ព័ត៌មានជាតិ
សមាជិក ប ស ស មានជំងឺ ឬរងភាពពិការអស់សមត្ថភាពរកប្រាក់ចំណូល នឹងទទួលបានប្រាក់សោធនទុព្វលភាព
សមាជិក ប.ស.ស.មានជំងឺ ឬរងភាពពិការអស់សមត្ថភាពរកប្រាក់ចំណូល ឬរកបានប្រាក់ចំណូលទាបជាង
ចំណូលដែលកំណត់ក្នុងខ្សែបន្ទាត់ភាពក្រីក្រនឹងទទួលបានប្រាក់សោធនទុព្វលភាពពី ប.ស.ស.។
ប.ស.ស. បានបញ្ជាក់ថា ប្រាក់សោធនទុព្វលភាព គឺជាប្រាក់ដែលទទួលបាននៅពេលសមាជិក ប.ស.ស. មានជំងឺ
ឬរងភាពពិការនាំឱ្យអស់សមត្ថភាពរកប្រាក់ចំណូល ឬរកបានប្រាក់ចំណូលទាបជាងចំណូលដែលកំណត់ក្នុងខ្សែបន្ទាត់ភាពក្រីក្រដែលអត្ថប្រយោជន៍ត្រូវទទួលបានរួមមាន ទទួលបានប្រាក់សោធនទុព្វលភាព(មិនរង់ចាំដល់អាយុចូលនិវត្តន៍) ជាប្រចាំខែ (១ខែ បើកជូន ២ដង)។ ទទួលបានអ្នកថែរក្សា បន្ថែមជាមួយនឹងទឹកប្រាក់ ៥០% នៃប្រាក់សោធនទុព្វលភាពករណីមិនអាចមើលថែខ្លួនបាន។ ទទួលបានការព្យាបាល និងថែទាំសុខភាពក្នុងមន្ទីរពេទ្យដៃគូ ប.ស.ស. ដោយឥតគិតថ្លៃ និងទទួលបានប្រាក់វិភាជន៍បូជាសព និងសោធនឧត្តរជីវី នៅពេលទទួលមរណភាព។
ប.ស.ស. បានបន្ថែមថា ដើម្បីទទួលបានប្រាក់សោធនទុព្វលភាព សមាជិក ប.ស.ស.ត្រូវបំពេញលក្ខខណ្ឌដូចខាងក្រោមមានដូចជា បានចុះបញ្ជីផ្នែកប្រាក់សោធននៅ ប.ស.ស. បានបង់ភាគទានយ៉ាងតិច ៦០ខែ មុនកាលបរិច្ឆេទរងទុព្វលភា និងមានជំងឺ ឬរងភាពពិការនាំឱ្យអស់សមត្ថភាពរកប្រាក់ចំណូល។
គួរបញ្ជាក់ថា គិតត្រឹមថ្ងៃទី១៨ ខែមិថុនា ឆ្នាំ២០២៤ បេឡាជាតិសន្តិសុខសង្គមមានសមាជិកចំនួន២,២លាននាក់ក្នុងចំ
ណោមនោះសមាជិក ប.ស.ស.ជាបុគ្គលស្ថិតក្រោមវិស័យសាធារណៈជាង៤៣ម៉ឺននាក់ បុគ្គលស្ថិតក្រោមបទប្បញ្ញត្តិច្បាប់ស្តីពីការងារជាង១,៥លាននាក់ និងបុគ្គលស្វ័យនិយោជន៍ ២២ម៉ឺននាក់ ព្រមទាំងអ្នកក្នុងបន្ទុកសមាជិកប.ស.ស.៦,៦ម៉ឺននាក់ដែលកំពុងមានសិទ្ធិទទួលបានអត្ថប្រយោជន៍នៃរបបសន្តិសុខសង្គម៕
អត្ថបទ៖ សំអឿន
-
ព័ត៌មានជាតិ៤ ថ្ងៃ ago
យាយតាយកចៅអាយុ៦ខែ ទៅងូតទឹក ត្រូវខ្សែភ្លើងឆក់ស្លាប់ទាំង៣នាក់ យ៉ាងអាណោចអាធ័ម
-
ព័ត៌មានជាតិ៤ ថ្ងៃ ago
កូនប្រុសលោក រ័ត្ន ស្រ៊ាង ត្រូវបានតែងតាំងជាមេបញ្ជាការរងកងរាជអាវុធហត្ថរាជធានីភ្នំពេញ
-
សេដ្ឋកិច្ច៥ ថ្ងៃ ago
កម្ពុជាគួរត្រៀមខ្លួនបែបណា មុនពេលប្ដូរឋានៈ ទៅជាប្រទេសមានចំណូលមធ្យមកម្រិតខ្ពស់
-
ព័ត៌មានជាតិ១ សប្តាហ៍ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានជាតិ១១ ម៉ោង ago
ឆ្នាំមុនតារាសម្ដែងជើងចាស់ គន្ធ តារាវណ្ណ ស្លាប់ ឯឆ្នាំនេះ ពិធីករល្បីលោក គន្ធ ជីវ័ន្ត ត្រូវជាកូន ក៏ស្លាប់តាមក្រោយ
-
ព័ត៌មានអន្ដរជាតិ៥ ថ្ងៃ ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
សន្តិសុខសង្គម៥ ថ្ងៃ ago
ឃើញអាការៈកូនស្រីមិនស្រួលខ្លួនក៏នាំទៅពិនិត្យ ទើបបែករឿងមានគេចាប់រំលោភ
-
ព័ត៌មានជាតិ២ ថ្ងៃ ago
ម្ចាស់ចម្ការទុរេនធំៗទូទាំងប្រទេសជួបជុំគ្នា ចែករំលែកបច្ចេកទេសដំាដុះទុរេន ឈានពង្រីកទីផ្សារនាំចេញទៅក្រៅប្រទេស