ព័ត៌មានជាតិ

នាយឧត្តមសេនីយ៍ ហ៊ីង ប៊ុនហៀង បដិសេធប៉េអឹមដែលត្រូវបាញ់សម្លាប់ជាបញ្ជាការអង្គរក្ស

បានផុស

៤ years មុន

នៅ

ថ្ងៃចន្ទ ១ មីនា ២០២១

ដោយ

បញ្ជាការដ្ឋានអង្គរក្ស បានច្រានចោល ការផ្សព្វផ្សាយថា ជនល្មើសដែលកងកម្លាំងកងរាជអាវុធហត្ថរាជធានីភ្នំពេញ បាញ់សម្លាប់នៅក្នុងប្រតិបត្តិការបង្ក្រាបក្រុមឧក្រិដ្ឋជនជម្រិតទារប្រាក់ ១លានដុល្លារ នៅបុរីអង្គរភ្នំពេញ គឺជាមន្ត្រីរបស់បញ្ជាការដ្ឋានអង្គរក្ស។

លោក នាយឧត្តមសេនីយ៍ ហ៊ីង ប៊ុនហៀង អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការដ្ឋាន បញ្ជាការដ្ឋានអង្គរក្ស បានច្រានចោលការផ្សព្វផ្សាយទាំងនោះថាជារឿងមិនពិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្លាំងកងរាជអាវុធហត្ថរាជធានីភ្នំពេញ បានបើកប្រតិបត្តិការបង្ក្រាបក្រុមឧក្រិដ្ឋជនជម្រិតទារប្រាក់ ១លានដុល្លារ ពីជនរងគ្រោះនៅក្នុងបុរីអង្គរភ្នំពេញ ក្នុងភូមិបន្លាស្អិត សង្កាត់ឃ្មួញ ខណ្ឌសែនសុខ រាជធានីភ្នំពេញ កាលពីវេលាម៉ោងប្រមាណា ១១ព្រឹកថ្ងៃទី១ ខែមីនា ឆ្នាំ២០២១។

នៅក្នុងប្រតិបត្តិការបង្ក្រាបក្រុមឧក្រិដ្ឋជនបានបាញ់ប្រហារមកលើកម្លាំងអាវុធហត្ថ ដោយប្រើសិទ្ធិការពារខ្លួនកម្លាំងអាវុធហត្ថបានបាញ់តបតទៅលើក្រុមឧក្រិដ្ឋជនបណ្តាលឲ្យស្លាប់ចំនួន ៤នាក់។
ជនរងគ្រោះនៅក្នុងផ្ទះវិឡាក្នុងបុរីអង្គរភ្នំពេញ ត្រូវបានរំដោះចេញពីកន្លែងកើតហេតុដោយសុវត្ថិភាព។