ក្រសួងសុខាភិបាលនាំអ្នកប៉ះពាល់​ផ្ទាល់ និងមិនផ្ទាល់ជាមួយរដ្ឋមន្ត្រីការបរទេសហុងគ្រីធ្វើតេស្ត​និងចត្តាឡីស័កទាំងអស់ – Kampuchea Thmey Daily
Connect with us

ព័ត៌មានជាតិ

ក្រសួងសុខាភិបាលនាំអ្នកប៉ះពាល់​ផ្ទាល់ និងមិនផ្ទាល់ជាមួយរដ្ឋមន្ត្រីការបរទេសហុងគ្រីធ្វើតេស្ត​និងចត្តាឡីស័កទាំងអស់

Published

on

លោកស្រីវេជ្ជបណ្ឌិត យក់ សម្បត្តិ រដ្ឋលេខាធិការក្រសួងសុខាភិបាលបានប្រាប់ឲ្យដឹងថា បន្ទាប់ពីក្រសួងបានទទួលព័ត៍មានថា រដ្ឋមន្ត្រីការបរទេសហុងគ្រីដែលទើបចាកចេញពីកម្ពុជា ធ្វើតេស្តវិជ្ជមានកូវីដ១៩នោះភ្លាមក្រសួងបានចាត់វិធានការទៅតាមវិធានរបស់ក្រសួងសុខាភិបាល។

លោកស្រីបានបន្តថា «យើងធ្វើតាំងពីម៉ោង១០កន្លះព្រឹករហូតដល់ឥឡូវហើយចំពោះវិធានការរបស់សុខាភិបាលអ្នកប៉ះពាល់ផ្ទាល់និងមិនផ្ទាល់ត្រូវធ្វើចត្តាឡិស័កទាំងអស់»។យ៉ាងណាក៏ដោយលោកស្រីបានបញ្ចាក់ថាក្រសួងនឹងចេញសេចក្តីប្រកាសព័ត៍មាននាពេលឆាប់ៗនេះផងដែរ។ រដ្ឋមន្ត្រីក្រសួងការបរទេសនិងពាណិជ្ជកម្មហុងគ្រីបានធ្វើតេស្តវិជ្ជមានវីរុសកូរ៉ូណាបន្ទាប់ពីទៅដល់ប្រទេសថៃសម្រាប់ដំណើរទស្សនកិច្ចផ្លូវការមួយ។

លទ្ធផលតេស្តនេះ ធ្វើឡើងបន្ទាប់ពីលោក ភីធ័រ ហ្សីយាតូ (Péter Szijjártó) រដ្ឋមន្រ្តីការបរទេសនិងពាណិជ្ជកម្មហុងគ្រី បានអញ្ជើញសម្ពោធការិយាល័យនៃស្ថានទូតហុងគ្រីប្រចាំព្រះរាជាណាចក្រកម្ពុជា និង បានជួបជាមួយថ្នាក់ដឹកនាំជាន់ខ្ពស់របស់កម្ពុជាជាច្រើនដូចជា៖ សម្ដេចនាយក រដ្ឋមន្ត្រី ហ៊ុន សែន លោក ប្រាក់ សុខុន រដ្ឋមន្ត្រីការបរទេស និង សហប្រតិបត្តិការ អន្តរជាតិ , លោក វេ ង សាខុន រដ្ឋមន្ត្រី ក្រសួងកសិកម្ម រុក្ខាប្រមាញ់ និង នេសាទ , លោក ប៉ាន សូរ ស័ក្ដិ រដ្ឋមន្ត្រីក្រសួង ពាណិជ្ជកម្ម និង លោក សួស យ៉ា រ៉ា សមាជិកសភា កម្ពុជា ។បើតាមរដ្ឋមន្រ្តីក្រសួងសុខាភិបាលថៃលោក Anutin Charnvirakul បាននិយាយថា លោក Peter Szijjarto និងគណៈប្រតិភូដែលមានសមាជិក១២នាក់ត្រូវបានធ្វើតេស្តក្រោយពេលចាកចេញពីប្រទេសកម្ពុជាប៉ុន្តែមានតែលោករដ្ឋមន្រ្តីក្រសួងការបរទេសម្នាក់ប៉ុណ្ណោះដែលត្រូវបានរកឃើញថាឆ្លងមេរោគនេះ។

លោកនិយាយថា លោក Szijjarto ដែលត្រូវបានធ្វើតេស្តពីរដងគឺត្រូវបានបញ្ជូនទៅវិទ្យាស្ថានជំងឺឆ្លង Bamrasnaradura របស់ប្រទេសថៃសម្រាប់ការព្យាបាលរង់ចាំការបញ្ជូនតាមយន្តហោះវិលត្រឡប់ទៅស្រុកកំណើតវិញនៅយប់ថ្ងៃពុធនេះ៕

សំអឿន

ចុច Like Facebook កម្ពុជាថ្មី

ព័ត៌មានជាតិ15 mins ago

ព្រះមហាក្សត្រ​ តែងតាំង​ ឯកឧត្តម​បណ្ឌិត ពេ​ជ សោភ័ន ជា​រដ្ឋមន្ត្រី​ប្រតិភូ​អម​នាយករដ្ឋមន្ត្រី​បន្ថែម​លើ​មុខងារ​បច្ចុប្បន្ន

ព័ត៌មានជាតិ44 mins ago

ព្រឹកស្អែក​នេះ លោក​ឧបនាយករដ្ឋមន្ត្រី ប្រាក់ សុខុន នឹងចូលរួម​កិច្ចប្រជុំ​ចង្អៀត​រដ្ឋមន្ត្រីការបរទេស​អាស៊ាន

ព័ត៌មានជាតិ56 mins ago

ឧត្តមសេនីយ៍ឯក​ ឌី​ វិជ្ជា​ ៖ ថ្នាក់ដឹកនាំ​អគ្គស្នងការដ្ឋាន​នគរបាល​ជាតិ ​តែង​គិតគូរ​ផ្តល់​ការ​ បណ្តុះបណ្តាល​ចំណេះដឹង​ និង​ជំនាញ​ដល់​នគរបាល​នារី

ព័ត៌មានជាតិ1 hour ago

នាយ​ឧ​ត្ត​ម​សេនី​យ៍ គន់ គីម ផ្តាំផ្ញើ​ឲ្យ​អ្នក​ពាក់ព័ន្ធ​ត្រៀមកម្លាំង ដើម្បី​ជួយសង្គ្រោះ​ជនរងគ្រោះ​ឲ្យ​ទាន់ពេលវេលា

ព័ត៌មានជាតិ2 hours ago

អគ្គិភ័យ​ឆាបឆេះ​ឃ្លាំង​ស្តុក​អីវ៉ាន់​ សង្ស័យ​ទុសេ​ខ្សែភ្លើង​បណ្ដាលឲ្យ​​របួស​មនុស្ស​៥​នាក់

ព័ត៌មានពេញនិយម