្ជមាន និងវិជ្ជមានប៉ុន្មាន ហើយយកទៅថ្លឹងថ្លែងរបៀបម៉េច ទើបបានចេញជារបាយការណ៍ដ៏ងងឹតនេះ។
លោកបានបន្តថា ប្រសិនបើសង់ត្រាល់មិនបញ្ចេញពីលទ្ធផល នៃការសម្ភាសជាមួយកម្មករ-និយោជិតដែលខ្លួនធ្លាប់បានធ្វើនោះទេ បានន័យថា សង់ត្រាល់ មិនហ៊ានទទួលខុសត្រូវលើអ្វីដែលខ្លួនបានធ្វើ និងមានចេតនាអាក្រក់មកបំផ្លាញវិស័យកាត់ដេរនៅកម្ពុជា៕
តារាសម្តែងជើងចាស់ រ៉េត រ៉ូស ប្រាស់អ្នកសិល្ប:ជំនាន់ក្រោយ ប្រយ័ត្នផលិតករកេងប្រវ័ញ្ចលើកម្លាំង
អតីតរាជទូតផុតអាណត្តិ២រូប ត្រូវតែងតាំងជាអនុរដ្ឋលេខាធិការ និងអគ្គនាយក
ហ្វីលីពីនចាប់ជនជាតិចិនពីបទចារកម្មតាមជំរំយោធា
មួយថ្ងៃផឹកភេសជ្ជៈប៉ូវកម្លាំង៣ទៅ៤ដប បុរសចិនវ័យ៣០ឆ្នាំ កើតជំងឺរលាកសន្លាក់ហ្គោដធ្ងន់ធ្ងរ
បញ្ជូនជនជាតិកូរ៉េម្នាក់ ទៅតុលាការ ពាក់ព័ន្ធឃាតកម្មសម្លាប់នារីម្នាក់ នៅសង្កាត់បឹងកេងកងទី ១
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
បៃដិន ទុកសំបុត្រមួយច្បាប់ឲ្យ ត្រាំ នៅក្នុងថតតុ
យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
ត្រាំ ចេញបញ្ជាដាក់ទោសប្រហារជីវិត អ្នកណាសម្លាប់មន្ត្រី និងជនអន្តោប្រវេសន៍ដែលប្រព្រឹត្តអំពើឧក្រិដ្ឋកម្ម
-
ចរាចរណ៍២ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ១ សប្តាហ៍ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៥ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៦ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ចរាចរណ៍៣ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់