ព័ត៌មានជាតិ
មន្រ្តីទេសចរណ៍ខេត្តកោះកុង ផ្តល់ចំណេះដឹងផ្នែកមគ្គុទ្ទេសក៍ជូនពលរដ្ឋតំបន់ទេសចរណ៍ឆ្នេរសមុទ្រជ្រោយស្វាយ
ក្រុមមន្រ្តីទេសចរណ៍ខេត្តកោះកុង សហការជាមួយអាជ្ញាធរស្រុកស្រែអំបិល និងអង្គការដៃគូ បានចុះផ្តល់ការអប់រំចំណេះដឹងផ្នែកមគ្គុទ្ទេសក៏ទេសចរណ៍សហគមន៍ជូនប្រជាសហគមន៍នេសាទតំបន់ទេសចរណ៍ឆ្នេរសមុទ្រជ្រោយស្វាយ។
![](https://www.kampucheathmey.com/wp-content/uploads/2024/07/image-277-1024x576.png)
លោក សេត រ៉ាស៊ូ ប្រធានការិយាល័យគ្រប់គ្រងឧស្សាហកម្មទេសចរណ៍នៃមន្ទីរទេសចរណ៍ខេត្តកោះកុង បានឱ្យដឹងនៅថ្ងៃទី៤ ខែកក្កដា ឆ្នាំ២០២៤ថា គោលបំណងសំខាន់ចង់ឃើញប្រជាសហគមន៍មានចំណេះដឹងជំនាញពិតប្រាកដអំពីការស្វាគមន៍បដិសណ្ឋាកិច្ចភ្ញៀវ គុណភាពចំណីអាហារ និងបទពិសោធន៍ជាក់ស្តែងលើការពន្យល់ណែនាំដល់ភ្ញៀវអំពីសក្តានុពលដែលខ្លួនកំពុងមានស្រាប់។
ក្នុងវគ្គបណ្ដុះបណ្ដាលស្ដីពីមគ្គុទ្ទេសក៏ទេសចរណ៍សហគមន៍រយៈពេល៣ថ្ងៃមកនេះ លោក សេត រ៉ាស៊ូ មើលឃើញថា ឆន្ទះរបស់ប្រជាពលរដ្ឋបានចូលរួមយ៉ាងផុលផុសខ្លាំងព្រោះតែពួកគាត់ចង់បានចំណេះដឹងច្បាស់លាស់លើការបម្រើសេវាទេសចរណ៍ ដើម្បីទាញយកផលចំណូលមកផ្គត់ផ្គង់សហគមន៍។ ម៉្យាងទៀត ការពង្រឹងសេវាកម្មមគ្គុទ្ទេសក៏ទេសចរណ៍សហគមន៍ គឺដើម្បីឆ្លើយតបទៅនឹងកំណើនភ្ញៀវទេសចរដែលមកសម្រាកកម្សាន្តក្នុងតំបន់ទេសចរណ៍មួយនេះផងដែរ។
![](https://www.kampucheathmey.com/wp-content/uploads/2024/07/image-276-1024x768.png)
លោកប្រធានការិយាល័យគ្រប់គ្រងឧស្សាហកម្មទេសចរណ៍ ក៏ជឿជាក់ថា ក្រោយសិក្ខាកាមបញ្ចប់វគ្គសិក្សាមួយនេះ ប្រជាសហគមន៍អាចមានលទ្ធភាពសមល្មមនឹងបំពេញរាល់ចំណុចខ្វះខាតរបស់ខ្លួន ដោយជំនួសមកវិញនូវការបង្កើនសមត្ថភាពអនុវត្តការងារបានល្អប្រសើរ។ ទោះបីជាវគ្គមគ្គុទ្ទេសក៏នៅពេលមិនមែនលក្ខណៈលំដាប់ថ្នាក់ខេត្ត ឬថ្នាក់ជាតិយ៉ាងណាក្តី។
អ្នកស្រី ណង លំហៀង ប្រធានសហគមន៍នេសាទតំបន់ទេសចរណ៍ឆ្នេរសមុទ្រជ្រោយស្វាយ និងលោក សេង តេង ជាសមាជិកនៃគណៈកម្មការសហគមន៍នេសាទតំបន់ទេសចរណ៍ឆ្នេរសមុទ្រជ្រោយស្វាយ បានលើកឡើងរួមគ្នាថា ពួកគាត់ពិតជាថ្លែងអំណអរគុណដល់ក្រុមមន្រ្តីទេសចរណ៍ និងអង្គការដៃគូដែលបានចុះមកផ្តល់ចំណេះដឹងផ្នែកមគ្គុទ្ទេសក៏ទេសចរណ៍ជូនពួកគាត់ មិនថាតែទ្រីស្តី និងការអនុវត្តជាក់ស្តែង។
![](https://www.kampucheathmey.com/wp-content/uploads/2024/07/image-273-1024x768.png)
តំណាងប្រជាសហគមន៍ដដែល បានបន្ថែមថា កន្លងទៅពួកគាត់កម្រិតយល់ដឹងនៅមានកម្រិត ប៉ុន្តែឥឡូវពួកគាត់អាចមានមូលដ្ឋានក្នុងប្រាប់បង្ហាញពីទីតាំងសក្តានុពលសម្រាប់ជូនភ្ញៀវទេសចរណ៍កម្សាន្ត គ្រាសហគមន៍ទើបមានការទទួលស្គាល់ពីក្រសួងស្ថាប័នជំនាញ។ ទៅអនាគត ពួកគាត់នឹងសហការពង្រឹង និងកែច្នៃសហគមន៍ឱ្យកាន់តែមានភាពទាក់ទាញដល់ភ្ញៀវទេសចរជាតិ និងអន្តរជាតិមកលេងកម្សាន្តកាន់តែច្រើន៕
អត្តបទ៖ សិរីវឌ្ឍនៈ
![](https://www.kampucheathmey.com/wp-content/uploads/2024/07/image-274-1024x768.png)
![](https://www.kampucheathmey.com/wp-content/uploads/2024/07/image-270-1024x576.png)
![](https://www.kampucheathmey.com/wp-content/uploads/2024/07/image-278-1024x768.png)
![](https://www.kampucheathmey.com/wp-content/uploads/2024/07/image-272-1024x682.png)
![](https://www.kampucheathmey.com/wp-content/uploads/2024/07/image-275-1024x576.png)
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៣ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានអន្ដរជាតិ១០ ម៉ោង ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
ព័ត៌មានជាតិ៦ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានជាតិ១ ថ្ងៃ ago
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤
-
ព័ត៌មានជាតិ៥ ថ្ងៃ ago
ក្រុមអភិវឌ្ឍន៍សង្កាត់ទឹកល្អក់ទី៣ ខិតខំប្ដូរលូតូចចេញ ដាក់លូធំជាងមុន ដើម្បីបញ្ជៀសទឹកឲ្យបានលឿន
-
ព័ត៌មានជាតិ១ សប្តាហ៍ ago
សម្ដេចធិបតី៖ ក្រុមហ៊ុនចិន BYD គ្រោងដាក់ទុនរៀបចំផលិតរថយន្តនៅកម្ពុជា
-
ព័ត៌មានជាតិ២ ថ្ងៃ ago
ក្រុមហ៊ុន ចំនួន២ កើតទុក្ខមិនសុខចិត្ត រឿងដេញថ្លៃសង់ផ្លូវបេតុង ក្នុងឃុំថ្មពេជ្រ ក្នុងខេត្តត្បូងឃ្មុំ
-
ព័ត៌មានជាតិ៦ ថ្ងៃ ago
រយៈពេល៣៥ថ្ងៃ សាលាដំបូងរាជធានីខេត្ត ទទួលបានសំណុំរឿង ក្មេងទំនើងចំនួន ២៤៤ករណី