ព័ត៌មានជាតិ

កូវីដផ្ទុះឆ្លងដល់ខណ្ឌថ្មីមួយទៀត នៅខាងត្បូងរាជធានីភ្នំពេញ

បានផុស

៤ years មុន

នៅ

ថ្ងៃអង្គារ ២ មីនា ២០២១

ដោយ

ការផ្ទុះកូវិដ ដែលភាគច្រើនកើតនៅខណ្ឌកណ្តាលក្រុង ឥលូវបានរកឃើញករណីឆ្លងថ្មីបានរាលដាលដល់ខណ្ឌថ្មីមួយទៀតនៅខាងត្បូងរាជធានីភ្នំពេញ។

ករណីរកឃើញអ្នកឆ្លងថ្មី បានកើតនៅលើខណ្ឌដង្កោ ជាខណ្ឌស្ថិតនៅភាគខាងត្បូងនៃរាជធានីភ្នំពេញ ពាក់ព័ន្ធបុរសខ្មែរពីរនាក់ ដែលក្រសួងសុខាភិបាលបញ្ជាក់មានវិជ្ជមានកូវិដ ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនរងគ្រោះទីមួយជនជាតិខ្មែរ អាយុ ២៧ ឆ្នាំ ស្នាក់នៅសង្កាត់ស្ពានថ្ម ខណ្ឌដង្កោ។ ជនរងគ្រោះទីពីរភេទប្រុស អាយុ ៤៨ ឆ្នាំ ជនជាតិខ្មែរស្នាក់នៅសង្កាត់ស្ពានថ្ម ខណ្ឌដង្កោ។

ព្រឹត្តិការណ៍ ២០ កុម្ភៈ ដែលចាប់ផ្តើមផ្ទុះតាំងពីថ្ងៃ ១៩ កុម្ភៈ បានផ្ទុះរាលដាលដល់សហគមន៍និងខណ្ឌចំនួន ១០ ក្នុងរាជធានីភ្នំពេញ។ ខណ្ឌនៅកណ្តាលក្រុងជាមុខសញ្ញា ដែលរកឃើញបណ្តុំការឆ្លងច្រើនគេ។

៩០ ភាគរយពាក់ព័ន្ធសហគមន៍ជនជាតិចិន ដែលរស់នៅតាមខុនដូ អាផាតមិន និងបណ្តាអាជីវកម្មដែលមានម្ចាស់ជាជនជាតិចិន។

ស្នងការដ្ឋាននគរបាលរាជធានីភ្នំពេញ ក៏បានបន្ថែមកម្លាំងជិត៣០០នាក់ពីលើកម្លាំងនគរបាលតាមអធិការដ្ឋាននគរបាលខណ្ឌទាំង១៤ដើម្បីការពារពង្រឹងសន្តិសុខរក្សាសណ្តាប់ធ្នាប់នៅទីតាំងធ្វើចត្តាឡីស័កជាប់ពាក់ព័ន្ធនឹងព្រឹត្តិការណ៍សហគមន៍២០កុម្ភៈ ដែលមានចំនួន៧៥កន្លែងនៅក្នុងរាជធានីភ្នំពេញ៕

ចុចអាន៖ វិបត្តិកូវីដ ១៩ មិនថមថយ ផ្ទុះរាលដាលដល់ខណ្ឌចំនួន ១០ នៅរាជធានីភ្នំពេញ

អត្ថបទ៖ ប៊ុណ្ណារ៉ា

Related Topics: