ព័ត៌មានជាតិ

ឯកអគ្គរដ្ឋទូតបារាំង សន្យាជំរុញនាំវិនិយោគិនបារាំងមកកម្ពុជាឱ្យបានកាន់តែច្រើន

បានផុស

៧ ខែ មុន

នៅ

ថ្ងៃពុធ ១០ កក្កដា ២០២៤

ដោយ

នៅកម្មវីធីលៀងសាយភោជ នៃវេទិកាធុរកិច្ចបារាំង-កម្ពុជា ដែលរៀបចំឡើងក្នុងវិមានរាជរដ្ឋាភិបាលនៅទីស្ដីការក្រុមប្រឹក្សាអភិវឌ្ឍន៍កម្ពុជា នាល្ងាចថ្ងៃទី០៩ ខែកក្កដា ម្សិលមិញនេះ ឯកអគ្គរដ្ឋទូតបារាំងប្រចាំកម្ពុជា ប្តេជ្ញាជំរុញនិងពង្រីកការវិនិយោគដោយផ្ទាល់ពីបារាំងនៅកម្ពុជា ឱ្យបានកាន់តែច្រើនបន្ថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះមុខ លោក ស៊ុន ចាន់ថុល អនុប្រធានទី១ ក្រុមប្រឹក្សាអភិវឌ្ឍកម្ពុជា ក៏ដូចជារដ្ឋមន្រ្តីក្រសួងកសិកម្ម, រដ្ឋមន្ត្រីក្រសួងសុខាភិបាល ប្រធានសមាគមឧកញ៉ាកម្ពុជា និងធុរជនកម្ពុជា-បារាំងជាច្រើនរូប លោក ហ្សាក់ ប៉ឺឡេ ឯកអគ្គរដ្ឋទូតបារាំងប្រចាំកម្ពុជាបានលើកឡើងថា បើទោះបីជាស្ថានភាពវិនិយោគផ្ទាល់ពីបារាំងមកកម្ពុជាមានកម្រិតនៅឡើយ ប៉ុន្តែក្នុងនាមលោកផ្ទាល់ នឹងព្យាយាមបន្ថែមទៀតជំរុញការពង្រីកការវិនិយោគដោយផ្ទាល់ពីបារាំងនៅកម្ពុជាឱ្យបានច្រើន។

ក្នុងឱកាសនោះដែរ លោក ស៊ុន ចាន់ថុល បានបង្ហាញជំនឿចិត្តយ៉ាងមុតមាំថា តាមរយៈវេទិកាធុរកិច្ចនេះ នឹងរុញកំណើនវិនិយោគិនបារាំងនៅកម្ពុជាកើនឡើងមួយកម្រិតថែមទៀត។

នៅមុនបំណាច់ឆ្នាំ២០២៤ លោកឧបនាយករដ្ឋមន្ត្រី បានប្រកាសថាក៏នឹងធ្វើដំណើរទៅប្រទេសបារាំងដើម្បីគោះទ្វារទាក់ទាញវិនិយោគិនឱ្យមកវិនិយោគនៅកម្ពុជាបន្ថែមទៀតផងដែរ៕