ព័ត៌មានជាតិ

សមាជិក ប.ស.ស នឹងទទួលបានសេវាព្យាបាល និងថែទាំវេជ្ជសាស្ត្រ ចំនួន ៧ មុខ ដោយឥតគិតថ្លៃ

បានផុស

៧ ខែ មុន

នៅ

ថ្ងៃអង្គារ ៩ កក្កដា ២០២៤

ដោយ

បេឡាជាតិសន្តិសុខសង្គមដែលហៅកាត់ថា (ប.ស.ស.) នឹងទទួលបានសេវាព្យាបាល និងថែទាំវេជ្ជសាស្ដ្រ ចំនួន ៧ មុខដោយឥតគិតថ្លៃនៅតាមមន្ទីរពេទ្យជាដៃគូ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមប.ស.ស. សេវាព្យាបាល និងថែទាំវេជ្ជសាស្ត្រ ក្នុងរបបសន្តិសុខសង្គមផ្នែកថែទាំសុខភាពចំនួន៧រួមមាន ៖ (១)-សេវាព្យាបាលសម្រាកក្នុងមន្ទីរពេទ្យ និងសេវាពិគ្រោះជំងឺក្រៅ (២)-សេវាសង្គ្រោះបន្ទាន់ (៣)-សេវាព្យាបាលដោយស្អំ និងដោយចលនា (៤)-សេវាសម្រាលកូន និងសេវាថែទាំមុន និងក្រោយសម្រាល (៥)-សេវាស្តារនីតិសម្បទាផ្នែកវេជ្ជសាស្ត្រ (៦)-សេវាបញ្ជូនអ្នកជំងឺ ឬជនរងគ្រោះ និងសេវាបញ្ជូនសព និង (៧)-សេវាបង្ការសុខភាព។

គួរបញ្ជាក់ថា គិតត្រឹមថ្ងៃទី ១៨ ខែមិថុនា ឆ្នាំ ២០២៤ បេឡាជាតិសន្តិសុខសង្គមមានសមាជិកចំនួន ២,២ លាននាក់ ក្នុងចំណោមនោះ សមាជិក ប.ស.ស.ជាបុគ្គលស្ថិតក្រោមវិស័យសាធារណៈជាង ៤៣ ម៉ឺននាក់ បុគ្គលស្ថិតក្រោមបទប្បញ្ញត្តិច្បាប់ស្តីពីការងារជាង ១,៥ លាននាក់ និងបុគ្គលស្វ័យនិយោជន៍ ២២ ម៉ឺននាក់ ព្រមទាំងអ្នកក្នុងបន្ទុកសមាជិកប.ស.ស ៦,៦ ម៉ឺននាក់ ដែលកំពុងមានសិទ្ធិទទួលបានអត្ថប្រយោជន៍ នៃរបបសន្តិសុខសង្គម៕

អត្ថបទ ៖ សំអឿន