ព័ត៌មានជាតិ

ដាក់មីហាលជាប់ផ្លូវ ប្រឈមនឹងកម្ទេចហុយលើ ប៉ះពាល់សុខភាព

បានផុស

៨ ខែ មុន

នៅ

ថ្ងៃសៅរ៍ ៦ កក្កដា ២០២៤

ដោយ

អ្នកធ្វើដំណើរឆ្លងកាត់ផ្លូវបេតុងចូលទៅផ្សារបឹងព្រលឹត ភូមិអូរអណ្តូង ១ សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ បានលាន់មាត់គ្រប់ៗ គ្នា ថា មិនគួរម្ចាស់សិប្បកម្មធ្វើមីដុំ យកមកហាលជាប់ផ្លូវសាធារណៈបែបនេះទេ ព្រោះវាប្រឈមនឹងធូលីដីលើមីសើមខ្លាំងណាស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកធ្វើដំណើរបន្តថា គេឧស្សាហ៍ឃើញម្ចាស់សិប្បកម្មផលិតមីដុំយកមកដាក់ហាលជាប់ផ្លូវញឹកញាប់ណាស់ ដោយពុំខ្លាចធូលីដីហុយទៅលើមីសើមងាយនឹងជាប់ធូលីដី ហើយយកទៅធ្វើម្ហូបប៉ះពាល់សុខភាពខ្លាំងណាស់។ អ្វីដែលនឹកហួសចិត្តនោះ គឺគេតែងប្រើពាក្យថា មីរបស់គេមានអនាម័យល្អទៀតផង។ ហើយម្ចាស់សិប្បកម្ម គួរយកមីសើមនេះ ទៅដាក់ហាលឲ្យខ្ពស់ ចៀសវាងយកមកដាក់ហាលក្បែរផ្លូវសាធារណៈ ប្រឈមនឹងធូលីដីហុយទៅលើមីខ្លាំងណាស់។ នេះជាសំណូមពររបស់អ្នកធ្វើដំណើរដែលសុំឲ្យម្ចាស់សិប្បកម្មគួររកទីតាំងដាក់ហាលថ្មី និងខ្ពស់បន្ថែមទៀត ចៀសវាងធូលីដីហុយលើមីសើមបែបនេះ៕

អត្ថបទ ៖ នរា