ព័ត៌មានជាតិ
ឯកឧត្ដម ហ៊ុន ម៉ានី ៖ ភាពជាម្ចាស់ផ្ទះរបស់ កម្ពុជា ជាឱកាសមួយសម្រាប់ប្រតិភូកីឡា និងភ្ញៀវអន្តរជាតិ អាចមើលពី កម្ពុជាបច្ចុប្បន្ន កំពុងរីករាយជាមួយសន្តិភាព
ឯកឧត្ដម ហ៊ុន ម៉ានី ប្រធានសហភាពសហព័ន្ធយុវជនកម្ពុជា លើកឡើងថា ភាពជាម្ចាស់ផ្ទះរបស់ កម្ពុជា គឺជាឱកាសមួយសម្រាប់ប្រតិភូកីឡា និងភ្ញៀវអន្តរជាតិទាំងអស់ អាចមើលពី កម្ពុជាបច្ចុប្បន្ន ដែលកំពុងរីករាយជាមួយសន្តិភាព និងស្ថិរភាព រួមទាំងការអភិវឌ្ឍលើគ្រប់វិស័យជាបន្តបន្ទាប់។
![](https://www.kampucheathmey.com/wp-content/uploads/2024/07/450340704_868686361969120_1419281996235286096_n-1024x682.jpg)
ការលើកឡើងនេះ ក្នុងឱកាស ឯកឧត្ដម ហ៊ុន ម៉ានី បានអញ្ជើញជាអធិបតីក្នុងពិធីបើកការប្រកួតកីឡាវាយកូនបាល់ពិភពលោក ដេវីសខាប់ ឆ្នាំ ២០២៤ នៅពហុកីឡដ្ឋានជាតិមរតកតេជោ កាលពីព្រឹកថ្ងៃទី ១០ ខែកក្កដា ឆ្នាំ ២០២៤។
នាឱកាសនោះ ឯកឧត្ដម ហ៊ុន ម៉ានី បានសម្តែងនូវសេចក្ដីសោមនស្សរីករាយ និងស្វាគមន៍យ៉ាងកក់ក្ដៅចំពោះវត្តមានអ្នកចូលរួមទាំងអស់ ជាពិសេសប្រតិភូទាំង ៨ ប្រទេស ដែលមកពីប្រទេសមីយ៉ាន់ម៉ា, គុយវ៉ែត, កាតា, កៀជីសស្ថាន, ស្រីលង្កា, អ៊ីរ៉ាក់ និងអារ៉ាប់រួម។
![](https://www.kampucheathmey.com/wp-content/uploads/2024/07/450317135_868686021969154_7642970506491311036_n-1024x682.jpg)
ជាមួយគ្នានោះ ឯកឧត្ដម ហ៊ុន ម៉ានី បានកោតសរសើរ និងវាយតម្លៃខ្ពស់ចំពោះសហព័ន្ធកីឡាវាយកូនបាល់កម្ពុជា ដែលខិតខំប្រឹងប្រែងរៀបចំព្រឹត្តិការណ៍ប្រកួតកីឡាដ៏ធំកម្រិតអន្តរជាតិមួយនេះឡើង។
ឯកឧត្ដម ហ៊ុន ម៉ានី លើកឡើងថា «ភាពជាម្ចាស់ផ្ទះរបស់ កម្ពុជា គឺជាឱកាសមួយសម្រាប់ប្រតិភូកីឡា និងភ្ញៀវអន្តរជាតិទាំងអស់ អាចមើលពី កម្ពុជាបច្ចុប្បន្ន ដែលកំពុងរីករាយជាមួយសន្តិភាព និងស្ថិរភាព រួមទាំងការអភិវឌ្ឍលើគ្រប់វិស័យជាបន្តបន្ទាប់ ដោយក្នុងនោះវិស័យអប់រំកាយ និងកីឡា គឺជាវិស័យអាទិភាពមួយដែលរាជរដ្ឋាភិបាលកម្ពុជាតែងតែយកចិត្តទុកដាក់ និងបន្តអភិវឌ្ឍន៍ឥតឈប់ឈរទាំងផ្នែកធនធានមនុស្ស និងហេដ្ឋារចនាសម្ព័ន្ធ»។
![](https://www.kampucheathmey.com/wp-content/uploads/2024/07/450508105_868686651969091_4720102676185921279_n-1024x682.jpg)
ទន្ទឹមនោះ ឯកឧត្ដម ក៏បានសំណូមពរឲ្យក្រុមកីឡាករទាំងអស់ ចូលរួមប្រកួតប្រជែងក្រោមស្មារតីសាមគ្គីភាព មិត្តភាព និងប្រកាន់ខ្ជាប់ក្រមសីលធម៌កីឡា។ បន្ថែមនោះ ឯកឧត្ដម ក៏ជូនពរឲ្យការប្រកួតប្រព្រឹត្តទៅដោយរលូន និងទទួលបានជោគជ័យយ៉ាងត្រចះត្រចង់ផងដែរ។
គួរជម្រាបថា អញ្ជើញមានវត្តមាននាឱកាសនោះរួមមាន ឯកឧត្ដមអនុប្រធាន ស.ស.យ.ក ឯកឧត្ដម សមាជិកគណៈកម្មការកណ្ដាល កីឡាករ កីឡាការិនី និងភ្ញៀវកិត្តិយសជាច្រើននាក់ផងដែរ៕
![](https://www.kampucheathmey.com/wp-content/uploads/2024/07/450634406_868686878635735_1127225201159935055_n-1024x682.jpg)
![](https://www.kampucheathmey.com/wp-content/uploads/2024/07/450367432_868686785302411_2792088896063579743_n-1024x682.jpg)
![](https://www.kampucheathmey.com/wp-content/uploads/2024/07/450367683_868686838635739_2815609909134140462_n-1024x682.jpg)
![](https://www.kampucheathmey.com/wp-content/uploads/2024/07/450315681_868687071969049_8617636885402475760_n-1024x682.jpg)
![](https://www.kampucheathmey.com/wp-content/uploads/2024/07/450367664_868687321969024_6026399858894436788_n-1024x682.jpg)
![](https://www.kampucheathmey.com/wp-content/uploads/2024/07/450368267_868687335302356_7428127265024031255_n-1024x682.jpg)
![](https://www.kampucheathmey.com/wp-content/uploads/2024/07/450811364_868687521969004_2396588517164155950_n-1024x682.jpg)
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៥ ថ្ងៃ ago
យាយតាយកចៅអាយុ៦ខែ ទៅងូតទឹក ត្រូវខ្សែភ្លើងឆក់ស្លាប់ទាំង៣នាក់ យ៉ាងអាណោចអាធ័ម
-
ព័ត៌មានជាតិ៥ ថ្ងៃ ago
កូនប្រុសលោក រ័ត្ន ស្រ៊ាង ត្រូវបានតែងតាំងជាមេបញ្ជាការរងកងរាជអាវុធហត្ថរាជធានីភ្នំពេញ
-
ព័ត៌មានជាតិ២ ថ្ងៃ ago
ឆ្នាំមុនតារាសម្ដែងជើងចាស់ គន្ធ តារាវណ្ណ ស្លាប់ ឯឆ្នាំនេះ ពិធីករល្បីលោក គន្ធ ជីវ័ន្ត ត្រូវជាកូន ក៏ស្លាប់តាមក្រោយ
-
សេដ្ឋកិច្ច៦ ថ្ងៃ ago
កម្ពុជាគួរត្រៀមខ្លួនបែបណា មុនពេលប្ដូរឋានៈ ទៅជាប្រទេសមានចំណូលមធ្យមកម្រិតខ្ពស់
-
ព័ត៌មានអន្ដរជាតិ៦ ថ្ងៃ ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
ព័ត៌មានជាតិ២៤ ម៉ោង ago
គ្រោងដាំដើមឈើរាប់ម៉ឺនដើម ប្រែក្លាយតំបន់បឹងតាមោកជាឧទ្យានជាតិបៃតង
-
ព័ត៌មានជាតិ៣ ថ្ងៃ ago
ម្ចាស់ចម្ការទុរេនធំៗទូទាំងប្រទេសជួបជុំគ្នា ចែករំលែកបច្ចេកទេសដំាដុះទុរេន ឈានពង្រីកទីផ្សារនាំចេញទៅក្រៅប្រទេស
-
សន្តិសុខសង្គម៦ ថ្ងៃ ago
ឃើញអាការៈកូនស្រីមិនស្រួលខ្លួនក៏នាំទៅពិនិត្យ ទើបបែករឿងមានគេចាប់រំលោភ