ព័ត៌មានជាតិ

រកឃើញបុគ្គលិករួមទាំងភ្ញៀវ១១នាក់ មានឆ្លងកូវីដ១៩ NAGA World ស្ម័គ្រចិត្តផ្អាកអាជីវកម្មបណ្តោះអាសន្ន

បានផុស

៤ years មុន

នៅ

ថ្ងៃចន្ទ ១ មីនា ២០២១

ដោយ

ភ្នំពេញ ៖ ក្រុមហ៊ុន NAGA Corp Ltd. បានស្ម័គ្រចិត្តផ្អាកអាជីវកម្មជាបណ្តោះអាសន្ន បន្ទាប់ពីរកឃើញវិជ្ជមានកូវីដ១៩ ចំនួន១១ករណីនៅលើបុគ្គលិករួមទាំងភ្ញៀវ ដែលចូលមកលេង នៅកាស៊ីណូ។

ការសម្រេចផ្អាកជាបណ្តោះអាសន្ននេះ ធ្វើឡើងនាព្រលប់ថ្ងៃទី១ ខែមីនា ឆ្នាំ២០២១ ដោយក្រុមហ៊ុន NAGA Corp Ltd. បានចេញសេចក្តីជូនដំណឹងមួយដល់សាធារណជន ដើម្បីឆ្លើយតបទៅនឹងការរីករាលដាលជំងឺកូវីដ១៩ ចូលក្នុងសហគមន៍ នេះបើយោងតាមសេចក្តីជូន របស់ក្រុមហ៊ុននាយប់ថ្ងៃទី១ ខែមីនា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងសេចក្តីជូនដំណឹងរបស់ក្រុមហ៊ុនបានឲ្យដឹងថា បុគ្គលិកក្រុមហ៊ុនប្រមាណ៣០០០នាក់ ត្រូវបានតេស្តសំណាករកជំងឺកូវីដ១៩ ដោយក្នុងនោះក្រុមគ្រូពេទ្យ នៃក្រសួងសុខាភិបាល បានបញ្ជាក់ថា បានរកឃើញអ្នកផ្ទុកជំងឺកូវីដ១៩ចំនួន១១ករណី នៅលើបុគ្គលិក និងភ្ញៀវទេសចរណ៍ ដូច្នេះក្នុងនាមក្រុមហ៊ុនធ្វើអាជីវកម្មប្រកបដោយទំនួលខុសត្រូវ ក្រុមហ៊ុនស្ម័គ្រចិត្តផ្អាកអាជីវកម្មរបស់ខ្លួនជាបណ្តោះអាសន្ន ដើម្បីពិនិត្យឲ្យបានហ្មត់ចត់បន្ថែមទៀត អំពីវិធានការបង្ការ និងទប់ស្កាត់ដល់និយោជក និងភ្ញៀវទាំងអស់ដែលមកកាន់ទីនេះ។

ក្រុមហ៊ុននឹងបើកដំណើរការអាជីវកម្មឡើងវិញ នៅក្រោយពីស្ថានភាព និងវិធានការការពារជំងឺកូវីដ១៩បានល្អប្រសើរ ព្រមទាំងនឹងពិគ្រោះយោបល់ជាមួយក្រសួងសុខាភិបាលផងដែរ។

សេចក្តីជូនដំណឹងមានដូចខាងក្រោមនេះ ៖

កែសម្រួលដោយ ៖ នាគព័ន្ធ