ព័ត៌មានជាតិ
កសិករនៅឃុំទន្លេបិទ អាចទទួលផលពីការលក់ផ្លែម្នាស់ ២០លានរៀលក្នុងមួយឆ្នាំ
ម្នាស់គឺជាដំណាំដ៏មានសក្ដានុពលរបស់ប្រជាពលរដ្ឋចំនួន៥ភូមិនៅក្នុងឃុំទន្លេបិទ ស្រុកត្បូងឃ្មុំ ដែលអាចជួយជីវភាពប្រជាពលរដ្ឋយ៉ាងល្អប្រសើរ។ ម្នាស់ជារុក្ខជាតិម៉្យាងបន្តពូជដោយកណ្ដៀង ឬខ្នែង ស្លឹកមានបន្លារដូចធ្មេញរណា ព័ទ្ធជុំវិញដើមដោយធាងលាយឡំគ្នា និងមានផ្លែរាងមូលទ្រវែងបន្តិច បើយើងទទួលទានផ្លែម្នាស់ទុំប្រកបដោយរសជាតិជូរអែម និងផ្អែមស្អិត អាចធ្វើជាបន្លែ ឬជាអាហាបង្អែមលាងមាត់ ដ៏ពេញនិយមរបស់ប្រជាពលរដ្ឋ។

លោក អ៊ូ ស៊ាងហេង ជាកសិករដាំម្នាស់នៅក្នុងភូមិអំពិលជ្រុំ ឃុំទន្លេបិទ ស្រុកត្បូងឃ្មុំ ខេត្តត្បូងឃ្មុំ បានឲ្យដឹងថា កសិករនៅក្នុងភូមិរបស់គាត់និយមដាំម្នាស់ពីរប្រភេទដូចជាម្នាស់ស្ករ ម្នាស់កែវទឹកឃ្មុំ គឺជាម្នាស់ខ្មែរយើងសុទ្ធសាធតែម្តង ។
កសិករបន្តថា ក្នុងផ្ទៃដី ១ហិកតា អាចដាំកូនម្នាស់បានចំនួន ៦ម៉ឺនដើម ហើយផ្តល់ប្រាក់ចំណូកក្នុងមួយឆ្នាំមិនក្រោម ២០លានរៀលនោះទេ ដែលធ្វើឲ្យស្មារតីប្រជាកសិករសប្បាយរីករាយក្នុងការប្រមូលផលម្នាស់ ចំពោះទីផ្សារម្នាស់ គេលក់រាប់ជាឡូ ក្នុង១ឡូមាន ១២ផ្លែ ជាប្រភេទផ្លែម្នាស់លេខ ១លក់តម្លៃ ២ម៉ឺនរៀល។

លោក ដុក សារឿន ប្រធានការិយាល័យកសិកម្មខេត្តបានឲ្យដឹងដែរថា កសិករដាំម្នាស់មានចំនួន ៥ភូមិ រួមមាន ភូមិអំពិលជ្រុំ ភូមិភ្នំ ភូមិតាអ៊ុយ ភូមិជ្រោយស្រឡៅ និងភូមិអន្លង់ពោង ដែលមានផ្ទៃដីដាំម្នាស់ប្រម៉ាណជា ៣៥ហិកតា នាពេលកន្លងមកមានមេភូមិ ក្រុមប្រឹក្សាឃុំ និងមន្ត្រីកសិកម្មខេត្ត បានបើកវគ្គបណ្តុះបណ្តាលបង្រៀនដល់កសិករ ក្នុងការដាំដំណាំគ្រប់ប្រភេទ និងផ្តល់បច្ចេកទេស ទាំងការពិនិត្យដី ការប្រើប្រាស់ជីធម្មជាតិ ការប្រើថ្នាំកំចាត់សត្វល្អិត ការជ្រើសរើសពូជដំណាំ ការថែរក្សាពូជ ការប្រមូលផល ការវេចខ្ចប់ជាដើម។

លោកប្រធានបានបន្តទៀតថា ជំនាញបានផ្តល់បច្ចេកទេសទាំងការជ្រើសរើសពូជ ការប្រើប្រាស់ជី និងការសម្លាប់សត្វល្អិតផងដែរ ដូច្នេះកសិករអាចជ្រើសរើសដំណាំតាមតម្រូវការទីផ្សារ និងដើម្បីផ្គត់ផ្គង់ទីផ្សារផងដែរ កត្តាទាំងអស់នេះហើយ ដែលបានជំរុញឲ្យប្រជាកសិករទទួលបាននូវភាពជោគជ័យលើវិស័យកសិកម្មនេះ៕
អត្ថបទ៖ សាន វិឡែម

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១០ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ