ព័ត៌មានជាតិ
ត្រឹម១០ថ្ងៃសោះមានអ្នកឆ្លងកូវីដ-១៩ក្នុង “ព្រឹត្តិការ ២០ កម្ភៈ” កើនឡើងយ៉ាងគំហុកដល់៣៤០នាក់
ភ្នំពេញ៖ គ្រាន់តែក្នុងរយៈពេល១០ថ្ងៃ គឺចាប់ពីថ្ងៃទី២០ ខែកុម្ភៈ រហូតមកដល់ព្រឹកថ្ងៃទី០២ ខែមីនា ឆ្នាំ២០២១នេះ មានអ្នកឆ្លងកូវីដ-១៩ ក្នុង “ព្រឹត្តិការណ៍សហគមន៍ ២០ កម្ភៈ” បានកើនឡើងយ៉ាងគំហុករហូតដល់៣៤០នាក់ហើយក្នុងនោះស្រី១៧៣នាក់ និងប្រុស១៦៧នាក់។

យោងតាមសេចក្តីប្រកាសរបស់ក្រសួងសុខាភិបាលនៅព្រឹកថ្ងៃទី០២ ខែមីនានេះបានឱ្យដឹងថាក្នុងចំណោមអ្នកជំងឺ៣៤០នាក់នោះ ក្នុងនោះនៅខេត្តព្រះសីហនុមានចំនួន៥២នាក់ ស្រី២៥ ប្រុស២៧នាក់។
ដោយឡែកសម្រាប់ព្រឹកថ្ងៃ០២ ខែមីនានេះ មានករណីឆ្លងក្នុង “ព្រឹត្តិការណ៍ ២០ កម្ភៈ” ចំនួន២៤នាក់ក្នុងនោះនៅរាជធានីភ្នំពេញចំនួន៧នាក់ និងខេត្តព្រះសីហនុចំនួន១៧នាក់។

ក្នុងការទប់ស្កាត់ជំងឺកូវីដ-១៩នេះ លោក គួច ចំរើន អភិបាលនៃគណៈអភិបាលខេត្តព្រះសីហនុ បានបញ្ចេញម៉ាសជាង៦០ម៉ឺនម៉ាសជូនដល់អាជ្ញាធរក្រុងខណ្ឌស្រុកទាំង៥ដើម្បីធ្វើយុទ្ធនាការចែកម៉ាសជូនប្រជាពលរដ្ឋនៅតាមទីប្រជុំជនភូមិ ឃុំ សង្កាត់ក្នុងខេត្តព្រះសីហនុជាពិសេសតាមទីប្រជុំជនផ្សារ និងតាមទីសាធារណៈ។

ទន្ទឹមនឹងនេះរដ្ឋបាលខេត្តបានបិទទីតាំងដែលពាក់ព័ន្ធប្រមាណ២៨ទីតាំង និងហាមប្រាមប្រជាពលរដ្ឋកុំធ្វើដំណើរចល័តចេញចូលក្រុងព្រះសីហនុ ហើយបើមិនមានការចាំបាច់ទេត្រូវនៅផ្ទះកុំចេញទៅខាងក្រៅ និងត្រូវអនុវត្តវិធានការ៣ការពារនិង៣កុំឱ្យបានខ្ជាប់ខ្ជួនជាទីបំផុត។

គួរបញ្ជាក់ថា គិតត្រឹមព្រឹកថ្ងៃទី០២ ខែមីនា ឆ្នាំ២០២១នេះ កម្ពុជាបានរកឃើញអ្នកឆ្លងកូវីដ-១៩ សរុបចំនួន៨៤៤នាក់ ក្នុងនោះអ្នកជាសះស្បើយចំនួន ៤៧៨នាក់ និងអ្នកកំពុងសម្រាកព្យាបាលនៅចំនួន ៣៦៦នាក់៕
អត្ថបទ៖ សំអឿន
សូមអានព័ត៌មានពាក់ព័ន្ធ៖
កូវីដផ្ទុះឆ្លងដល់ខណ្ឌថ្មីមួយទៀត នៅខាងត្បូងរាជធានីភ្នំពេញ
ផ្ទុះកូវីដធ្ងន់ធ្ងរនៅខេត្តព្រះសីហនុ មួយថ្ងៃ រកឃើញអ្នកឆ្លង ១៧ នាក់

-
ព័ត៌មានអន្ដរជាតិ៦ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៣ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានជាតិ១៧ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៤ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ២ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?